Adnan Oktar A9 TV; 19 may 2017

Əzab, əziyyətlər və səbir insanları gözəlləşdirər. Əziyyət çəkən insanlarda kəskin gözəllik olar. Əziyyət çəkməyənlərdə isə kütlük meydana gələr.

Müsəlmanın zəngin olmasında problem yoxdur. Allahın razı olmadığı, pulu yığıb toplamaqdır. Müsəlman malını Allah yolunda xərcləyər. Canını və malını Allaha həsr edənə Allah yağış kimi bərəkət verər. Mənim heç bir bankda adıma pulum, malım yoxdur, hamısını Allah yolunda xərcləyərəm.

Səmimiyyətin tək yolu Allahı çox sevmək, Allahdan qorxmaqdır. Küfr anlayışında səmimiyyət ən böyük saflıq kimi görünür halbuki tam əksidir. Səmimi olduğu zaman əziləcəyini zənn edir, halbuki səbir etsə və səmimi olsa hər insan həm dünyada, həm də axirətdə çox gözəl yaşayar.

Malı paylamaq insana sağlamlıq bəxş edər. Malı paylayanın malı çoxalar, yeməyi paylayanın sağlamlığı artar.

Qadınların səbri, mərhəməti, vəfası, ağlı, gözəlliyə olan meyli, incəliyi Allah tərəfindən onlara verilmiş ciddi üstünlükdür.

İmtahanın olması, bu cür təhsildən keçmək, cənnətin məna qazanması üçün vacibdir. Əziyyət çəkməyən dərinlik qazana bilməz. Dərinliyin, ehtirasın və sevginin yaranması üçün səbir, sədaqət, vəfa lazımdır, bunları da ən gözəl imtahanla qazanarıq.

Müsəlmanların bacı-qardaşlığını dayandıran, dostluğu, hamilik sistemini aradan qaldıran bir anlayışa müsəlmanların boyun əyməməsi lazımdır.

Mömin israrla özünü səthi olmaqdan, alçaqlıqdan qoruyar. Səthi insanların güldükləri şeylər çox keyfiyyətsizdir. Nəcib insan səthilikdən uzaq dayanar. Səthiliyə səthi olaraq qarşılıq vermək müsəlmana yaraşmaz. Müsəlmanın hər rəftarının nəcib olması lazımdır.

Münafiqin münafiqi tapma qabiliyyəti güclüdür. Müsəlman da münafiqin bu qabiliyyətindən İslam üçün istifadə edər.

Müsəlman üçün münafiqin varlığı vacibdir. Müsəlmanın güclənməsinə, doğru və səhv olanları ayırd etməsinə vəsilə olar.

Qəzəb bədənə çox zərərlidir, qəzəb nəticəsində insanın ürək ritmi pozula bilər, təzyiqi yüksələ bilər, beyin qanaması ola bilər. Qəzəblənən insan həm özünə, həm də ətrafına zərər verər. Müsəlman təvəkküllü olur, hər şeyi Allahın yaratdığını bilər və hüzurla hərəkət edər.

Müsəlman kilsəyə də gedər, sinaqoqa da gedər, məscidə də gedər. Müsəlman sinaqoq və kilsələri qorumaqla məsuldur. Sinaqoq və kilsələr də Allahın evidir. "Oraya girən kafir olar" şəklindəki batil düşüncə çox yanlışdır, müsəlmanlar Allahın evini qoruyarlar.

Şiə, sünni, vəhhabi, hamısı müsəlmandır. Hamısı eyni Allaha iman gətirir, eyni Kitaba tabe olur, eyni Peyğəmbərə aşiqdir. Şeytan nifrətin, döyüşün olmasını istəyir.

Bəzi gənclərin həyatı sevgisizlikdən məhv olmuş vəziyyətdədir. Bu kəsləri ağılla, səbirlə öyrətmək lazımdır, yavaş-yavaş bu üslubdan xilas olarlar.

Səbirli, bağışlayıcı, mərhəmətli, dürüst, gözəl sözlü, təvazökar və fədakar olan sevgini tapar.

Münafiqdə səbir və təvəkkül şeytanın təsiri ilə ləğv olmuşdur. Buna görə də hadisələr ona çox pis təsir edər, əsəb tutması keçirər.

Müsəlman münafiq və küfrlə qarşılaşdığı zaman təşvişə düşməz. Sakitcə, ağılla və səbirlə onları öyrədər, elmi yolla mübarizə aparar.

Peyğəmbərimiz (s.ə.v) zamanında dini yaymaq arzusu vardı. Peyğəmbərimiz (s.ə.v)ın ətrafında yığışmaq, birlik və həmrəylik göstərmək əsas məsələ idi. Hal-hazırda bir çoxları müsəlmanların parçalanmasını çoxnormal qarşılayırlar. Belə olduqda isə bir bərəkətsizlik, bir taqətsizlik meydana gəlir.

Heç bir möcüzə ağılın ixtiyarını yox edəcək şəkildə olmaz. Hz. İsa dövründə göydən süfrə endirilməsi də oradakıların məqbul görəcəyi şəkildə olub.

Mən İslama xidmət etməsəm yorularam. İslama xidmət etməklə şövqüm, həyəcanım, xoşbəxtliyim daha da artır. Sevdiyinə xidmət etmək ən böyük həzdir.

Uşağın könlünü alaraq, mərhəmət edərək tərbiyə etmək gözəl olandır. Əks halda uşağa şüur altında çox mənfi təsir yaradar.

Osmanlı arxitekturası xüsusilə evlər və məscidlər baxımından mükəmməldir. İncəsənət tərəfi həqiqətən gözəl olduğu üçün Anadoluda yayılmalıdır.

Heç bir müxalif səsin susmasını istəmərik. Müxalif səslərin çox olması demokratiyanın gözəlliyidir.

İslama görə dönülməyəcək heç bir səhv, günah yoxdur. Tövbə etsən dönərsən.

Möminin hər hərəkəti Allahın məmnuniyyəti üçündür. Allah möminin tək eşqidir. Allah rizası üçün edilən hər səy Eşqimizə göstərdiyimiz sevgidir.