Adnan Oktar A9 TV; 20 sentyabr 2013

Qatı dinçilər Allahın Quranda halal buyurmasına baxmayaraq bir çox yeməyi və zinəti haram etməyə meyillidirlər. Allah ayədə "bütün zinətləri Mən yaradıram, sizə kim haram etdi?" deyir. Kim edir? Xurafatçılar edir.

Quran üslubundakı dərinliyi yaxşı görmək lazımdır.

Allah bütün elm sahələrini araşdırıb öyrənməyi fərz buyurub. Quranda nəzərdə tutulan üstüörtülü, səthi araşdırma deyil, dərin və əhatəli araşdırmadır. Allahın sənətini araşdırmaq, fərq etmək, anlamağa çalışmaq təqdirə layiq bir əmrdir.

Allah müsəlmanlara Qurandakı elmi, yerdə-göydə olan hər şeyi araşdırmağı fərz buyurub.

Xurafatçılar yüzlərlə uydurma hədisi Qurandan üstün tuturlar.

Dünyada ən təsirli, müasir, dəqiq İslam anlayışı, bizim tərəfimizdən izah edilir. Mövzunu uzatmadan birbaşa açıqlayırıq.

Radikalla danışa bilmək üçün, müzakirə edə bilmək üçün, radikalın bütün izahlarına Quran ilə cavab verməyi, Quranı müdafiə etməyi bacarmaq lazımdır.

"Yer və göy"―yerdə yerin quruluşu, heyvanlar, bitkilər, mikroblar, bakteriyalar hər şey araşdırılmalıdır. Göydə: meteoritlər daxil olmaqla hər şey araşdırılmalıdır. Allah bunu müsəlmanlara fərz buyurub. Qurandakı yüzlərlə ayədən bunların fərz olduğu aydındır.

Allah səmimi insana ağıl verər. Bu açıq olan bir şeydir. Həmişə bütün peyğəmbərlərin, gözəl insanların ağıllı olduğu məlumdur.

Qurana tabe olan müsəlmanlar hər şeyi xoş qarşılamalı, hər şeyə ağılla yanaşmalıdırlar. Həyəcanla baxmamalıdırlar.

Allah insanın səmimiyyətini gördüyündə (qədərdə onsuz da bilir) ağlını daha da artırar. Səmimiyyətsiz olduğu halda isə ağlını alar və insan divanə olar, manyak kimi olar.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Allah ağılı anbaan yaradır. Ağıl davamlı axar. Ağıl beynin içində durmaz. İnsanlar zənn edir ki, ağıl küp kimi mühafizə olur, elə bir şey yoxdur. Başın içi bomboşdur. Ağıl başa Allah tərəfindən çay kimi dayanmadan axar.

Allahı sevmək ağıl və əmək tələb edir. Eləcə də həqiqi dindarlıq ağıl, incəlik, vicdan tələb edir.

Bəni-İsraili dünyadan silmək istəyirlər, buna icazə vermərik. Mən hz. İsrail (ə.s)-ın övladlarını məhv etdirmərəm. Allah Quranda yüzlərlə ayədə bəni-İsraildən bəhs edir.

Birlik, bərabərlik zəmanətdir, dinclikdir, dindarın və dinsizin qorunmasıdır. Quranda birlik vardır.

Yəhudiləri alçaq görən bir üslub, bərəkətsiz və uğursuz bir üslubdur. Quranda yüzlərlə ayədə yəhudilərdən bəhs edilir. Allah dindar bəni-İsrail xanımları ilə evlənə bilərsiniz deyir. İsrail düşmənliyi uğursuzluq gətirər, Qurana uyğun deyil və günahdır.

Quran, eyni zamanda, ağıl öyrədən kitabdır.

Quran çox sadədir. Quranın demək olar ki, yarıdan çoxu təkrardır. Bu, ayələrin daha da yaxşı qavranılması üçündür. Başqa sözlə, Allah bizə ağılın yığcam və sadə qaydalarını izah edir. Onu tətbiq edəndə xeyli ağıllı, qərarlı olarıq.

Quran oxuyan insanlar hər oxuduqları ayədən ağıllarının, əxlaqlarının daha da dərinləşdiyini biləcəklər. Bu Tövratda da vardır. Ona görə yəhudilər Tövratı gecə-gündüz oxuyarlar. Bilavasitə həm əxlaqı, həm şəxsiyyəti inkişaf edir.

Qürur, eqoizm insanı dəli kimi göstərər. Eqoizm edən insan ağlını itirər, çirkinləşər.

Allahın sonsuz ağıl sahibi olması biz qulları üçün möhtəşəm rahatlıqdır. Əlhəmdülillah.

İnsanın keyfiyyəti təmizliyindədir. Çirk və natəmizlik keyfiyyətsizliyin ən birinci əlamətidir. İnsanın düşünmədiyini göstərər. Ağıllı bir insan çirkdən, murdar olandan narahat olar. Olmursa bir problemi vardır. O adam keyfiyyətdən bəhs edə bilməz.

İnsanlara baxıram, gözlərində heç bir məna yoxdur. Niyə? Həsədlik bir tərəfdən, qısqanclıq bir tərəfdən, qəddarlıq bir tərəfdən, sevgisizlik bir tərəfdən, insanlardan qorxu bir tərəfdən, Allaha təslimiyyətsizlik bir tərəfdən, rəqabət ruhu bir tərəfdən olduğu üçün gözlərdəki məna, gözəllik gedər.

İnsanlar yalan danışmağa, səhvi başqasının boynuna yıxmağa meyillidir. Halbuki, Allah insanın bu cür adi oyunlarla özünü Allahın əzabından qurtara bilməyəcəyini bildirir.