Adnan Oktar A9 TV; 22 Mart 2013

Biz İsrailə, yəhudi qardaşlarımıza Allah rizası üçün şəfqət göstəririk. Heç bir mənfəətimiz yoxdur. Əksinə bir çox təhlükə ilə, çətinliklə qarşılaşırıq. Bu mövzuda səylərimizi təkcə Allahın təqdirinə təqdim edirik, inşaAllah.

Əsas məsələ iman məsələsidir. Bir insanın imanı güclüdürsə, mükəmməl olar. İmanı zəif olsa bir çox şeyə gücü çatmaz. Buna görə, imanı zəif bir insana təsəvvüflə yaxınlaşsan bir nəticə əldə edə bilməzsən. Quran möcüzələri ilə, iman həqiqətləri ilə imanını gücləndirib, sonra nə izah edirsənsə et.

Dünyada mehdiyyəti bizim qədər ağıllı, elmi dəlillərə, qaynaqlara əsaslı şəkildə isbat edən, Risalə-i Nura, hədislərə, Qurana əsaslanan şəkildə, isbatlı izah edən heç bir birlik yoxdur.

Allahın göstərdiyi modeldən başqa bir yol olmaz. Heç birində qurtuluş olmaz. Həmişə başları daşa dəyər, heç bir nəticə əldə edə bilməzlər.

Allahın razılığı, ən əhəmiyyətli mövzudur. Müsəlman bir şey edərkən həmişə Allahın razılığını tələb edəcək. İnsanlar nə deyirsə desin, nə edirsə etsin, mömin əsl məqsədi heç bir şəkildə unutmayacaq.

Fanatiklər öz aralarında xüsusi, klassik sağın bəzi stillərini inkişaf etdirirlər. Estetikadan anlayışları yoxdur. Sənət, keyfiyyət olmur. Bunlardakı paltar anlayışı xarici siyasət anlayışı ilə, hamısı bir-birilə eynidir. Təkcə bir dünyagörüşü var, ikincisi olmur. Dünya görüşləri vəsvəsə halında olur.

Bura imtahan yeridir, rahatlığı unutsunlar, elə bir şey olmaz. Bura cənnətlə cəhənnəmin qarışığı bir yerdir. İmtahan verdiyi üçün 50% cənnət, 50% də cəhənnəmə bənzəyər. Cənnətdə rahatlayacaqlar.

Bəziləri bölünəndə daha sakit bir Türkiyə olacağını zənn edirlər. Lakin zənn etdikləri kimi olmaz. PKK, cənub-şərqdə çox vəhşi bir rejim yaratmağı düşünür.

Bizim heç bir fanatikin dəstəyinə ehtiyacımız yoxdur, bunu bilsinlər.

Türkiyə mübarək bir evdir.

Şöhrət ehtirası müsəlmana yaraşmaz. Nəfsin tərbiyə edilməsi üçün daim insan nəfsini acizlik içində görməlidir. Allaha təslim olacaq, qardaşlarını çox sevəcək, məhəbbətlə baxacaq. Onların xidmətçisi olmağın həyəcanını yaşayacaq.

Təvazökarlığı qəbul etməsən, lovğalansan, təkəbbürlü olsan Allah bəla verər. Allah göstərməsin. Amma məzlum, təvazökar olsan bərəkət, hüzur, dinclik gəlir. Daxilin, xaricin, hər yerin nur olar. İşlərin rahatlıqla gedər. Əks təqdirdə Allah hər yerindən, hər şeydən çətinliyə salar. Bərəkət, hüzur, dinclik, ağıl, fikir, nur qalmaz. Allah əsirgəsin. Allah üzərinizdən nurunu qaldırar.

Müsəlman torpaq, ən təvazökar olacaq. Baş deyil, həmişə ayaq olmağa çalışacaq. Baş olmaq ehtirası qeyri-normal bir hərəkətdir. Eqoist bir ehtirasdır. Gözəl deyil. Müsəlmanın təqvalısı, yaxşı olanı həmişə ayaq olmaq, xidmətçi, torpaq olmaq istəyəndir. Onlar məqbuldur.

Mehdiyyət nurlu iki qolu ilə bütün dünyanı qucaqladı. Bunun daxilində hər şey öz yoluna düşür. Cənab Allah Mehdi (ə.s)-ı, İsa Məsihi vəsilə edir.

Türkiyədə Darvinizm-materializm fikirlə yıxıldığı üçün büt yoxdur. Bütləri elmlə, sevgi ilə qırdıq. Necə Kəbənin içindəki bütləri rəsulullah (s.ə.v), hz. İbrahim (ə.s), hz. Musa (ə.s) qırdı, biz də fikirlə Türkiyədəki darvinizm bütünü qırdıq. Millətimiz bir rahatlıq, hüzur, dinclik dövrünə girdi.

Müxalif şərhlər zənginlik, güc, ayıq-sayıqlıq yaradar. Millətimizə də güvənc gətirər. Zərərli deyil, faydalıdır.

Amerikaya sahib çıxmaq çox ağıllı hərəkət olar, fikrimcə. Heç bir ölkənin yıxılmasını istəmək doğru deyil. Sahib çıxıb, düzəlməsini diləmək lazımdır. Məsələn, onlar böyük çinardırlar, suyunu verək, günəş şüasını təmin edək. Yarpaqları ilə böyüsün, dünya gözəl olsun. Onlar dünyanın bəzəyidir. Niyə o bəzəyi dünyadan götürək? Bu hər kəsin vicdan borcu olmalıdır.

İnsanlar üzərində elmi izahatlar, Quran möcüzələri və iman həqiqətlərinin izahatı təsirli olar. Klassik üslublu izahatlar təsirli olmaz. Çünki ağılın ürəyi təsdiq etməsi lazımdır. Ağıl istifadə edilməsə iman zəif olar.

Yüksəkdən baxmaq çox alçaq bir hərəkətdir. Niyə yüksəkdən baxırsan? Ayaq ol, torpaq ol, təvazökar ol. Torpaq olanı da başımızın tacı edərik.

"Türkiyə yaxın gələcəyin böyük gücü hesab edilir". Bu gözəldir, lakin bunun açıqlanması lazımdır. Böyük gücdə nəzərdə tutulan sevgi, şəfqətdir, Türkiyə imanın böyük gücüdür.

Möminlərin birliyində inkar edənləri də qazanmaq düşüncəsi vardır.

Vətənin Allahın icazəsi ilə bölünməyəcəyi aşkardır. İnkişaf, İslam Birliyi əsasdır. Bölünmə onsuz da haramdır. Bütün müsəlmanlar harama qarşıdır. Birləşmək də fərzdir. Hal-hazırda o fərzi edirik, Allahın icazəsi ilə.

Türkiyə olaraq bir böyüklük iddiamız yoxdur. Böyük olan Allahdır. "Türkiyə böyük qardaş"dır. Belə deyil. Türkiyə Allah rizası üçün xidmət etməyə, xidmətçiliyə namizəddir.

Həqiqi demokratiya üçün cəhd göstərəndə İslamla qarşılaşmış olacağıq. Çünki İslamla həqiqi demokratiya eynidir. Azadlıq, sevgi, sülh, qardaşlıq, yaxşılıq, yardım etmək, dostluq, xoş niyyət, səmimiyyət, xoşluq, Allahdan qorxmaq, Allahı çox sevmək, gözəl olana məhəbbət, elm, sənət, estetika bunların hamısını əldə etsək İslam qarşımızda olacaq.

İsraili üzr istədiyi üçün günahkar çıxarmaq səhv olardı. Üzr istəyənin üzrü qəbul edilib, ona nəzakət göstərilər. Amma "necə də üzr istətdik " kimi ifadələr alçaq hərəkətdir, çirkinlikdir. Türk millətinin alicənablığı vardır, buna yaraşan şəkildə hərəkət edilər. Üzr istəyənin qüruru alçaldılmaz.