Adnan Oktar A9 TV; 21 Mart 2013

Türkiyədə Darvinizm-materializm fikirlə yıxıldığı üçün büt yoxdur. Bütləri elmlə, sevgi ilə qırdıq. Necə Kəbənin içindəki bütləri rəsulullah (s.ə.v), hz. İbrahim (ə.s), hz. Musa (ə.s) qırdı, biz də fikirlə Türkiyədəki darvinizm bütünü qırdıq. Millətimiz bir rahatlıq, hüzur, dinclik dövrünə girdi.

Mehdiyyət nurlu iki qolu ilə bütün dünyanı qucaqladı. Bunun daxilində hər şey öz yoluna düşür. Cənab Allah Mehdi (ə.s)-ı, İsa Məsihi vəsilə edir.

Maddə heç bir şəkildə yox olmaz. Heç bir görünüş, səs yox olmaz. Bir dəfə yaransa sonsuza qədər var olar, itməsi qeyri-mümkündür. O görünüş sonsuza qədər qalar. Səs də heç vaxt itməz, yəni mümkün deyil.

Türkiyə olaraq bir böyüklük iddiamız yoxdur. Böyük olan Allahdır. "Türkiyə böyük qardaş"dır. Belə deyil. Türkiyə Allah rizası üçün xidmət etməyə, xidmətçiliyə namizəddir.

Biz İsrailə, yəhudi qardaşlarımıza Allah rizası üçün şəfqət göstəririk. Heç bir mənfəətimiz yoxdur. Əksinə bir çox təhlükə ilə, çətinliklə qarşılaşırıq. Bu mövzuda səylərimizi təkcə Allahın təqdirinə təqdim edirik, inşaAllah.

Mehdi (ə.s) təzyiq görüb əziyyət çəkəcək. Allah zər aləmində "Bu çətinliklərə dözəcəksənmi?" deyir. "Bacaracam, ya Rəbbim", "Qürurla, şərəflə" deyir. Mehdi (ə.s) zər aləmindən 6000 il sonra dünyaya göndərilir. Və o zər aləmindəki sözünü yerinə yetirir.

Müsəlman "Niyə İslam Birliyi hələ yaranmadı, niyə əziyyət çəkirik, niyə bu çətinliklər var?" deməməlidir. Səbir etməlidir. Çünki səbrin sonunda cənnət olur, Allahın razılığı olur. Səbir yoxdursa itirdin.

İxlas bir şeyi yalnız Allah rizası üçün etməkdir. Yəni insanların təqdiri üçün etsə o etdiyi tamamilə faydasız olar, itər. Saflıqla "Allah nə deyər?", "Allah bəyənərmi?", "Allah razı olarmı?", "Allah məmnun olarmı?" müsəlman bunları əsas götürəcək. Bunu unutmamaq lazımdır. İxlasın əsas xüsusiyyəti budur.

Dünyada mehdiyyəti bizim qədər ağıllı, elmi dəlillərə, qaynaqlara əsaslı şəkildə isbat edən, Risalə-i Nura, hədislərə, Qurana əsaslanan şəkildə, isbatlı izah edən heç bir birlik yoxdur.

Sırf Mehdi (ə.s)-ı sevmək, İslam Birliyini istəmək belə bir qurtuluşdur.

Sevgisizlik ağılı dayandırdı. Ağıl dayananda iqtisadiyyat da dayanar. İnsanların şövqü, həyəcanı qalmadı. Bir-birlərinə yad oldular. Məhəbbət, dostluq yoxdur. Elə olunca ağrılar, iztirablar, çətinliklər bütün dünyanı bürüyür. Buna qarşı tədbir hz. İsa Məsihi Allahdan istəmək, Mehdi (ə.s)-ı Allahdan istəməkdir.

Qardaşlarımız namaza sevinclə qalxsın. Nə gözəl, qalxdığımızda tərtəmiz dünya görürük. Səhər yerindən iflic də qalxa bilərsən. Qalxarsan ayağın yer tutmaz, ağzın əyilmiş vəziyyətdə ola bilər. Yaxud qalxdığında cəhənnəmə getmiş də ola bilər. Nə gözəl, Cənab Allah məmnuniyyətlə, bərəkətlə oyandırır.

Namazda eşq, coşğu, sevinc içində, böyük bir həyəcan içində olacağıq. Bayram sevinci ilə, ehtirasla qalxacağıq. Məsələn, adama desələr ki, indi qalx, beş milyonu götür, həm də çox yuxuludur. Yaxud bir kasanın içində qızıl doludur, “qalx, götür". Yerindən sıçrayarlar, elə deyilmi? Allahın razılığı, sonsuz cənnət o qızıl kasadan daha çox qiymətlidir.

Ayədə bildirilən Sura üfürülməsi hadisəsi, bəlkə insanların başqa bir əhatəyə keçməsi ola bilər.

Türkiyənin əleyhdarlarına, milli quruluşumuzu pozan hər cür fikirə qarşı əks təbliğat edilməlidir. Dövlətin əks təbliğatla əlaqədar birliyi olmalıdır. Bununla əlaqədar bir ümumi müdirlik də ola bilər.

"Ver, xilas ol!" ― deyə bir şey yoxdur. Vətəni böldürmərik.

Allah müsəlmanın şövqünü artırmaq üçün ona səhv etdirə bilər. Beləcə o insan, o duyğu ilə daha təqva, daha dəqiq, daha imanlı ola bilər.

Bir qadın, Allah əsirgəsin, daha əvvəl günaha girmiş ola bilər. Kişi də günaha girmiş ola bilər. O andan etibarən tövbə edib bir daha etmirsə, o qadın iffətlidir, igid də olsa, o da iffətlidir.

SƏN MƏZLUM, TƏRBİYƏLİ, HÖRMƏTLİ MÜSƏLMANLARA PİSLİK ETMƏYƏ ÇALIŞSAN, ALLAH BƏLANI VERƏR. AĞLINI BAŞINA YIĞ, ALLAHI SINAMAĞA ÇALIŞMA. Allahın dəfələrlə bəla verdiyinin şahidi ol. Bəlanı saymamazlıqdan gəlmə.

Çox məlumatlı deyil; müdrik, fəzilətli olmaq, kamil olmaq çox əhəmiyyətlidir.

Həqiqi eşqi axtarırsansa; özünü həm fiziki, həm də ruhi cəhətdən yaxşı inkişaf elətdir, mədəniyyətini, mərhəmətini, səbrini artır, vicdanını çox təmiz və güclü hala gətir, ruhi və fiziki cəhətdən çox təmiz ol, Allaha özünü təslim et, dünyadan keç, Allah sənə həqiqi eşqi nəsib edər. O zaman tapdığın eşq ruhunu doyurar.

Amerikaya sahib çıxmaq çox ağıllı hərəkət olar, fikrimcə. Heç bir ölkənin yıxılmasını istəmək doğru deyil. Sahib çıxıb, düzəlməsini diləmək lazımdır. Məsələn, onlar böyük çinardırlar, suyunu verək, günəş şüasını təmin edək. Yarpaqları ilə böyüsün, dünya gözəl olsun. Onlar dünyanın bəzəyidir. Niyə o bəzəyi dünyadan götürək? Bu hər kəsin vicdan borcu olmalıdır.

Vətənin Allahın icazəsi ilə bölünməyəcəyi aşkardır. İnkişaf, İslam Birliyi əsasdır. Bölünmə onsuz da haramdır. Bütün müsəlmanlar harama qarşıdır. Birləşmək də fərzdir. Hal-hazırda o fərzi edirik, Allahın icazəsi ilə.

Həqiqi demokratiya üçün cəhd göstərəndə İslamla qarşılaşmış olacağıq. Çünki İslamla həqiqi demokratiya eynidir. Azadlıq, sevgi, sülh, qardaşlıq, yaxşılıq, yardım etmək, dostluq, xoş niyyət, səmimiyyət, xoşluq, Allahdan qorxmaq, Allahı çox sevmək, gözəl olana məhəbbət, elm, sənət, estetika bunların hamısını əldə etsək İslam qarşımızda olacaq.

Müsəlman torpaq, ən təvazökar olacaq. Baş deyil, həmişə ayaq olmağa çalışacaq. Baş olmaq ehtirası qeyri-normal bir hərəkətdir. Eqoist bir ehtirasdır. Gözəl deyil. Müsəlmanın təqvalısı, yaxşı olanı həmişə ayaq olmaq, xidmətçi, torpaq olmaq istəyəndir. Onlar məqbuldur.