Adnan Oktar A9 TV; 6 iyul 2017

İman sevinci ən gözəl sağlamlıq vəsiləsidir. Bütün mənliyi ilə Allah üçün yaşayan çox yaxşı həyat yaşayar.

Qazilərimiz üçün yurdun müxtəlif yerlərində istirahət etmələrindən ötrü geniş obyektlər yaradaq. Xalqa da açıq olsun bu məkanlar. Qazilərimiz xalqla iç-içə olsunlar.

Türkiyə Avropadan daha qabaqcıl, daha ziyalı olacaq inşaAllah. Hər kəs Avropaya getmək üçün deyil, Türkiyəyə gəlmək, qoşulmaq üçün can atacaq.

Müxalifətin olması Türkiyə üçün zənginlik, gözəllikdir. Demokratiyanın sağlam işlədiyini göstərməsi baxımından müxalifətin mövcudluğu əhəmiyyətlidir.

İstanbulun infrastrukturunu pozan bütün binaların ləğv edilməsi lazımdır, lakin bunun üçün sevgi, coşğu, həyəcan lazımdır. Bu da mehdiyyət dövründə olacaq.

Tabutu-Səkinə (Əhd Sandığı), yəni hz. Musa (ə.s)-ın əmanəti olan müqəddəs sandıq tapılacaq. Həmçinin sandığın tapılması bütün dünyanı dəyişdirəcək.

Məgər dinimizdə qadınların yanında din izah etmək var, deyənlərin buna dair Qurandan dəlil gətirmələri lazımdır. Tək bir dəlil gətirə bilməzlər. Hz. İbrahimin həyat yoldaşı qonaq gələn mələklərin yanında gülür, söhbət mühiti var, hz. Musa hz. Şueybin qızlarına kömək edir, hz. Süleyman Səba məlikəsi üçün hovuz düzəltdirir. Qurana görə qadınların etibarlı mühitlərdə dekolteli olması, qadınların yanında dindən danışılması haram deyil. Buna haram deyənlərin Qurandan ayə göstərməsi lazımdır. Qurandan ayə göstərməyib "mənə görə, eşitdiyimə görə" deyə məntiq olmaz.

Qadına qarşı zorakılığın qarşısının alına bilməsi üçün bu məsələdə qadınların önünə çıxarılan bütün bürokratik maneələrin aradan qaldırılması əsas şərtdir. Qadına yönəlmiş ciddi təhdid və cana qəsd olduğu zaman, təhdid edən insanı imtina etdirəcək qanuni və hüquqi tədbirlər alınması lazımdır.

Mehdiyyət bir körpənin ana bətnində inkişaf etməsi kimi, Allahın himayəsi altında inkişaf edər və vaxtı gələndə doğum baş verər.

Allah həqiqətən dinə xidmət edən şəxslərə gənclik və sağlamlıq vermişdir. Hz. Musa, hz. İbrahim yaşlarının irəliləmiş olmasına baxmayaraq, çox gənc və gümrahdılar.

Axırzamanın bütün mühüm hadisələri İstanbulda baş verəcək. Hədislər də, Bədiüzzaman da hz. Mehdinin İstanbuldan çıxacağını deyir.

Ələvilər məsələsində bəzi təbəqələrdə ciddi cəhalət var. Ələvilər mövhumatçılığa qarşıdırlar, çox təmiz, sevgi dolu, nəzakətli, baş tacı insandırlar.

Münafiq özünü çox ağıllı zənn edər, halbuki axmaqcasına öz pisliyinin içinə diyirlənmişdir. Münafiqin taleyi pərişanlıq, əzab və iztirabdır. Hz. Musa dövrünün münafiqi olan Samiri də qorxu içində yaşamış, həmişə təqib edildiyindən şübhələnərək narahatlıq və əzab içində ölmüşdür.

Dəccaliyyət haşa ilahlıq iddiası ilə ortaya çıxdığı üçün ruhdan düşməz. Can almaqdan, terrordan, anarxiyadan imtina etməz. Dəccal terror törədib insan öldürərkən haşa özünün ilah olduğunu sübut etməyə çalışar, "can alaram, can verərəm" deyə mesaj verər. Tarixdəki dəccallar da can alıb, can verdiklərini iddia ediblər. Firon da, Nəmrud da insan öldürüb diriltdiyini söyləyib ilahlıq iddia ediblər.

Azərbaycanı, azəriləri çox sevirik. Allah bərəkətlərini artırsın. Azərbaycan demək Türkiyə deməkdir. Türkiyə demək Azərbaycan deməkdir. Onlar bizim baş tacımız, canımız, ruhumuz, mübarək bacı-qardaşlarımızdırlar. Dünyada da, axirətdə də bərabərik inşaAllah.

Azəriləri canım kimi sevirəm. Onlar bizim doğmaca övladımız və bacı-qardaşımızdırlar. Can vermək də daxil olmaqla, Azərbaycan üçün etməyəcəyimiz heç nə yoxdur. Azərbaycan bayrağı türk bayrağı kimi, Azərbaycan torpağı ilə Türkiyə torpağı kimi bizim üçün müqəddəsdir.

Mənim tənqidim İngiltərə dövlətinə və ingilis xalqına qarşı deyil. Mən, ingilis xalqına da yapışmış bəla olan İngiltərə dərin dövlətini tənqid edirəm. İngiltərə dərin dövləti görünməyən dəccal hərəkatıdır. Hal-hazırda son dövrlərində olduğunu gördüyü üçün hücuma keçmiş vəziyyətdədir. Bu hücumu elmlə, fikirlə zərərsizləşdirəcəyik.

Tayyib hocam səmimi dəliqanlıdır. Baş nazirimiz Binalı Yıldırım da çox dəyərli insandır. Onların əleyhinə qurulan hər tələ puç olur. Dəccaliyyətin hücumuna qarşı Tayyib hocamı tək qoymaq çox böyük vicdansızlıq olar.

Bəzi evanjeliklər tərəfindən cənub-şərqdəki can qardaşlarımız Armegedonun hədəf kütləsi olaraq görülür. Əvvəl bölgəni bölüb-parçalayıb, kommunist edib, sonra da böyük bir döyüş başladıb qardaşlarımızın hamısını öldürməyi düşünürlər. Bu oyuna icazə vermərik.

Yaşlanmamağın sirri imandır. Allah Özünü səmimi sevənə yaşı irəliləmiş olsa belə güc, qüvvət, qüdrət və gümrahlıq verər.

Müasir kimi görünən qatı mühafizəkar olan bir təbəqə var. Bunlar buz kimi soyuq bir din anlayışına malikdirlər və ruhlarında incəsənət, sevgi yoxdur. Bunların gülərüzlü olduqlarını, şən yaşadıqlarını görməzsiniz. Xalqdan özlərini yüksəkdə hesab edərlər, təkəbbürlü və lovğadırlar. Bu tiplər görünüşdə ənənəçi ortodoks sistemi tənqid edərlər, lakin yaşadıqları həyatın soyuqluğu, sevgisizliyi, eqoistliyi eynilə dindən uzaqdır. Bunların həyat fəlsəfəsi insanların sevincini boğan, həyatın gözəlliklərini əllərindən alan, guya kübar, lakin əslində buz kimi soyuqdur.

Qadının dekoltesinə, gözəlliyinə, makiyajına qarışmaq İslamda deyil, ənənəçi ortodoks sistemdə vardır. İslamda qadın azaddır.

İncəsənətin olmadığı mühitdə elm olmaz, elm yoxdursa inkişaf olmaz və arxasınca çöküş gələr. İncəsənəti, elmi dəstəkləyən Quran əxlaqıdır.

Qadını potensial cinayət işləyəcək və işlədəcək varlıq kimi görüb təzyiq altına almağa çalışmaq ənənəçi ortodoks sistemin ən qorxunc tərəfidir.

Allah qorxusu və Allah sevgisi hakim olduğu zaman bütün insanların küçədə etimad və hüzur içində yaşadığı bir dünya olacaq.