Adnan Oktar A9 TV; 13 iyul 2017

Alkoqol bilavasitə bütün hüceyrələri zəhərləyən, toxunduğu toxumanı öldürən maddədir. Alkoqolun faydası vardır deyənlər yanlış məlumat verirlər.

Qəhrəman Kazan xalqı, Çengelköyün igidləri və bütün vətəndə tanka qarşı dayanan igidlərimiz 15 iyul gecəsi dastan yazdılar maşaAllah.

İslam Birliyi hər an qapıdadır. İslam Birliyi olduğu zaman qadınlar azad olacaq, bütün inanclara hörmət görəcək, bütün ictimai təzyiqlər aradan qalxacaq, ictimai ədalət tam hakim olacaq, hər yer bağ-bağçalıq olacaq, terror və anarxiya bitəcək. Bu mövzuda, bu gözəlliyi tələb edən hər düşüncəyə, inanca sahib insanla həmfikirik.

İctimai nəqliyyat vasitələrində qadınların şərəfi, oradakı bütün insanlara əmanətdir. Qadınlar hər zaman prioritet və hörmət görməlidir.

Gənclərin böyük əksəriyyəti şüurludur, lakin üzərində çox böyük təzyiq olduğu üçün rahat, sabit yaşaya bilmirlər. Gənclərin üstündən bütün ictimai təzyiqlər qalxsa, təkcə Quranın meyarlarına görə yaşasalar, o zaman mümkün olduğu qədər azad olarlar.

Şəhid ailələri, qazi və qazi ailələri üçün yayla yerlər də daxil olmaqla, yurdun hər yerində istirahət mərkəzləri yaradaq, onları çox gözəl yaşadaq. Bu məkanlar xalqa da açıq olsun, xalq onları ziyarətə getsin, hədiyyələrlə şərəfləndirsin. Can əzizdir, vətən üçün canını verəni baş tacı edək.

Məgər dinimizdə qadınların yanında din izah etmək var, deyənlərin buna dair Qurandan dəlil gətirmələri lazımdır. Tək bir dəlil gətirə bilməzlər. Hz. İbrahimin həyat yoldaşı qonaq gələn mələklərin yanında gülür, söhbət mühiti var, hz. Musa hz. Şueybin qızlarına kömək edir, hz. Süleyman Səba məlikəsi üçün hovuz düzəltdirir. Qurana görə qadınların etibarlı mühitlərdə dekolteli olması, qadınların yanında dindən danışılması haram deyil. Buna haram deyənlərin Qurandan ayə göstərməsi lazımdır. Qurandan ayə göstərməyib "mənə görə, eşitdiyimə görə" deyə məntiq olmaz.

Quranda təkamül vardır deyənlərdən qardaşlarımız cinlər, mələklər, cənnət köşkləri, cənnət qılmanlarının necə yaradıldığını soruşsunlar. Mələklər, cinlər, cənnət necə təkamüllə yaradılmadıysa insanlar da təkamüllə yaradılmamışdır. Hz. İsa necə ki, palçıqdan quş formasında bir şey düzəldir və o bir anda canlı quşa dönürsə, insan da Allahın ruh verməsi ilə insan olmuşdur. Təkamül yoxdur. Hz. Musa əlindəki əsanı atdığı zaman əsa tam canlı ilana necə dönürsə, insan da bir anda insan olaraq yaradılır, mərhələ-mərhələ deyil.

“Müqəddəs sandıq” yaxın zamanda tapılacaq və Quranda bəhs edilən hz. Musanın əsası, lövhələr, hz. Süleymanın üzüyü kimi əmanətlər görüləcək.

Hər yerdə Allahın ruhu var. Bir çobanyastığının, yoldakı tək bir otun içində Allahın ruhu var. O tək çobanyastığıdan Allah istəsə yeni kainat yaranar. Allah istədikdə hz. Musanın əsasını bir anda canlı ilana döndərir, istəsə saraya da döndərər.

Allah həqiqətən dinə xidmət edən şəxslərə gənclik və sağlamlıq vermişdir. Hz. Musa, hz. İbrahim yaşlarının irəliləmiş olmasına baxmayaraq, çox gənc və gümrahdılar.

Ələvilər məsələsində bəzi təbəqələrdə ciddi cəhalət var. Ələvilər mövhumatçılığa qarşıdırlar, çox təmiz, sevgi dolu, nəzakətli, baş tacı insandırlar.

Münafiq özünü çox ağıllı zənn edər, halbuki axmaqcasına öz pisliyinin içinə diyirlənmişdir. Münafiqin taleyi pərişanlıq, əzab və iztirabdır. Hz. Musa dövrünün münafiqi olan Samiri də qorxu içində yaşamış, həmişə təqib edildiyindən şübhələnərək narahatlıq və əzab içində ölmüşdür.

Peyğəmbərlərin imtahanı çox çətindir. Hz. Musa, hz. Yusif, hz. Əyyub, Peyğəmbərimiz (s.ə.v) hamısı çox əziyyət və çətinlik yaşamışdır.

Hz. Mehdidə bütün peyğəmbərlərin xüsusiyyətlərindən vardır. Hz. Mehdi qarşılaşdığı təzyiqlərə görə hz. Musaya, çəkdiyi əziyyətlərə görə hz. Yusifə bənzəyəcək.

Mehdi dövründə tapılacaq əhd sandığının içində Harunun əsası da olacaq. Harunun əsası cücərmiş, çiçəklənmiş əsadır.

Əhd Sandığı Təbəriyə gölündə heç əldə edə bilməyəcəkləri yerdə gizlənmişdir, vaxtı gəldikdə tapılacaq və açılacaq. Təbəriyə gölündəki 60 metrlik daş yığını altında Müqəddəs Sandıq gizlədilibdir. Əhd Sandığı Mehdi dövründə Təbəriyədən çıxardılacaqdır.

Əhd sandığı Allahın insanlara son hədiyyəsidir, insanların imanının artması üçün son bir hədiyyədir, Quranda keçən bir nemətdir. Hz. İbrahim dövründən qalan əlamət, nemətlər və gözəlliklər var. Bunlar hz. Mehdi (ə.s) dövründə ortaya çıxacaq, insanlar çox heyrətlənəcəklər.

Hz. Süleyman (ə.s)-ın müqəddəs əmanətləri, hz. Musanın sandığı tapılacaq. Müqəddəs sandıq müsəlmanların, yəhudilərin və xristianların da olduğu bir mühitdə açılacaq. Çox böyük hadisələr yaşanacaq. İnsanlar buna hazırlıq görsünlər.

Bir qadının həqiqətən sevdiyi gözündən bəlli olar. Gözündə təkcə həqiqi sevənin anlaya biləcəyi ehtiras, təslimiyyət və dərin sevgi yaranar.

Kitabın ruha təsiri çox gözəldir, bundan ötrü də, kitabla təbliğ etmək çox təsirli üsuldur.

Allaha çatan ən qısa yol səmimi olmaqdır. Allah səmimi qulların xilas olacağını bildirmişdir. Qəlbi fərəhləndirən, insanı axirətdə və dünyada xilas edən səmimiyyətdir.

İmanlı insana hər gün gözəldir. Lakin Allahı sevməyən Allahdan qorxmayan insan üçün ən gözəl dediyi gün də cəhənnəmdir.

Kürdlər vicdanlı və igiddirlər. Səbirli, qənaətkar insandırlar.

Təkamülə inanan insan Allahın gücünə inanmır deməkdir. Təkamül palçıqlı su içində hər şeyin təsadüfən yarandığını müdafiə edən ideologiyadır.