Adnan Oktar A9 TV; 25 aprel 2018

Münafiqlər çox həyasız və arsızdır. Görənlər dərhal uzaqlaşar. Münafiqlər həmişə təkdir, öz aralarında iki üç nəfər sürünürlər.

Axırzaman münafiqləri dünyanın ən alçaq münafiqləridir və onların üzərində nəsillər boyu davam edəcək lənət vardır.

Bizim fitrətimiz sevgiyə görədir. Nifrət insanı çox əzər. Münafiq nifrəti yaşadığı üçün ömür boyu sürünər. Mömin də sevgini yaşadığı üçün ömür boyu sağlamlıq, sevinc içində gözəl yaşayar.

Heyvanlara zülm bilərəkdən edilirsə qarşılığı ağır həbs cəzası olmalıdır. Heyvanın dərdini anladacaq dili yoxdur. Heyvana zülm edənləri nəsillər boyu tanıtmaq, hər kəsə ifşa etmək lazımdır.

Kitab çox vəfalı mürşiddir. Nəsillər boyu insan öyrədər. İmani kitabı pulsuz hədiyyə etmək ən gözəl hədiyyələrdən biridir.

Ruhun bədənə ehtiyacı yoxdur. Bədən əslində ruhun məhsuludur. Ruhdan ortaya çıxan inanc, Allahın yaratdığı təsvirdir.

Yox olacağını düşünən, axirət inancı olmayan insan heç vaxt xoşbəxt yaşaya bilməz.

Darvinist təhsillə Allah inancı aradan qaldırılır, ənənəçi sistemlə də estetika, incəsənət və gözəllik yox edilir, bu vəziyyəti mehdiyyət həll edər.

Dünyəvilik hər inanc sahibinin istədiyi kimi yaşamasının zəmanətidir və Quranda dünyəviliyin ən gözəl, ən mükəmməl halı vardır.

Tək olmaq, tək yaşamaq çox təhlükəlidir. Təklik Allaha məxsusdur. İnsanın yanında heç olmasa bir nəfər də olsa dostunun olması lazımdır. Hətta Peyğəmbərimiz (s.ə.v) ən az üç nəfərin olmasını bildirir.

İsa Məsih (ə.s)-ın yenidən dünyaya gəlişi ilə əlaqədar üç Quran ayəsi vardır.

Türkiyəni kiçiltdilər. Bizə torpaqların az qismi qaldı . Üç qitədəydik, kiçik torpaq parçasındayıq. Yenidən Türkiyə köhnə ehtişamına qovuşmalıdır.

Suriyada müsəlmanlar öldürülür deyirik, "mənim nişanım var" deyir. İraqda müsəlmanlar öldürülür deyirik, "mənim çək sənədlərim var" deyir. Dənizlərdə insanlar boğulur deyirik, "bəs mənim məktəbim var" deyir. Allah qorxusu olmadıqda bu cür laqeyd və faciəvi vəziyyət meydana gəlir.

Şövqlə, dərin sevgiylə Allahı sevirsənsə sevgi bütün məsələləri həll edər. Amma sevdiyini putlaşdırsan o sənə fəlakətə çevrilər. Onsuz da onun adı sevgi deyil həvəsdir.

Həvəsli insanların çoxu nəfsi üçün istəkli olduğundan başını həmişə bəlaya salar. Zənginlik və güc xeyirlisi isə Allahdan istənilər.

Sevgi hər cür neqativ olanı udacaq gücdədir. Mənfi olan hər şey sevginin içində yox olar. Biz sevgiyə görə yaradıldıq. Allah sevgidə limit qoymamışdır. O zaman bu çox zövqlü olan neməti necə daha çox doya-doya yaşaya bilərik onu öyrənəcəyik. Əvvəl səmimi olmaq əhəmiyyətlidir. Səmimi olmaq Allah ilə əlaqəni normal hala gətirmək üçün əsas şərtdir. Sonra mütləq Allahın böyüklüyünü yaxşıca qavramaq lazımdır. Bundan sonra insan sevginin içində yol almağa başlayar.

Şeytanın tələləri çox zəifdir. Ağılsız, zəif xarakterli olanlar üzərində təsiri olur. Möminlərin üzərində təsiri olmaz. Münafiqləri isə tamamilə nəzarəti altına alar.

İçində iman yoxdursa, Allah sevgisi, Allah qorxusu yoxdursa, insan Mayamiyə də getsə ora ona cəhənnəm kimi gələr. Amma imanlıdırsa balaca evdə kiçik bağçası belə ona böyük həzz verər. İnsanın içində cənnət varsa, Allahın böyüklüyünü qavradısa olduğu hər yerdə böyük zövq alar.

İnsanın normal halı Allah ilə əlaqədə olduğu halıdır. Allah insanları, Allah ilə əlaqədə olduğunda normal olacaq şəkildə yaratmışdır. Allahı fərq edə bilməyən, Allahı unudan insanın sanki başı qopmuş kimi olur. Bir insan Allah ilə dərin əlaqədə olanda ən yüksək keyfiyyəti əldə etmiş olar.

Münafiq xüsusi yaradılan məxluqdur. Münafiqlərlə elmi mübarizə namaz kimi ibadətdir. Münafıqlə elmi mübarizə yüzlərlə ayə ilə izah edilmişdir. Bu ayələri yaşamamız üçün münafiqlər xüsusi olaraq yaradılmışdır.

Qəzəb insanı gülməli vəziyyətə salar. İnsan özünə bunu yaraşdırmamalıdır. Təsvirin içindəki varlığın o hala gəlməyi qəribə görməsi lazımdır. "Ya Rəbbi təsvirin içində bir təsvir gördüm, bu təsvirə qəzəbləndim. Məni bir daha bu səhvə salma ya Rəbbi, məni mənə buraxma ya Rəbbi. Ya Rəbbi təsvirdən təsirə düşməmək və alçalmamağı mənə nəsib et" deyərsən, qəzəbdən xilas olarsan.

Türkiyə bu qədər şiddətli hücum altında ikən Tayyib hocama vəfasızlıq çox böyük vicdansızlıq olar. Tayyib hocam bu qədər xidmət etmişkən onun verdiyi əmək üzərinə gəlib oturmağı planlaşdırmaq çox çirkin əxlaqdır. Tayyib hocam min bir çətinliyin içərisindən keçərək gəldi. Kimsə yoldaşlığa dostluğa sığmayacaq vəfasızlıq etməməlidir. Türkiyənin hara çəkilsə ora gedəcək şəxslərə deyil, Tayyib hocam kimi əzmli, qərarlı xidmət edəcək insanlara ehtiyacı vardır.

Sənətkara dəyər verməmək o insanın ədəbsizliyini, sevgisizliyini və zalımlığını göstərir. İncəsənət müqəddəsdir. Kiminsə sənətkar insana hörməti yoxdursa, o adam insani xüsusiyyətlərini itirmişdir.

Səmimi insan baxışlarından, sözlərindən dərhal aydın olar. 100% səmimi insan tapmaq çox çətindir. Amma səmimiyyətə yaxın insanlar tapmaq olar. Bir insanın səs tonu, seçdiyi sözlər, baxışları, məntiq forması səmimi olub olmadığını dərhal ortaya qoyar.

Şeytan sevgiyə, gözəlliyə, yaxşılığa düşməndir. Qadınların üzərindəki bu şiddətli təzyiqin də səbəbi şeytanın qadın nifrətidir.