Adnan Oktar A9 TV; 25 aprel 2018

İçində iman yoxdursa, Allah sevgisi, Allah qorxusu yoxdursa, insan Mayamiyə də getsə ora ona cəhənnəm kimi gələr. Amma imanlıdırsa balaca evdə kiçik bağçası belə ona böyük həzz verər. İnsanın içində cənnət varsa, Allahın böyüklüyünü qavradısa olduğu hər yerdə böyük zövq alar.

Səmimi insan baxışlarından, sözlərindən dərhal aydın olar. 100% səmimi insan tapmaq çox çətindir. Amma səmimiyyətə yaxın insanlar tapmaq olar. Bir insanın səs tonu, seçdiyi sözlər, baxışları, məntiq forması səmimi olub olmadığını dərhal ortaya qoyar.

İslamı yaxşı izah edən insanın, hər yerdə müsəlmanlar əzilərkən, tətilə getmək istəməsi çox böyük vicdansızlıq olar. Müsəlmanlar şəhid edilərkən "1 ay tətilə gedəcəyəm" demək "öldürülənlərdən mənə nə var" deməkdir. Bunu mənim vicdanım əsla qəbul etməz.

İnsanı qiymətli edən eqoist olmaması, ağıllı və səmimi olmasıdır. Eqoist olmaq çox alçaldıcı və qorxuncdur.

Allah insanı başı boş buraxmamışdır. İnsan taleyi birlikdə yaradılmışdır. İnsan səmimi olanda bütün yollar ona açılar. Səmimi olmaq demək, müsbət sistemin işə düşməsi deməkdir. Səmimi insan dərhal Allahın varlığını və böyüklüyünü görər. Allahın böyüklüyünü qavrayan insan isə cənnətə açılmış yola girər.

Boşanmaların artmasının altında yatan əsas səbəb eqoistlikdir. Ticari şirkət məntiqində evlənəndə, mənfəət bitdiyi anda evlilik də bitər. Qarşısındakını Allah rizası üçün sevməyi bilmədiklərində, o insanı Allahın onlara əmanəti olaraq görmədiklərində, təngə gəlmək çox sürətli inkişaf edir. "Görəsən ən varlısı ilə, ən gözəli ilə, ən yaraşıqlısı ilə evləndim? Daha yaxşı yatırım edə bilərdim?" düşüncəsi heç bitmir. O zaman da, qarşısındakının vücudunda deformasiya olduğunu ya da acizliyini görəndə dərhal başqa axtarışlara başlayır. Axirət dostu olaraq sevməyi bilməyən insanın həqiqətən sevməsi, sədaqəti və vəfası mümkün olmur.

Bir çox yerdə səmimi dindarlıq hakim olmadığı üçün insanların sevinc yaşayacaqları mühit da olmur. İnsanların bədbəxtliyinin səbəbi də, imanın sevincinin bilinməməyidir. Arada parazitlər olduğu üçün yaranan mühit gəncləri çox narahat edir. Heç bir yerdə sevgi olmamasına alışmış olurlar. Qorxunc həyatı əvvəldən qəbul edirlər. Ya da süni sevgiyə, faydaya söykənən sistemə razı olurlar. Həqiqi sevgini deyil, sevginin ədəbiyyatını bilirlər.

Eqoist olmayan hər insan alicənabdır. Sevdikləri üçün yaşayan hər kəs alicənabdır. Eqoist olan bəsitlikdən xilas ola bilməz. Bəsitlik insanı ən çox kirlədən çirkinlikdir. Bir çox insan bilərək və ya bilməyərək bu bəlanın içinə girər. Bir insan eqoizmdən xilas olarsa dünyanın ən keyfiyyətli insanı halına gələr.

Dünyanın hüzurunu əlindən aldılar. Qadınların əlindən azadlığı aldılar. İncəsənəti öldürdülər. Yeni bir sənətkar, yeni bir incəsənət əsəri çıxmır. Dəccaliyyət dünyanı həm ruhən, həm də fiziki olaraq öldürür. Həmişə dünyanın hər yerindən ölüm xəbərləri gəlir. Kimyəvi silahla öldürməyə qarşıyıq amma səhərdən axşama kimi bomba yağdırmağa qarşı deyilik, deyirlər. Burdakı anormallığı belə görə bilmirlər. Bu dəhşət Mehdiyyətin zühuruyla tamamilə ortadan qalxacaqdır.

Mübahisə, qarşıdurma mədəniyyəti insanın şüurunu bir müddət sonra bağlayar. İnsan ruhunun rahatlamağa, incəsənətə, gözəlliyə, nəşəyə, sevincə ehtiyacı vardır. Gərginliyi azaldan, sevgini təşviq edən sözlər əhəmiyyətlidir. İnsanlar ən çox Allahın sənətini görməkdən zövq alarlar, iman həqiqətlərindən, Allahı sevməkdən güc taparlar. Hər gün yeni düşmənlər icad etmək şüuru dondurur. Bizim yeni düşmənlərə deyil, dostluğa, qardaşlığa ehtiyacımız vardır.

Münafiq bir insanı küfrə salıb xoşbəxt olar. Sırf göstəriş üçün ya da əxlaqsızlıqlarını örtmək üçün belə imanı kitab yaza bilməz. İmani fəaliyyət edə bilməz. Heç bir münafiq, heç bir şəkildə bir insanın hidayətinə vəsilə ola bilməmişdir.

Bir çox insan nifrətdən utanmır. Sevgisizlikdən də incimir. Bir çox internet saytının başlıqları ya öz aləmlərində lağ ya da kin doludur. Bir insanın bu qədər nifrətlə yaşaması mümkün deyil. Sevgi çox gözəl və zövqlüdür. Sevginin gözəlliyinə baxmayaraq sevgiyə müqavimət göstərmək anormallıqdır. Bunlar gözəl bir yerə getdiklərində o gözəlliyin nemətini belə başa düşmürlər, getdikləri hər yerdə çirkin dilləriylə narahatlıq verirlər. Gəmi gəzintisinə çıxır orada kapitanı danlayır, restorana gedir ofisiantı danlayır, mağazaya gedir buz kimi baxışlarla ətrafa baxır. Bunun adı yaşamaq deyil, sürünməkdir. Kin dolu insan ən yaxşı şərtlər daxilində olsa belə yaşamır, sürünür.

Zarafat etmək asan şey deyil. Zəka, diqqət və iradə tələb edər. İnsanların zarafatları ümumiyyətlə xəcalət etmə və ya alçaltmağa yönəlmişdir. Bu cür zarafat olmaz. Bu üslub ədəbsizlikdir. Öz təkəbbürünü bəsləmək qarşısındakını alçaltmaq üçün edilən rəftarlar düzgün olmaz.

Üzr istəmək gözəl sevgi nümayişidir. Üzr istəməyi də, üzrü qəbul etməyi də çətin görməmək lazımdır. Şeytanın oyununa gəlməkdən qaçmaq əhəmiyyətlidir. Qüruru bəhanə edib bağışlamaq və ya üzr diləməmək insanın özü üçün itkidir.

Uşaq itmələri və cinayətlərini tam olaraq əngəlləməyin yolu edam ya da xədim etmək kimi cəzalar deyildir. Əlbəttə cinayət sanksiyası tələb olunar və tətbiq olunmalıdır, ancaq belə vəhşicəsinə cinayət işləyən birinə bu cinayət sanksiyaları tək başına mane olmur, qorxutmur. Uşaq onsuz da şəhid olduqdan sonra bu vəhşiliyi edəni xədim etməyin mənası qalmaz. Mühüm olan uşaq zərər görmədən əvvəl tədbir almaqdır. Bunun üçün də əsas doğru təhsildir. Darvinist, materialist təlqinlərlə, "sən kor təsadüflərin məhsulusan", "var olmaq üçün mərhəmətsiz, eqoist olmaq məcburiyyətindəsən", "heyvanlar kimi mübarizə aparmalısan" təlqinlərlə insan yetişdirilsə bu cür zülmlər son tapmaz. Darvinist, materialist təhsil ləğv edilər, insanlara sevgi, mərhəmət, Allah qorxusu öyrədilsə hüzurlu və etibarlı cəmiyyət meydana gələr.

Allah bizə doğru olanı həmişə vəhy edər. Altıncı hiss kimidir bu vəhy. Qəlbimizdə onun doğru olduğunu hiss edərik. Şeytanın təlqinini də qəlbimizdəki sıxıntıdan anlayarıq. İnsana anbaan gələn bu vəhy yazılı və ya şifahi şəkildə deyil, lakin biz bilərik. Vicdan və ağıl hər an yaradılar.

Bəzi insanlar təkəbbürlü birini gördükləri zaman onun yanında əzilməmək üçün təkəbbürlü olmağın lazım olduğuna inanarlar. Liseylərdə və ya sosial mühitlərdə təkəbbürlü olan insanın yanında, əslində o insandan nifrət etmələrinə baxmayaraq, çox insan olar. Buna görə digərləri də təkəbbürlü olmağın əhəmiyyətli və dəyərli olduğunu düşünər. Halbuki təkəbbür insanın özünü alçaldan haldır. Təkəbbürlü insan yarı dəli kimidir. Məhz din olmadıqda insan düzgün qiymətləndirmə apara bilmir və qəribə meyarlar müəyyənləşdirir, ziq-zaq çəkməyə başlayır. Allah dinin əhəmiyyətini bir daha göstərir. Quran əxlaqı ilə baxan insan məsələləri tam doğru şəkildə anlayar.

İngiltərə dərin dövləti bir ölkəni dağıtmaq və ya parçalamaq istədiyi zaman, əvvəlcə o ölkədə incəsənətin, elmin, mədəniyyətin olmadığı, zövqsüz, çirkli, davakar, sevgi və nəzakəti bilməyən insanlardan ibarət olan mühit yaradır. Bu zaman belə ölkələri dağıtmaq çox asan olur. "Baxın, İslamı yaşayan bu ölkələr belə fəlakətin içinə sürüklənirlər, bu ölkələri dağıdıb yenidən quraq" deyirlər. Suriyada və İraqda həmişə eyni taktikanı tətbiq etdilər. İndi də Türkiyəyə eyni şeyi tətbiq etmək istəyirlər. İncəsənətin, gözəlliyin, qadın azadlığının, sevincin, elmin olmadığı, insanların yaşama sevincinin qalmadığı, içinə qapanıq bir ölkə yaratmaq istəyirlər. Biz buna elmlə, irfanla imkan vermədik və verməyəcəyik. Quranın parlaq, müasir, keyfiyyətli, nəzakətli, sevgi və həyat dolu ruhunu həyatımızla göstəririk və bütün Türkiyəyə, dünyaya bu gözəl Quran əxlaqının hakim olmasını istəyirik.

İran və Türkiyənin birləşməsi bölgənin hüzuru və əmin-amanlığı üçün mühümdür. PKK-ya qarşı mübarizədə də bu ittifaq əhəmiyyətlidir. Bu iki böyük ölkənin ittifaq etməsi ilə, PKK çox qısa müddətdə zərərsizləşdirilə bilər.

Sənətkara dəyər verməmək o insanın ədəbsizliyini, sevgisizliyini və zalımlığını göstərir. İncəsənət müqəddəsdir. Kiminsə sənətkar insana hörməti yoxdursa, o adam insani xüsusiyyətlərini itirmişdir.

İnsanın normal halı Allah ilə əlaqədə olduğu halıdır. Allah insanları, Allah ilə əlaqədə olduğunda normal olacaq şəkildə yaratmışdır. Allahı fərq edə bilməyən, Allahı unudan insanın sanki başı qopmuş kimi olur. Bir insan Allah ilə dərin əlaqədə olanda ən yüksək keyfiyyəti əldə etmiş olar.

Şeytanın tələləri çox zəifdir. Ağılsız, zəif xarakterli olanlar üzərində təsiri olur. Möminlərin üzərində təsiri olmaz. Münafiqləri isə tamamilə nəzarəti altına alar.

Həvəsli insanların çoxu nəfsi üçün istəkli olduğundan başını həmişə bəlaya salar. Zənginlik və güc xeyirlisi isə Allahdan istənilər.

Şövqlə, dərin sevgiylə Allahı sevirsənsə sevgi bütün məsələləri həll edər. Amma sevdiyini putlaşdırsan o sənə fəlakətə çevrilər. Onsuz da onun adı sevgi deyil həvəsdir.

Səmimiyyət, Allahın böyüklüyünü yaxşı bilmək və eqoizmdən uzaq olmaq müvəffəqiyyətin üç həqiqi sirridir.