Adnan Oktar A9 TV; 2 may 2017

Sevginin həzzini verən Allahdır. Allah sevgini verməsə ən gözəl, ən sevimli varlıq belə insanlara çox ürküdücü gələr.

Allah bütün diqqətin Özündə olmasını istəyir. Evləri, televizorları, kompyuterləri, bütün dostlarımızı yaradan Allahdır. Əsil sevgi Allahadır.

Küfr əxlaqındakı vicdansızlıq onlara o qədər böyük əzab çəkdirir ki, sanki cəhənnəm oduna düşmüş kimi yaşayırlar. Buna görə belə qəzəblidirlər. Özləri sevgini, gözəlliyi, dostluğu, səmimiyyəti yaşaya bilmədikləri üçün iman gətirənlərin təmiz, nurlu, keyfiyyətli həyatı onların içinə dərd olur.

Hədislərə görə hz. Mehdi (ə.s) kömür kimi olmuş qəlbləri sevgi ilə almaza döndərəcək.

Cənnətdə hər şey sevgi üçündür, Allaha şükür etməyimiz üçündür, cənnətdəkiləri də Allahı sevdiyimiz üçün sevərik.

Qadınlar cənnətin də, dünyanın da bəzəyidirlər. Qadınlara sevgi və hörmət göstərməyi bacarmayanlar əvvəlcə içlərindəki sevgisizliyi aradan qaldırmalıdırlar.

Sevgidən, nəzakətdən, keyfiyyətdən xəbəri olmayan kütlələrin yaranması ehtimalı ciddi təhlükədir. Buna qarşı təhsil səfərbərliyi olmalıdır.

Ehtirasın yaranması üçün dünyadan keçmək, sevdikləri üçün yaşamağı bacarmaq lazımdır. Sevdiyi üçün yaşamağı bacarmayan ehtirasa heç vaxt nail ola bilməz.

İslam əxlaqının dünyaya hakim olması demək, sülhün, sevginin, demokratiyanın, azadlığın, keyfiyyətin hakim olması deməkdir. Bunu hər kəs istəyər.

Sevgisizliyin, qəddarlığın çox olduğu dünyada sevgini, mərhəməti, bağışlayıcı olmağı söyləyən bizik. Ənənəpərəst ortodoks İslamın müsəlmanlara verdiyi zərəri görüb ağıllı və şəfqətli əks izahat verən tək topluluq bizik.

Musiqi və incəsənət sevgi ilə edildikdə çox gözəl olur. Rəsmi, soyuq, çox ciddi rəftar olduqda ruhda təsir yaratmır.

Sevgisizlik çox geniş yayılıb. Fərqli düşüncədən, fərqli partiyadan olduqda bir-birlərindən nifrət edir və bunu normal qarşılayırlar. Bu sevgisizlik düzələcək. Sevgisizlərə sevginin əhəmiyyətini öyrədəcəyik. Belə tiplər özlərini də sevmirlər. Bacı-qardaşlarımız sevgisizlərə etimad etməsinlər.

Ən böyük məqsədim sevgidir; Allahı sevmək, Allahın təcəllilərini sevməkdir.

Sevgi üçün Allahı çox sevmək, Allahdan qorxmaq lazımdır. Bundan sonra sevginin qapısı açılar və ehtiras dərəcəsi yüksələr.

Qadağalar, Allahdan qorxulduğu zaman, Allah səmimi sevildiyi zaman dağılar. Quran insanları sıxan bütün qorxuları, bütləri dağıdıb insanı azad edər.

Uşaqlara 2-3 yaşlarından etibarən Allah sevgisini, cənnətin varlığını izah etmək, imanın sevincini yaşamasını təmin etmək lazımdır.

Analar Allahın ən gözəl təcəllilərindən biridir. Ananı sevmək Allahın təcəllisini sevməkdir. Ana hər gün sidq-ürəkdən sevilər.

Allah sevgisi və Allah qorxusu ilə sevgisizlik aradan qaldırılar. Allahı sevmədən insanların bir-birlərini həqiqətən sevmələri qeyri-mümkündür.

Allah qorxusu, sevdiyini incitməkdən qorxmaqdır. Biz ən çox Allahı sevirik. Allah qorusun Onu incitdiyimiz zaman dəhşətli acı hissi yaşayarıq.

Möminlər Allahın sevgisini itirməkdən, Allahı incitməkdən qorxarlar. Beləliklə Allaha olan sevgilərini gücləndirər, daha yaxın olarlar.

Qəlbim təmizdir deyən, lakin Allahın mövcudluğunu gördüyü halda, Allaha şükür edib sevgi göstərməyən insan səmimi davranmış sayılmır.

Dostlarım Allahı çox sevən, Allahdan qorxan, sevgini, mərhəməti bilən, nəzakətli, keyfiyyətli insanlardır. Bir çox insan dostluğumuzu qısqanır. Bizim dostluğumuzu qısqananlar öz cəhənnəm kimi dünyalarından qəzəblə bizi izləyirlər, biz öz cənnət kimi dünyamızda yaşayırıq.

Küfr əhli ayrı aləmdə, ayrı tezlikdə yaradılır. Möminin onların halından təsirlənib bir anlığa şübhəyə qapılması çox böyük vicdansızlıq olar.

Bədiüzzaman da Mehdinin siyasətdən imtina edəcəyini söyləmişdir. Mehdi siyasətin fəlsəfəsini bəsləyəcək, lakin feili olaraq siyasətlə məşğul olmayacaq.

Dünyada nemətlərin ölümlü olduğunu bilmək insanları narahat edir, çünki insanın fitrətində axirəti, sonsuzluğu istəmək var. Ölümün olması insanların diqqətini Allaha və axirətə yönəltmələrinə vəsilə olur. Buna görə xüsusi olaraq yaradılır.