Adnan Oktar A9 TV; 19 sentyabr 2016

Allahı inkar edən, Allahı anlaya bilməyən bir insanın sevgini yaşaması mümkün deyil. Allaha vəfa göstərməyən sənə necə vəfa göstərsin. Allahın sənətini görə bilməyən, sənin gözəlliyini necə görsün. Allaha təşəkkür etməyən sənin necə qiymətini bilsin. İman olmadan sevgi olmaz. Allahı sevə bilməyən Onun gözəlliklərini görə bilməyən insanı heç vaxt sevə bilməz.

Müsəlman Allahın ruhu ilə, Allah sevgisi və Allah qorxusu ilə sevər və nəticəsində də gözəl əxlaq, sevgi və ehtiras ruhuna sahib olar.

Sevgini, ehtirası yaşaya bilməyənlər müsəlmanların arasındakı sevgini və ehtirası başa düşmürlər.

İnsanların əksəriyyəti döyüşə və gərginliyə çox alışdığı üçün dünyada ikinci yol olmadığını zənn edir, sevginin yaşana biləcəyini başa düşə bilmirlər.

Hər kəsə qəzəblə yaxınlaşan, həmişə təhqir dolu bir üslubun yayılması mənəvi fəlakətdir. Sevgiylə, mərhəmətlə bu fəlakəti dayandıracağıq.

İslamda musiqi, əyləncə, gözəllik, sevinc, iffət, təmizlik, ağıl, sevgi, ehtiras, yəni gözəl olan hər şey vardır.

Küfr əhlinin mövcudluğu möminin daha çox sevilməyinə vəsilə olar. Möminlər bir-birinin cəsarətini, əzmini, səmimiyyətini görüb bir-birlərini daha çox sevərlər.

Şeytanın və küfr əhlinin olması mömin üçün enerji vəsiləsidir. Sevginin kökündə də şeytana qarşı aparılan imani, mənəvi mübarizə var.

Sevgisizliyi ilə öz həyatını cəhənnəmə döndərmiş başqalarının da həyatını cəhənnəmə döndərmək istəyənlərin mütləq öyrədilməsi lazımdır.

Sevgisizlik hər cür xəstəliyə zəmin hazırlayar. Bədən sevgisizlikdən çökər. Sevgisizlik istəyərək bəlanın içinə girməkdir. İmanla, sevinclə hüzur içində yaşamaq varkən sevgisizlik bəlasını seçirlər.

Axırzamanda insanların mənəvi cəhətdən xəstə olması heyrət ediləcək şey deyil. Mömin onları müalicə etməklə məsuldur, bu da sevgi və səbirlə olar.

Allah çox sevilmək istəyər. Allah bizi çox sevməyi, bizim də Özünü çox sevməyimizi istəyir.

Sevgisiz gənclərdən təşkil olunan, sanki qəbilə tipli quruluş var. Bu ruh halı özlərini məhv edir. Bu qədər nifrət, əqli cəhətdən sağlam olmalarına əngəl törədir. Həmişə söz ilişdirən, həyasız, hər kəsə qarşı nifrət dolu bir həyat olmaz. Belə bir bəla içində yaşamağı heç kim qəbul etməməlidir.

Möminlər həmişə müvəffəqiyyət qazanar. Münafiqin kini və nifrəti isə təkcə özünü yandırar. Dili ilə zərər vermək istəyər, lakin o dil özünü yandırar.

Türkiyədə gənclərin bir hissəsini nifrətə meyilli, kinli, nəzakətsiz, sevgiyə qapalı, ruhu və bədəni çirkli insanlar halına gətirdilər. Bəzi gəncləri belə sevgisiz və xəstə ruhlu yetişdirmələrinin səbəbi bu insanlardan hər cür alçaq və Türkiyə əleyhinə olan işlərdə istifadə etməkdir. Zarafatları keyfiyyətsiz, ruh və fiziki cəhətdən inkişaf etməmiş cansıxıcı gənclərin yetişməsi İngiltərə dərin dövlətinin xüsusi təşkil etdiyi vəziyyətdir. Vücudu və ruhu özünə küsmüş, dünyadan zövq ala bilməyən, qəmgin tiplər xüsusi olaraq yetişdirilir, bu insanları israrla sevgiyə dəvət etmək lazımdır.

Çox tez təcavüzkarlaşan, mədəniyyətsiz, cahil və kin dolu kütlələrin yetişməsi bir ölkə üçün çox təhlükəlidir. Nifrət dolu olanlar müalicə edilməlidir. Sevgisiz insanları öyrədərək yola gətirmək mümkündür. Belə insanlara sakit formada, səbirlə yaxınlaşıb həmişə öyrətmək lazımdır.

Ruhu şeytana əsir olan, nifrət insanı olar, nifrətdən başqa heç nə ifadə edə bilməz. Artıq o insanlıqdan çıxmış, bir növ heyvan olmuşdur.

Özünə hörməti olmayan, savaşmağa meylli, həmişə söyüşlə danışanlar nifrət dolu həyatı məqbul görürlər. Belə həyat olmayacağını söyləmək lazımdır.

Dünyanın qardaş olması çox asandır. Döyüş, nifrət, müharibə çətin olandır. Buna baxmayaraq, qardaş olmamaq üçün müqavimət göstərmələri çox təəccüblüdür. Sülhü çox çətin göstərirlər. Dost olmağı, ittifaq etməyi, müsəlmanların birlik olmasını çətin göstərirlər. Halbuki dostluq və sülh asandır.

Allah insanları şəfqətlə, kömək sevərliklə, dostluqla yaşayacaq şəkildə yaradıb. Nifrət və kin insanların həyat sevincini yox edər.

İnsanın məqsədi sevgi olmalıdır. Allahı sevməlidir, Allahın yaratdıqlarını sevməlidir. Səmimi sevgi olduqda kin, nifrət, həsəd olmaz. Sevgi bütün problemləri aradan qaldırar.

Şeytanın ən çox qarşı olduğu mövzu sevgidir. Hədəfi sevgini və gözəlliyi yox etməkdir. Nifrət və şiddət filmləri bilmədən buna xidmət edir.

Hər kəsdən nifrət edən, Allah sevgisi və Allah qorxusu olmayan, sevgisizlik içində boğulmuş insanları səbirlə yetişdirəcəyik. Təhsil əsas şərtdir.

Hər kəsdən nifrət edən məntiqə sahib olanların sevdiyi biri və ya bir ölkə olmur. Hər kəsi sevib hər kəsi qazanmaq Qurana uyğun olandır.

Qazilərimiz çox şərəflidirlər, Allah dərgahında xüsusi yerləri, məqamları var.