Adnan Oktar A9 TV; 16 iyun 2015

İnsan fitrətinə uyğun olmayan bir İslam anlayışını dünya əsla qəbul etməz. Ən başda Allah qəbul etməz. Hər dəfə zorla belə üfunətli, çürümüş, cəhənnəmi xatırladan, çirkli, pis din anlayışını gətirməyə çalışdıqlarında Allah onları zəlil edər, rəzil edər, yerlərdə sürüyər, məhv edər, açıq şəkildə deyirəm. Bunu unutmalıdırlar.

İslam olduqca müasir, şən, sağlam, elmə, incəsənətə, gözəlliyə və estetikaya açıq olaraq yer üzündə zühur edəcək. Cənnət kimi zühur edəcək. İslam, murdar, qaranlıq, əzablar çəkdirən, asan, kəsən, estetikadan uzaq, leş kimi qoxuyan insanların yaşadığı bir mühit şəklində təzahür etməz. Allah İslama belə pislik etdirməz, müsəlmanlara da etdirməz.

Ənənəvi bataqlığa düşmək dibsiz quyuya düşmək kimidir, insan getdikcə çirklənər. Qatı dinçilik fasiləsiz surətdə qat-qat artan bir bəladır. Adam; "mən qatı dinçiyəm" deyir. Başqası da; "mən daha çox qatı dinçiyəm" deyir. Yarış halında ağlasığmaz bir çirkabın içinə girərlər.

Müasir, aydın, sevgi dolu, sevgini əsas götürən bir İslam anlayışı dünyaya hakim olacaq. Bundan savayı boş-boşuna çalışmasınlar. Müasir İslam anlayışından başqa hər hansı bir şey olması qeyri-mümkündür.

Asan olan; İbrahimin dininə tabe olduğunda; bu hənif İslam dininə, Məhəmməd (s.ə.v)-in dininə tabe olduğunda cənnətə getməyindir. Amma sənin xurafatlarla çətinləşdirdiyin, mürəkkəbləşdirdiyin dinə tabe olduqda cəhənnəmə gedirsən. Həm dünya, həm də axirət həyatın cəhənnəmə çevrilir. Mübarək niyə bəlanı axtarırsan?

Allah bizim üçün asanlıq yaradır və onda da bizi müvəffəq edir. Çətinlik axtaranlar həlak olurlar. Məğlub olur, tapdalanırlar. Ənənəvi İslamı, Ortodoks İslamı axtaran hər kəs tapdalanır. Nəyinə lazımdır, Allahın nur kimi dinini niyə dəyişdirirsən? Allah asanlıq yaratdığı halda, niyə çətinlik yaradırsan? Nə gözəl, get sevinc içində yaşa.

Xurafatçılar çox bilən adam kimi danışmaqla İslamın yayılacağını güman edirlər. İslam qətiyyən bu yolla yayılmaz. Adam səndən səmimi sevgi gözləyir. Doğru-düzgün geyinməni, təmiz və şən olmanı, həyatı gözələşdirməni gözləyir. Bu İslamın əyani şəkildə yaşanmasıdır. Bunu gördüyü təqdirdə sənin izah etdiyin İslamı qəbul edər.

Xurafatçılar həmişə danışırlar, dayanmadan xurafatlar söyləyirlər. Məqsədin nədir? Məqsədin sevgi deyil. Bir adam necə döyülər, necə kəsilər, bir qadın necə alçaldılar, məsələ budur. Bir-birlərindən necə nifrət edəcəkləri barədə fəlsəfə hazırlayırlar. Xurafatçılarda sevgi olmaz.

İslam aləmi hal-hazırda xurafatlardan ötrü sürünür, məhv olmuş vəziyyətdədir. Qatı dinçilik özü ilə qorxaqlıq da gətirir. Bu zaman insanlar səhabələr kimi cəsur və igid olmurlar.

Qatı dinçilərin darvinizmi (bu dünyanın gəlib-keçmiş ən böyük dəccal hərəkatıdır) məğlub etmə qabiliyyətləri sıfırdır. Bizdən başqa dəccaliyyəti elmlə, irfanla tapdalayan güc yoxdur. Dünya səviyyəsində belə təbliğ edən yoxdur. Var, amma bizim yanımızda zəif qalar.

İnsanları dindən soyutmağa çalışırlar. Məsələn; "dində musiqi yoxdur" deyir. Belə olduqda insan da dinə qarşı soyuqluq duyur. Başqa? "Rəsm də yoxdur" deyir. Gülmək? O da haramdır. Qardaşım, sən adamı dəli etmək istəyirsən? Gənc qızlar makyaj edə bilmir, baxımlı ola bilmir. Qoy əylənsinlər, gözəl olsunlar. Din adı altında cəhənnəmi təqdim edirlər.

Dini içindən çıxılmaz hala gətirmək bacarıq deyil. İnsanları dinsiz edən müsəlmanların böyük hissəsinin bu qatı dinçi zehniyyətidir.

Hz. Musa (ə.s)-ın ətrafındakı bir çox insanın ağlı həmişə küfr əhlində qaldı. Yəni səhraya köç etdilər, lakin oradakı həyatı qəti unuda bilmədilər. O Qədim Misir mədəniyyəti, o buzovlar, oradakı həyat, yeyib-içmə formalarına qədər hər şey onlarda heyranlıq kimi qaldı. Böyük hissəsi hz. Musa (ə.s)-ın vəfatına qədər həmişə o dəlisov ruhun içində qaldılar.

Hz. Musa (ə.s) dövründəki münafiqlər izzəti və qüruru Fironun yanında axtardılar, onun mədəniyyətində axtardılar. O Misir yazıları, Misir heykəlləri onların hər biri onlar üçün bir marka idi. Evlərinin divarlarında Misir yazılarının olması, Misir paltarları geymək, Misir dilində danışmaq çox əhəmiyyət verdikləri bir şey idi.

İslam Birliyi qurmaq üçün təhsil lazımdır. İslam Birliyini siyasətlə qurmaq olmaz. Misirdə bunu etməyə çalışdılar, Misir məhv oldu. Siyasətlə belə olar. Liviyada siyasətlə İslam Birliyini qurmağa çalışdılar, o da məhv oldu. Suriyada etməyə çalışdılar, Suriya da məhv oldu. Siyasətlə olmaz. Quran həqiqətləri, iman həqiqətləriylə olar. İslam Birliyi elmlə, irfanla qurular.

Misir həbsxanalarında cinayət işləməmiş şəxslər ya sərbəst buraxılsın, ya da deportasiya edilsin. Həbsxanalarında ventilyasiya sistemi yoxdur, istilik getdikcə yüksəlir, bu şərtlərdə yaşaya bilməzlər.

Müsəlmanın tətili olmaz. Suriyada, İraqda müsəlmanlar öldürülərkən, Əfqanistanda müsəlmanlar məhv edilərkən, Misirdə müsəlmanlar pərişan ikən, İslam aləmi dəhşət içində yaşayarkən bizim istirahətə ayıracaq vaxtımız olmaz. Hətta mövzulardan danışarkən belə, öncə ən təcili mövzulara yer verilməlidir.

Türkiyə mütləq Misirlə də əlaqələrini düzəltməlidir. Biz Misir xalqını sevirik, Misir xalqının dostuyuq.

Türkiyəyə Misiri model kimi göstərənlər, İngiltərə dərin dövlətinin Misiri necə bir fəlakətə salmış olduqlarından xəbərsizdirlər.

Şəffaflaşdırma deyilən şey İngiltərə dərin dövlətinin açıq cəmiyyət zehniyyətinin tətbiq olunmasıdır. İlk tətbiq edildiyi yerlərdən biri Misir olmuşdur.

Sosial mediada İngiltərə dərin dövlətinə bağlı olaraq işləyən Qladio təşkilatı var, bunlar Misirdə dövlət çevrilişindən əvvəlki zəmini hazırlamışdı.

Misirdə ilk darvinist kitab Əbdülhəmidin dövründə çap edilmişdi. Misir alimlərinin əksəriyyəti o dövrdə İngiltərə dərin dövlətinin təsiri ilə darvinist olmuşdu.

Misirdə, Səudiyyə Ərəbistanında və digər bir çox yerdə müsəlmanları daxili münaqişələrin artdığı böyük bəlanın içinə çəkməyə çalışırlar.

Misirin, Pakistanın, Fələstinin, Suriyanın, İraqın çəkdiyi bütün əzabların təməlində münafiqlər var.

Hökmən bütlə mübarizə aparmaq lazım deyil. İnsan yeri gəlsə bütün tərəfini tuturmuş kimi görünüb imanını qoruya bilər. Yəni təhlükəlidirsə, büt onu zərər verəcək, öldürəcəksə, dinini yaşamasına mane olacaqsa, zərər verəcəksə özünü bütün tərəfini tuturmuş kimi göstərə bilər. Bu ayədə də var, insan bundan ötrü məsuliyyət daşımaz.