Adnan Oktar A9 TV; 15 aprel 2018

Cənnətə zəngin getmək istəyərik. Bu zənginlik dünyada hər an Allah rizası üçün savab qazanmaqla əldə edilər. Uzun ömür buna görə istənilər. Savabı zaman içində qazandığımız üçün, zamanın uzun olması çox savab almamıza, cənnətə çox zəngin getməyimizə vəsilə olar.

Qadın mənim üçün dünyanın ən möhtəşəm, ən gözəl varlığıdır. Qadınlara diqqət göstərmək çox əhəmiyyətlidir. İmanlarının çox güclü olmasını təmin etmək lazımdır. Qadın imanla həqiqi qadın olur, imanlı Allahdan qorxan qadın dərinlik qazana bilər. Qadın Allahdan qorxanda sarsılmaz sevgiylə bağlanan, dərin düşünən, dərin görən müəzzəm varlıq olar.

İslamla əlaqəli həddindən artıq anti-təbliğat edildiyi üçün, din anladılanda bir çox insan özünü fəlakətə dəvət edildiyini zənn edir. Gülməyəcək, musiqi dinləməyəcək, heç bir yerə baxmayacaq, qadınları yarım insan biləcək, incəsənətlə maraqlanmayacaq, uzun illər qılmadığı namazları qılacaq, tutmadığı orucları tutacaq, baxımlı ola bilməyəcək, müasir geyinə bilməyəcək, təmiz ola bilməyəcək, oxumayacaq, düşünməyəcək sanır. İslamı izah edə bilmək üçün əvvəl bütün bu ön mühakiməni ortadan qaldırıb, mehribanlıqla insanlara yaxınlaşıb gözəl sözlə izah etmək lazımdır.

Yüksək keyfiyyəti məqsəd edən anlayış olması lazımdır. Avropadan yüksək mədəniyyət, incəsənət və keyfiyyət anlayışı olması əhəmiyyətlidir. Niyə hər kəs uşağını müsəlman ölkələrə deyil də, Avropaya oxumağa göndərir? Çünki Avropadakı keyfiyyət, incəsənət və mədəniyyət anlayışına hər kəs heyrandır. Türkiyə üçün də hədəf bu olmalıdır.

Varlıq varsa eşq üçün vardır. Eşq olmadan varlığın mənası yoxdur. Hər şey Allah eşqiylə, dəlicə sevgiylə, ehtirasla mənalıdır. Eşq, dərin ağılla iç-içədir. Allahı sevən, Allahın böyüklüyünü dərk edən, dərin ehtirası yaşayar. Dərk edə bilməyənlər isə sevgisizliyin ağrısını çəkirlər.

İngilis dərin dövlətinə diqqət çəkən bütün ziyalılarımız tarixi vəzifələrini yerinə yetirirlər. Daha da sayları artsın, xalqımızı həmişə maarifləndirək.

İran, Türkiyə və Rusiya ittifaqı çox əhəmiyyətlidir. Bu ittifaqa Səudiyyə Ərəbistanını da daxil edək inşaAllah. İranın daha da müasirləşməsini təmin edək. Yaxın Şərqdə sülh və hüzur hakim olsun.

Tayyib hocamın sonuna qədər yanındayıq Allahın izni ilə. Millət olaraq ölkəmizdə qarışıqlıq istəmirik, istiqrar davam etsin istəyirik. Tayyib hocamdan istəyimiz müasir insanları da qucaqlayan, azadlıqları çox yaxşı vurğulayan anlayışı daha da yayğınlaşdırsın. Millət onunla birlikdə inşaAllah.

İnsanların çoxu həkimin Allahın təcəllisi olduğunun, dərmanın da vəsilə olduğunun fərqində olmadığı üçün əzab çəkir. Allahı unutmaq insanlara həmişə çətinlik gətirər. Xəstəliyi verən də, şəfanı verən də Allahdır.

Eqoist olmayan insan mələk kimi olar. Eqoistlik insanları məhv edir. O bəlanın içindən çıxsalar çox gözəl yaşayarlar. Eqoist olsan da bir qab yemək yeyirsən, olmasan da, eqoist olsan da bir yataqda yatırsan, olmasan da. Nə gərək var özünə bu qədər əziyyət etməyə. Burax özünü, Allah üçün yaşa. Allah üçün yaşayan həm özü, həm də həyatı çox gözəl olar.

Qiymətli dövlət böyüyümüz, hörmətli böyük qardaşım Həsən Cəlal Gözəl bəyə Allahdan qəni-qəni rəhmət diləyirik. Məkanı cənnət olsun, Peyğəmbərimiz (s.ə.v) ilə cənnət süfrələrində əyləşsin. Sevdiklərinin, dostlarının və ailəsinin başı sağ olsun.

Münafiq axşama qədər müsəlmanla mübarizə aparar. Müsəlman da axşama qədər şeytanla, dəccaliyyətlə elmi mübarizə aparar. Müsəlman təbliğ mərasimi edər. Münafiq isə yalnız qotur it kimi davakarlıq edib sonra da qorxaq kimi qısılar.

Türkiyə hal-hazırda mühüm mübarizə aparır. Bu mübarizəni dəstəkləməmək xəyanət olar. Yanında PKK dövlətinin yaradılmasını qəbul edirsənsə vətənin parçalanmasını da qəbul edirsən deməkdir. Hal-hazırda vətən və millətin qanuni müdafiəsi var, bunu dəstəkləməmək xəyanət hökmündə olar.

Azərbaycanı, azəriləri çox sevirik. Allah bərəkətlərini artırsın. Azərbaycan demək Türkiyə deməkdir. Türkiyə demək Azərbaycan deməkdir. Onlar bizim baş tacımız, canımız, ruhumuz, mübarək bacı-qardaşlarımızdırlar. Dünyada da, axirətdə də bərabərik inşaAllah.

Cəlal Təlabaniyə Allah rəhmət etsin, günahlarını bağışlasın. Ailəsinin və xalqının başı sağ olsun.

Mənim tənqidim İngiltərə dövlətinə və ingilis xalqına qarşı deyil. Mən, ingilis xalqına da yapışmış bəla olan İngiltərə dərin dövlətini tənqid edirəm. İngiltərə dərin dövləti görünməyən dəccal hərəkatıdır. Hal-hazırda son dövrlərində olduğunu gördüyü üçün hücuma keçmiş vəziyyətdədir. Bu hücumu elmlə, fikirlə zərərsizləşdirəcəyik.

Mömin üçün hər şey xeyirlidir. Allah mömini həmişə xeyirlə bürüyər. Sağa dönsə xeyir, sola dönsə xeyir olar.

Tayyib hocam səmimi dəliqanlıdır. Baş nazirimiz Binalı Yıldırım da çox dəyərli insandır. Onların əleyhinə qurulan hər tələ puç olur. Dəccaliyyətin hücumuna qarşı Tayyib hocamı tək qoymaq çox böyük vicdansızlıq olar.

Türkiyəyə hal-hazırda ciddi hücum var, dövlətimiz də özünü qoruyur. Demokratiyanı da diqqətlə tətbiq etməyə səy göstərir.

Uşağın əsas ehtiyacı sevgi, şəfqət, Allah sevgisi, mərhəmətdir. Məktəblərdə uşaqlara çayların adları, keçmişdə yaşamış insanların doğum tarixini, ölüm tarixini əzbərlədirlər amma şəfqətin, keyfiyyətli olmanın, nəzakətin, ədəb qaydalarını, mədəniyyətin, sevginin əhəmiyyətini demək olar ki, heç öyrətmirlər. Uşaqlara o dərsləri niyə keçdiklərini izah etmək lazımdır. Bilikli olmalarının onlara nə qazandıracağını, nə qədər seviləcək hala gələcəklərini izah etsələr uşaqlar məktəbə qaçaraq gedərlər.

Hər şeyi yaradan Allahdır. Hər hadisəni ən gözəl Sənətçi, ən gözəl Ağıl yaratdığı üçün hamısı gözəldir, xeyirdir. İnsan xeyir gözüylə baxanda hər şeyin xeyirli yönünü görər. Allahın insanda yaratdığı ayrı qabiliyyətdir, xeyir gözü. Şər gözü vardır bir də. Şər gözüylə baxsan hər şeyi qaranlıq görərsən. Xeyir gözüylə baxmaq qabiliyyətini istifadə edərsən, hər şey xeyirdir. Allahın sonsuz gücünün hər yerdə olduğunu bilərək, xeyir gözüylə baxmaq lazımdır.

Səmimiyyəti Allahdan istəmək lazımdır. Səmimiyyət asandır və rahatladıcıdır. İnsan dərhal üzərindəki təzyiqin qalxdığını hiss edər. Səmimi olduqdan sonra eqoizm bitər. Allahın böyüklüyünü kamil mənada anlayan səmimi insan dünyadakı ən böyük mənəvi güc halına gələr.

Sevgi dünyadakı ən uca sənətdir. Yüksək sevgi və ehtiras yalnız dərin imanlı, ağıllı insanlara verilmiş nemətdir. Dünyada bu sevginin üstündə sənət yoxdur.

İnsan Allahdan müstəqil güc deyil. İnsan birbaşa Allah ilə əlaqəlidir. Ediləcək tək şey Allahı çox sevmək, Allah ilə dərin əlaqə içində olmaqdır. Biz tamamilə taleyin axışına bağlıyıq. Ellips ekrana yapışıq olaraq yaşayırıq. Bu ekrana təsir etmək, dəyişdirmək mümkün deyil.

Əhval pozulmasına heç vaxt məğlub olmamaq lazımdır. Əhvalı düzəltmək çox asandır. Əlini-üzünü yuyar, "nə edirəm mən?" deyərsən, dərhal açılarsan. Hər şeyi Allahın yaratdığını bilib, əhvalını pozmağa ehtiyac olmadığını həmən görmək lazımdır.