Adnan Oktar A9 TV; 15 aprel 2018

İnsan Allahdan müstəqil güc deyil. İnsan birbaşa Allah ilə əlaqəlidir. Ediləcək tək şey Allahı çox sevmək, Allah ilə dərin əlaqə içində olmaqdır. Biz tamamilə taleyin axışına bağlıyıq. Ellips ekrana yapışıq olaraq yaşayırıq. Bu ekrana təsir etmək, dəyişdirmək mümkün deyil.

İnsanın həyatdan zövq almaq üçün sonsuz yaşayacağını anlaması lazımdır. Sonsuz yaşayacağına inanmayan insanın zövq alması mümkün olmaz. O insan özünü edam olunacaq məhkum kimi görür. Hökm verilmiş, hər an yox ola biləcək insan olaraq özünü görən xoşbəxt ola bilməz. Sonsuz Gücü sevən, sonsuz Gücə hörmət edən, sonsuz Güclə ağıllı dərinliklə əlaqə quran xoşbəxtliyin sirrini əldə edər. Bu insana hər cür zövqün və xoşbəxtliyin qapısı açılar.

Quran müsəlmanlığı cənnət həyatıdır. İnsanlar Quranın gətirdiyi azadlıqları bilsələr İslama çox böyük zövqlə və istəklə yönələrlər.

İnsanı xoşbəxt edən tək şey həqiqi sevgidir. Həqiqi sevgini görən insan, həyat tapmış olar. Həqiqətən sevildiyini gördükdə insan xoşbəxt olar.

Ənənəçi Ortodoks sistem müsəlmanlara qarşı oynanmış böyük oyundur və faciədir. Allah, Quranda İslamın asan olduğunu bildirmişdir. Allah, qulları üçün çətinlik diləməz. İslam olduqca asandır. Ənənəçi sistemin ortaya qoyduğu ağır hökmlərin heç biri Quranda yoxdur. Quran insanı cəmiyyət, ailə, ənənə təzyiqindən və hər cür təzyiqdən xilas edər. İslam tam tətbiq olunduğunda çox ağıllı insan meydana gələr.

Allahı sevən insan həmişə gözəllik qazanar. Allahı sevdiyində eqoist olmursan, özün üçün yaşamırsan, Allah və sevdiklərin üçün yaşayırsan, dürüst olursan, səmimi ın hamısı Allahı düşünəndə qazandığın gözəlliklərdir.

Heç kimsənin etibar etmədiyi, hər kəsin alçaq olduğunu bildiyi, tək başına insanlar halına gəlmək, münafiqlərə Allahın verdiyi ən böyük cəzadır. Samirinin çöllərdə tək başına gəzməsi kimi tək başlarına alçaldılaraq yaşayırlar. Onların yanında yalnız homoseksual, kriminal, cəmiyyətin ən alçaq tipləri olur.

Allah insanı başı boş buraxmamışdır. İnsan taleyi birlikdə yaradılmışdır. İnsan səmimi olanda bütün yollar ona açılar. Səmimi olmaq demək, müsbət sistemin işə düşməsi deməkdir. Səmimi insan dərhal Allahın varlığını və böyüklüyünü görər. Allahın böyüklüyünü qavrayan insan isə cənnətə açılmış yola girər.

Yaxın Şərqdə qadına münasibət böyük fəlakətdir. Qadını narahat etmək, kədərləndirmək və onu gərgin hala salmaq üzərinə qurulub. İnsan qadını məyus etməyə heç vaxt qıya bilməz. Qadına ehtiram, hörmət göstərilər.

Səmimi insan baxışlarından, sözlərindən dərhal aydın olar. 100% səmimi insan tapmaq çox çətindir. Amma səmimiyyətə yaxın insanlar tapmaq olar. Bir insanın səs tonu, seçdiyi sözlər, baxışları, məntiq forması səmimi olub olmadığını dərhal ortaya qoyar.

İnsan ruhu süniliyi, səmimiyyətsizliyi dərhal anlayacaq şəkildə yaradılmışdır. Süniliyi gördüyü anda dərhal ondan ruhu sıxılar, o insandan uzaqlaşmaq istəyər.

Dünyaya diqqətlə baxan insan bir ekranın içində yaşadığımızı görər. Bunu anlayan insanda həqiqi iman yaranır. Və belə imanda nəfsi tərbiyəsində çətinlikdən söhbət gedə bilməz. Quranda nə yazırsa hamısını edər. Bu həqiqəti fərq edə bilməyənlər yavaş-yavaş pis olandan uzaqlaşmağa başlayır. Kimisi içki içməmək üçün mübarizə aparır. Dünyanın həqiqətini görən insan üçün bu cür mübarizəyə ehtiyac qalmaz. Pis olandan dərhal dəqiq olaraq uzaqlaşar.

Bəzi insanların Allaha qarşı diqqətsiz və maraqsız olması çox böyük faciədir. Allahı "görəsən nə edəcək?" deyə sınamaq çox böyük ağılsızlıqdır. Allahın varlığı bu qədər açıq ikən, Allahın varlığını görüb Allaha yönəlmək varkən, son dərəcə diqqətsiz münasibət göstərməsi bir insan üçün qorxunc fəlakətdir. İnsan ən çox Allahın böyüklüyünə yoğunlaşmalı və imtahanın detallarını yaxşı düşünməlidir. İstəyirlər ki, bir əlləri yağda, bir əlləri balda olsun. Bu cür insan təhsil ala bilməz, sevgini öyrənə bilməz. İmtahan təhsil üçün əsas şərtdir.

Allahın böyüklüyünü anlayan insan üçün ümidsizlik mövzusu olmaz. Allahın gücünü və böyüklüyünü anlayan insan mütləq axırda müvəffəqiyyətli olacaqdır.

Cənnətə zəngin getmək istəyərik. Bu zənginlik dünyada hər an Allah rizası üçün savab qazanmaqla əldə edilər. Uzun ömür buna görə istənilər. Savabı zaman içində qazandığımız üçün, zamanın uzun olması çox savab almamıza, cənnətə çox zəngin getməyimizə vəsilə olar.

Sevgi dünyadakı ən uca sənətdir. Yüksək sevgi və ehtiras yalnız dərin imanlı, ağıllı insanlara verilmiş nemətdir. Dünyada bu sevginin üstündə sənət yoxdur.

Qadın mənim üçün dünyanın ən möhtəşəm, ən gözəl varlığıdır. Qadınlara diqqət göstərmək çox əhəmiyyətlidir. İmanlarının çox güclü olmasını təmin etmək lazımdır. Qadın imanla həqiqi qadın olur, imanlı Allahdan qorxan qadın dərinlik qazana bilər. Qadın Allahdan qorxanda sarsılmaz sevgiylə bağlanan, dərin düşünən, dərin görən müəzzəm varlıq olar.

İslamla əlaqəli həddindən artıq anti-təbliğat edildiyi üçün, din anladılanda bir çox insan özünü fəlakətə dəvət edildiyini zənn edir. Gülməyəcək, musiqi dinləməyəcək, heç bir yerə baxmayacaq, qadınları yarım insan biləcək, incəsənətlə maraqlanmayacaq, uzun illər qılmadığı namazları qılacaq, tutmadığı orucları tutacaq, baxımlı ola bilməyəcək, müasir geyinə bilməyəcək, təmiz ola bilməyəcək, oxumayacaq, düşünməyəcək sanır. İslamı izah edə bilmək üçün əvvəl bütün bu ön mühakiməni ortadan qaldırıb, mehribanlıqla insanlara yaxınlaşıb gözəl sözlə izah etmək lazımdır.

Əhval pozulmasına heç vaxt məğlub olmamaq lazımdır. Əhvalı düzəltmək çox asandır. Əlini-üzünü yuyar, "nə edirəm mən?" deyərsən, dərhal açılarsan. Hər şeyi Allahın yaratdığını bilib, əhvalını pozmağa ehtiyac olmadığını həmən görmək lazımdır.

Yüksək keyfiyyəti məqsəd edən anlayış olması lazımdır. Avropadan yüksək mədəniyyət, incəsənət və keyfiyyət anlayışı olması əhəmiyyətlidir. Niyə hər kəs uşağını müsəlman ölkələrə deyil də, Avropaya oxumağa göndərir? Çünki Avropadakı keyfiyyət, incəsənət və mədəniyyət anlayışına hər kəs heyrandır. Türkiyə üçün də hədəf bu olmalıdır.

Yuxuda da insan çox gözəl təhsil alır. Adətən qarşılaşmayacağı bir çox vəziyyəti yuxuda görür və bu vəsiləylə ruhu tam inkişaf edir.

Səmimi olanda vücudda rahatlama olar. Sükunət halı olar. Bütün əzələlər boşalar. Allah səmimi olanların xilas olacağına buna görə xüsusi diqqət çəkmişdir. O səmimiyyət içində Allahın böyüklüyünün bilinməsi əhəmiyyətlidir. Bu səmimiyyəti qazandığında çətinlik olmaz sanırlar. Çətinlik son ana qədər olar, çətinlik imtahanın gərəyidir. Bütün peyğəmbərlər çətinlik çəkmişdir.

Varlıq varsa eşq üçün vardır. Eşq olmadan varlığın mənası yoxdur. Hər şey Allah eşqiylə, dəlicə sevgiylə, ehtirasla mənalıdır. Eşq, dərin ağılla iç-içədir. Allahı sevən, Allahın böyüklüyünü dərk edən, dərin ehtirası yaşayar. Dərk edə bilməyənlər isə sevgisizliyin ağrısını çəkirlər.

Hər şeyi yaradan Allahdır. Hər hadisəni ən gözəl Sənətçi, ən gözəl Ağıl yaratdığı üçün hamısı gözəldir, xeyirdir. İnsan xeyir gözüylə baxanda hər şeyin xeyirli yönünü görər. Allahın insanda yaratdığı ayrı qabiliyyətdir, xeyir gözü. Şər gözü vardır bir də. Şər gözüylə baxsan hər şeyi qaranlıq görərsən. Xeyir gözüylə baxmaq qabiliyyətini istifadə edərsən, hər şey xeyirdir. Allahın sonsuz gücünün hər yerdə olduğunu bilərək, xeyir gözüylə baxmaq lazımdır.

Uşağın əsas ehtiyacı sevgi, şəfqət, Allah sevgisi, mərhəmətdir. Məktəblərdə uşaqlara çayların adları, keçmişdə yaşamış insanların doğum tarixini, ölüm tarixini əzbərlədirlər amma şəfqətin, keyfiyyətli olmanın, nəzakətin, ədəb qaydalarını, mədəniyyətin, sevginin əhəmiyyətini demək olar ki, heç öyrətmirlər. Uşaqlara o dərsləri niyə keçdiklərini izah etmək lazımdır. Bilikli olmalarının onlara nə qazandıracağını, nə qədər seviləcək hala gələcəklərini izah etsələr uşaqlar məktəbə qaçaraq gedərlər.