Adnan Oktar A9 TV; 10 avqust 2017

Hal-hazırda Türkiyə çətin dövrdən keçdiyi üçün siyasi fikir ayrılıqlarına deyil, ittifaqa ehtiyac var.

Türkiyədə din azadlığı var, hər məzhəbin mənsubu dinini istədiyi kimi yaşayar.

Dünyada hər şeyin ziddi var, cənnətdə isə mənfi heç nə yoxdur. Cənnətdə hər şey müsbətdir.

İffətsizliyin çirki var. İffətin və namusun isə aydın nuru var və bu nur çox gözoxşayandır.

Allahın nazil etdiyi bir İslam var, dörd məzhəbin isə dörd fərqli inancı, tətbiqi var. Hədisə tabe olaq deyənlər bir-birlərinin məzhəblərinə, o məzhəb imamının nəql etdiyi hədisə tabe olmurlar. Buradakı səmimiyyətsizliyi görmək lazımdır. Əgər hədisə tabe olacaqlarsa, hamısına tabe olmaları lazımdır, səmimi davranmırlar. Məzhəblərin halalları, haramları fərqlidir, halbuki tək meyar Qurandır.

Katoliklərin, pravoslavların, musəvilərin, masonların, hər kəsin lideri var. Müsəlmanların lideri olmasın deyirlər. Bu səmimi rəftar deyil.

30 avqust Zəfər bayramında və milli günlərdə dini mərasim olması Atatürkün başlatdığı bir ənənədir. Məclisimiz Quran oxunaraq açılmışdır.

Peyğəmbərimiz (s.ə.v) dövründə 300 münafiq var idi. Peyğəmbərimiz (s.ə.v) çox ağıllı davranıb bunları illərlə idarə etdi. İllərlə Peyğəmbərimiz (s.ə.v)-ə, müsəlmanlara və İslama xidmət etdilər. Binalar inşa etdilər, müharibələrdə iştirak etdilər, mallarını infaq etdilər. Sonra 30 il keçdikdən, bütün gəncliklərini həsr edib 30 il xidmət etdikdən sonra Peyğəmbərin peyğəmbərliyindən şübhə etdiklərini iddia edib müsəlmanlardan ayrıldılar. Bu ayrılıqlarının da müsəlmanlara zərər verəcəklərini zənn etdilər. Münafiqlər müsəlmanlara ən kiçik zərər verə bilməzlər. 30 il ərzində Peyğəmbəri anlamamaq ən böyük axmaqlıqdır. Münafiq saxtakarlığı, axmaqlığı tərif edilə biləcək kimi deyil. Mələklər və cənnət əhli münafiqlərin axmaqlığına gülərlər.

Qüds siyasi mərkəz halına gətirilməsin. Şəhərdən 30 kilometr kənarda Fələstin və İsrail öz bölgələrində Qüdsü paytaxt elan etsinlər. Lakin şəhərin tarixi quruluşuna heç toxunulmasın. Diplomatik missiyalar ən az 30 km kənarda olsun. Qüdsün mərkəzi ibadət şəhəri olaraq qalsın. İsrail rəsmi bəyanatla birləşdirmə niyyəti olmadığını açıqlasın. ABŞ da rəsmi bəyanatla mövcud xəritənin dəyişdirilməsini qəbul etmərik desin. Birləşdirilmə ehtimalının olmadığı rəsmi bəyanatlarla təsdiq edilsin. Xəritənin dəyişdirilməyəcəyinə zəmanət verildikdən sonra Şərqi Qüds Fələstinin, Qərbi Qüds İsrailin paytaxtı olsa problem olmaz.

Qüdsün bağlıq, bağçalıq edilməsi əsas şərtdir. Formasız binaların hamısının aradan qaldırılması, təkcə tarixi binaların qalması və bərpa edilməsi lazımdır. Şəhərin yaşayış sahəsi ən az 30 kilometr kənara köçürülməlidir. Qüds ibadət şəhəridir. Siyasi şəhər halına gətirmək doğru olmaz.

PKK ilə mübarizə sadəcə təhlükəsizlik tədbirləriylə olmaz. Əsas edilməsi lazım olan antidarvinist, antimaterialist elmi mübarizədir. Əlbəttə təhlükəsizlik tədbirləri görülməlidir, amma 3 min adam öldürülsə yerinə 3 min daha gəlir. Əsas zehniyyəti fikirlə öldürək, terrorun zəminini tamamilə qurudaq. Biz 10-20-30 il sonrasını düşünmək məcburiyyətindəyik. Dünyada özündənrazı hala doğru gediş var. Avropada dindarlıq zəifləyir. Bütün bunlara qarşı alacağımız ən köklü tədbir Darvinizmi elmi olaraq bitirmək olar. Ya Allah BismiAllah deyib başlamaq lazımdır. 40 alim, professor bir araya gətirilsin. Milli açıqlama edilsin. "Darvinizm elm deyil, elmi dəlillərimiz bunlardır" deyə bir-bir sıralayaq. Bütün dünyaya təsir edən böyük tərəqqi olar. Darvinist kommunist kütlələr mütləq reaksiya göstərəcəklər, bu reaksiyalara diqqət etmədən davam etmək lazımdır.

2012-ci il çox əhəmiyyətli bir ildir. Bütün dünyanın gözü qarşısında "öldü" deyilən İslam dini hakim olur. Darvinizm toxunulmaz kimi görünürdü, lakin əyləncəyə çevrildi. Yəni bir qarışqanın, aslanla mübarizəsinə bənzəyir. İndi onlar qarışqa, Müsəlmanlar isə aslan oldular. Aslanın pəncəsinə belə ehtiyac qalmadı.

Dini təbliğ etmək qarşılığında ödəniş almaq Allahın haram etdiyi haldır, lakin Axırzamanda bu vəziyyət çox geniş yayılıb.

Xətalar müsəlmanı daha da təşviq edər, daha da çalışqan hala gətirər.

Atatürk Qiyamətə qədər qəlbimizdə olacaq. Müasir İslam qiyamətə qədər keçərlidir. Mövhumatçıların Atatürk əleyhinə olması xəstəliklərindən biridir.

Yuxularda bəzən işarələr olar, ancaq yuxu ilə hərəkət edilməz.

Qurana çox möhkəm sarılan insanın zehnində heç bir çaşqınlıq olmaz. Allahı tərk etdiyin an zehin çaşqınlığı başlayar, Allah qorusun.

Terrora qarşı ən mükəmməl mübarizə fikri mübarizədir. O insan fikirlə terrorist olduğuna görə, fikirlə də terrorist olmaqdan çıxar.

Gənclər mövcud sevgisizlikdən ötrü ümidsizliyə qapılmasınlar. Qısa müddət sonra ictimai ədalətin, sevginin olduğu bir dünya görəcəklər.

Allahı tək qoymasan, Allah da səni tək qoymaz. Allahı çox sevsən, Allah da səni sevər və çox sevdirər.

Ateistlər heç vaxt çəkinməsin, küçədə məni gördükləri zaman da yanıma gəlsinlər. Səmimi olaraq düşüncələrini ifadə etmələrinə hörmət edirəm.

Təvəkkül etməyən, taleyi və Allahın gücünü unudan, özünü bütləşdirən insan gücünü itirər.

Sevgisizliyin, təkliyin, dost tapa bilməməyin geniş yayılması mehdiyyətin tək həll yolu olduğunu göstərən vəziyyətdir.

Qadınları İslamdan uzaqlaşdırmağa çalışanlara heç kim etibar etməsin. Quran qadınlara mümkün olduğu qədər azadlıq verər.

Bütün dünya mehdiyyəti gözləyir, dostluğu, sevgini, ictimai ədaləti özləyən hər kəs mehdiyyəti istəyir.