Adnan Oktar A9 TV; 15 Mart 2013

Sevgisizlik ağılı dayandırdı. Ağıl dayananda iqtisadiyyat da dayanar. İnsanların şövqü, həyəcanı qalmadı. Bir-birlərinə yad oldular. Məhəbbət, dostluq yoxdur. Elə olunca ağrılar, iztirablar, çətinliklər bütün dünyanı bürüyür. Buna qarşı tədbir hz. İsa Məsihi Allahdan istəmək, Mehdi (ə.s)-ı Allahdan istəməkdir.

Dünyada bizim qədər Mehdi (ə.s)-ı çox izah edən başqa biri yoxdur. Son min ildə Mehdi (ə.s)-ı bizim qədər çox izah edən olmamışdır.

Mehdi (ə.s) təzyiq görüb əziyyət çəkəcək. Allah zər aləmində "Bu çətinliklərə dözəcəksənmi?" deyir. "Bacaracam, ya Rəbbim", "Qürurla, şərəflə" deyir. Mehdi (ə.s) zər aləmindən 6000 il sonra dünyaya göndərilir. Və o zər aləmindəki sözünü yerinə yetirir.

İslam Birliyi, Türk-İslam Birliyini istəmək bütün Türkiyənin şüarı olmalıdır.

Bir kəsi özündən çıxaracaq tərzdə danışıqlardan çəkinmək lazımdır. Həmişə İslam Birliyinin İsraili də qoruyacağını, qoruyucu ruhu olduğunu vurğulamaq lazımdır. Daxili, xarici işlərinə müdaxilə edərək deyil, sevgi ilə qoruyacaq.

Yüksəkdən baxmaq çox alçaq bir hərəkətdir. Niyə yüksəkdən baxırsan? Ayaq ol, torpaq ol, təvazökar ol. Torpaq olanı da başımızın tacı edərik.

Türkiyədə Darvinizm-materializm fikirlə yıxıldığı üçün büt yoxdur. Bütləri elmlə, sevgi ilə qırdıq. Necə Kəbənin içindəki bütləri rəsulullah (s.ə.v), hz. İbrahim (ə.s), hz. Musa (ə.s) qırdı, biz də fikirlə Türkiyədəki darvinizm bütünü qırdıq. Millətimiz bir rahatlıq, hüzur, dinclik dövrünə girdi.

Din çox kompleks bir şey deyil. Din çox sadədir. Yəni aylarla, illərcə oxuyub öyrənəcək, təhsillə qavrayacağımız bir şey kimi deyil. İslam iki-üç saat ərzində də insanın rahat şəkildə anlayacağı kimidir.

Yalnız müqavimət göstərən deyil, fəal hərəkət müvəffəqiyyətli olar. PKK-nın fəal bir fəaliyyəti var. Bunun qarşılığı olaraq bizim gəncliyimizin də mütləq İslam Birliyi idealı olmalıdır.

Əgər başqa bir həll olsaydı peyğəmbərimiz (s.ə.v) söyləyərdi. Peyğəmbərimiz (s.ə.v) "Öz aranızda toplaşın, qərar verin" deyərdi. Mehdi (ə.s)-la, İsa Məsihlə, İslam Birliyi ilə birlikdə qərar verin. "Yox, biz çıxış yolu taparıq" desən sürünərsən, yüz ildən bəri yenə sürünməyə davam edərsən, Allah əsirgəsin.

İslam bütün orta şərqi əhatələyən, Çin, Rusiyaya, hamısına qarşı şəfqətli olan, Amerikanı da, bütün dünyanı sevən bir sistemdir. Hər kəsi sevən, hər kəsə yaxşılıq edən bir sistemdir.

İslam Birliyi istəməmək də bir zülmdür.

Dövlət darvinizm-materializmi elmi olaraq tənqid edən təhsil siyasəti yeritməlidir. Gəncliyimizin həyəcanlı idealı, Türk-İslam Birliyi, İslam Birliyi idealı olmalıdır. Məsələn, PKK-nın bir kürd dövləti idealı, Böyük Kürdüstan idealı vardır. Bizim gəncliyimizin də böyük bir ehtiras və həyəcanla Böyük Türk-İslam Birliyi idealı olması lazımdır. Amma sevgi dolu bir ehtirasla olmalıdır.

Əsəd Mehdi (ə.s)-ı sevdiyini, Mehdi (ə.s)-ı gözlədiyini söyləsin. İslam Birliyini müdafiə etdiyini söyləsin. "Şiə, sünni hamısı qardaşdır", "qatı dinçiliyə, xurafata qarşıyam" desin. Söz bir Allah birdir, üstündən bəlanı qaldıracağıq, inşaAllah.

Bəzi insanlar öz ağıllarına görə İslam Birliyinin mümkün olmadığını söyləyir. Avropa Birliyi, Aralıq dənizi Birliyi, Şanxay Birliyi olur, hər cür birlik olur. "İslam Birliyi? O mümkün deyil" deyir. Müsəlmanların bir-birini sevməsindən daha təbii nə ola bilər? Bütün bölgə müsəlmandır. Hamısı bir-birini sevəcək və İslam Birliyi olacaq. Bunu görəcəklər, inşaAllah.

Xarici İşlər Naziri hörmətli Davudoğlu son dərəcə cəsarətli olsun. "Ya Allah, Bismillah" desin, türk aləmini, İslam aləmini birləşdirsin. Kiminsə bir etirazı olmaz, heç çəkinməsin.

PKK İslam Birliyini bir dəfə ön plana alsın. İslam Birliyi olanda, İslamın şəfqəti, mərhəməti bölgəyə hakim olanda onların ağıl verməyinə ehtiyac da qalmayacaq. Hər kəs rahat olar. Məhkum olan, hətta məzardakı belə rahatlaşar. Kimsə ağrı-acı çəkməz. Onlar bunu tam aradan qaldıra bilmirlər. Müsəlman onsuz da şəfqətli, mərhəmətlidir. Mehdiyyətin, İsa Məsihin şəfqətinə güvənsinlər. Nə Mehdi, nə İsa Məsih heç kimə zülm etməz. Onlar kiminsə çətinliyindən xoşbəxt olmazlar.

Stalinizm, marksizm yıxılmışdır. İslam Birliyi ən gözəl yoldur. İslam Birliyindən kənarda olan bütün çıxış yolları açılmazdır.

Mehdiyyət uyğunluq, mehribanlıq, yaxşılıq, gözəllik, hüzur, dinclik, şəfqət və mərhəmət deməkdir. Mehdiyyət dünya üçün vacib ehtiyacdır.

Bütövlük, ictimai ədalət rahatlıq yaradar. Mehdiyyətin demokratiya, rahatlıq, bərabərlik, sevgi, məhəbbət anlayışı hər cür ideologiyadan üstündür. Müqayisəsi qabil deyil. Son dərəcə səmimi və sürətli nəticə alınacaq bir sistemdir.

Mehdilərin xüsusiyyəti asanlaşdırmaqdır. Dini, əmri, həyatı asanlaşdırar, insanlar üzərindəki ağır zəncirləri qırarlar. Mehdi (ə.s)-ın da vəzifəsi asanlaşdırmaqdır. Ağır şərt zəncirlərini aradan qaldıracaq, amma xurafatçılar deyəcək ki, onların dinini öldürdü. “Bizim dinimiz ağır şərtli bir din idi, çox şərtlər vardı, bu dinimizi asanlaşdırdı, dini öldürdü" deyəcəklər.

Allahın razılığı, ən əhəmiyyətli mövzudur. Müsəlman bir şey edərkən həmişə Allahın razılığını tələb edəcək. İnsanlar nə deyirsə desin, nə edirsə etsin, mömin əsl məqsədi heç bir şəkildə unutmayacaq.

Allah hər yerdə, təcəlli olar: Üzümüzdə, başımızda, qollarımızda. Allah hər yerimizi görər, təcəllisi hər yerimizi əhatə etmişdir. Daxilimizi, xaricimizi hər yerimizi bilər. Cənab Allah elmi ilə, təcəllisi ilə hər yeri əhatələmişdir.

Xurafatçıya, darvinistə Quran oxusan qəbul etməz. Səbəbini Allah Quranda açıqlayır: "Sən Quran oxuduğun zaman səninlə Axirətə inanmayanların arasına gözəgörünməz pərdə çəkdik. (İsra surəsi , 45) Çünki ikinci bəndə, birinci bəndə deyil. Bir başqa həyatda yaşayır. Xüsusi olaraq Allah tərəfindən yaradılmışdır. Bu səbəbdən dediyini anlamaz.

Cənab Allah buyurur: "Eqoizmlə deyil, təbii vəziyyətinlə, mehribanlığınla, təvazökarlığınla yaşamalı, həddinizi bilməlisiniz ". Onsuz da biz heçik, təkcə Allah var. Biz kölgə varlıqlarıq. Əlhəmdülillah.