Adnan Oktar A9 TV; 7 may 2013

Elmsizlik kommunizmi, faşizmi, vəhşi kapitalizmi gətirər. Mədəni, məlumatlı bir adam o yollara girməz. Çünki elmi görsə Allahın sənətini görər. Allahın sənətini görsə Allaha aşiq olar. Allaha aşiq olan Allahdan qorxar, Allahı sevər. Qurana tabe olar. Dünyanın ən mükəmməl, ən yaxşı insanı olar, inşaAllah.

İnternetə limit olsa, adamın əlindən kitabı götürmüsən, adam kitabxanaya gedir, qapının qarşısında dayanmısan, eyni hərəkət olar. İmkan yaradın, millət məlumatını, mədəniyyətini artırsın, limit və s. bunların hamısı aradan qalxsın.

Canını qurtarmaq üçün Türkiyəyə sığınan insanı qorumaq fərzdir. Əks təqdirdə insan harama girər, cinayətə şərik olar, Allah əsirgəsin.

Suriya Allahın izni ilə Türkiyənin idarəsinə girəcək. Baxın, müjdəni verirəm. Bu dəqiqdir. Türkiyə ilə Suriyanın sərhədləri açılacaq. O sərhədlər Suriyanın deyil. İngilislər onu masa arxasında xətkeşlə çəkiblər. Türkiyə ilə Suriya iç-içə olacaq. Fitnə də aradan qalxacaq, burdan Şama istədiyimiz kimi gedəcəyik.

2014-cü ildə çox qəribə hadisələr olacaq. 2014-cü il Türkiyədə dönüş nöqtəsidir. Yəni, çox əhəmiyyətlidir. Bir çox referendumlar, seçkilər keçiriləcək. 2014-cü il çox vacibdir.

Keyfiyyəti ön plana salmaq lazımdır. Keyfiyyətdə inkişaf vacibdir. Biz Avropa ölkəsiyik. Hər hansı bir üçüncü dünya ölkəsi deyilik. Bizdə keyfiyyət vacib bir mövzudur. Ətrafın həssaslığı çox əhəmiyyətli bir mövzudur.

Kommunizm və vəhşi kapitalizmdən sonra üçünçü bir yol vardır ki, bu da mehdiyyətdir. Mehdiyyətin yoluna girsən dünya cənnətini yaşayarsan.

Bəzi kommunistlər Türkiyənin kasıb qalmasını istəyə bilərlər. Çünki zəngin ölkədə kommunizm inkişaf edə bilməz.

Türkiyə təbəqədən təbəqəyə keçəcək. Bir çox hadisələr baş verəcək, insanlar dəyişəcək. Bu möhtəşəm ölkənin üstündə mehdiyyət günəşi doğulacaq.

İmperializm, kommunizm onsuz da bir-birilə bağlıdır. Bunlar bir-birinin qardaşıdır. Bunlar ailədir, faşist, kommunist, kapitalizmin ataları vəhşi kapitalizmdir. Sağında oğlu kommunizm, solunda oğlu faşizm dayanır.

Vəhşi kapitalistlər daim müsəlmanları əzib, iztirab verib, məcbur ediblər. İslam ictimai ədaləti, kasıbları qoruyan ruhu əsas götürər. Mehdiyyət bu fikrin mükəmməl tətbiqidir.

Hz. Mehdi (ə.s) vəhşi kapitalizmin əleyhinədir. Quranda vəhşi kapitalizm tənqid olunur. Allah Quranda vəhşi kapitalizmin azğınlığını izah edir və malın bərabər paylanmasını əmr edir. Bu isə vəhşi kapitalizmin sonudur.

Kommunizm, faşizm, vəhşi kapitalizm, satanizm, azğın olan hər cür düşüncə dəccalın övladlarıdır. Dəccal da onların atasıdır.

Yüksək mədəniyyətə sahib olan bir insanın kommunist olması çox çətindir. Kommunistlərə şəfqətlə yaxınlaşaraq həqiqətləri dəlil və sübutları ilə izah etmək lazımdır.

Siyasətdə vəfa olmaz. Vəhşi kapitalizmin ruhu siyasətə tam hakimdir. Siyasətdə dəstək olmaq körpünü keçənə kimi olar. Körpünü keçdikdən sonra səni tanımaz. Dostluğu da, vəfanı da, yoldaşlığı da, qardaşlığı da unudar.

Hər Marksist, Leninist ümumi mədəniyyətə çox əhəmiyyət verir və təbliğat edərkən onunla qarşısındakı insanı ovsunlayar, təsir edər. İnsanlar gecə-gündüz kitab oxuyur. Biz də gənclərimizi hər cür fəlsəfəyə qarşı hazırlayacaq, məlumatlandıracağıq.

Darvinizm çox sadə, primitiv bir nəzəriyyədir. Yəni elə kompleks deyil. Amma cavabının verilməsində ümumi mədəniyyət, elmi dünyagörüşü, təbii ki, əhəmiyyətlidir.

Atatürkün hədəfi ümumi mədəniyyəti inkişaf etmiş hər şeyi araşdıran, mühakimə edən, mübarizə edən, üfüqü geniş, vicdanı azad, öz azad gəncliyini yaşamaq idi. Bu, bizim də hədəfimizdir, inşAllah.

Müsəlmanlar, hal-hazırda dünyanın ən güclü fikrini müdafiə edirlər və ən qərarlı dövrdədirlər. Faşizm, kommunizm, kapitalizm ... bütün fikirlər çökdü. Yalnız İslamın qarşısı açıqdır.

Hz. Mehdi (ə.s)-ın xüsusiyyəti ayaq basdığı hər yerdə şeytanın ayağını qırmaqdır. Faşizmin ayaq səslərini yox etməkdir. Azadlığı, sevinci, bayram əhval-ruhiyyəsini, iman sevincini bütün dünyaya daddırmaqdır. Görünməmiş ictimai ədalət yaratmaqdır.

Gənclərə milli şüur dərsi verilərək, onlara, kommunizm, darvinizm və faşizm təhlükəsinin nə olduğu, terrorun ideologiyasının nə olduğu, zorakılığın, sevginin və mərhəmətin nə olduğu öyrədilməlidir. Milli hədəflərimizdən, məsələn, Türk-İslam Birliyindən bəhs edilməlidir.

Faşizmdə milli eqoistlik var və öz irqini əsas qəbul edər, münafiqlər də öz uşaqlarını, mal-dövlətlərini, ailəsini əsas görərlər.

İnsanların əksəriyyəti darvinizmin törətdiyi fəlakətdən xəbərsizdir. Faşizmin, kommunizmin, bütün döyüşlərin təməlində darvinizm var.

Hz. Mehdi (ə.s)-ın səhv etdiyini zənn etdiyin yerdə o doğrunu etmiş olur. Deyirsən ki, böyük səhv etdi, amma doğru olur. Çünki, Allahın hökmüdür: "Hər şeydə bir xeyir vardır". Hz. Mehdi (ə.s)-ın hər hərəkətində xeyir olur.

İnsanlar elə zənn edir ki, hz. Mehdi (ə.s) müstəqil gücdür. Halbuki, hz. Mehdi (ə.s) kölgə bir varlıqdır. Allahın idarəsindədir, İslamın hakimiyyətinə Allah onu vəsilə edir, vəssalam. Başqa bir gücü yoxdur. Bütün güc Allahındır. Hz. Mehdi (ə.s)-ın hər addımını, hərəkətini, danışığını, hər hərfini Allah yaradar. Hələ anasından doğulmamışdan əvvəl nə danışacağı müəyyən idi.