Adnan Oktar A9 TV; 27 avqust 2016

Ağlı zəif olanlar iman gətirənlərin imtahanı üçün xüsusi yaradılır, bəlkə də axirətdə bir hissəsinin yalnız “görünüş varlıq” olduğunu anlayacağıq.

Dünyanın imtahan yeri olduğunu bir çox insan anlaya bilmir. İş yeri, işdə maraqlandığı şeylər və s. imtahanda olduğunu əksəriyyətinə unutdurur. Dünyanın bir çox təfərrüatının olması imtahanın tələbi olaraq xüsusi yaradılıb.

Adi imtahan olunsaq dünyanın da, cənnətin də mənası olmaz. Təhsilin mükəmməl olması üçün Allah hər cür şəraiti yaradıb. Yaralanmadan, xəstələnmədən, əziyyət olmadan asan yaşayıb axirətə getmək olmaz. İmtahan çətin və ətraflı olmalıdır, bu təfərrüatların içində gözəlliyi tapmaq vacibdir.

İmtahan olmadıqda, təfərrüatlar olmadıqda cənnətin qiymətini anlamaq da, Allahın sənətini anlamaq da mümkün olmur. Adi imtahan olsa adi cənnət həyatı olar. İmtahan nə qədər qarmaqarışıq olsa, həyat o qədər gözəl olar, sevgi o qədər böyük olar. Allah xüsusən Axırzamanda yüksək imtahan istəyir. İmtahan nə qədər yüksəkdirsə, insanın cənnəti də o qədər yüksəkdir.

Allah istəsə İslam əxlaqı dərhal hakim ola bilər, lakin müddət uzun olur, niyə? Çünki imtahan əhatəli olsun, savabı çox olsun deyə.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Yaxın Şərq bataqlığı deyirlər, bu yanlış ifadədir. Yaxın Şərq imtahan sahəsidir deyilməlidir. Bura peyğəmbərlər torpağıdır, Mehdi Məsih buradan çıxacaq, imtahan buna görə çətin olur.

İmtahan şirin olsa sonu acı olar. Yüngül imtahan gözləməsinlər, Axırzamandayıq. Allah böyük sevgi istəyir. İmtahan nə qədər şiddətlidirsə, sevgi o qədər böyükdür. Cənnətin bəzəyi sevgidir, sevgi böyük olmalıdır ki, cənnət mənalı olsun. İmtahanın müddəti qısadır, cənnət isə əbədidir. Əbədi böyük sevgi üçün imtahan güclü olmalıdır. Əziyyətə etiraz etmək olmaz.

İmtahanın sirrini ətraflı izah etmək lazımdır. Kafirlər və münafiqlər imtahan üçün xüsusi olaraq yaradılıb. İmana hücum edəcək fəlsəfələrin olması, dərin dövlətlərin zalımlığı, münafiqlərin ayrı, kafirlərin ayrı mövcudluğu imtahanın mükəmməlliyidir.

Eşq əhli olan şiddətli imtahan olunar. Böyük eşq böyük əziyyətlə birlikdə hərəkət edər. Eşqi cılız olanın imtahanı da cılız, zəif olar.

2017-də daha da böyük hadisələr yaşanacaq. Hədislərə görə 2017 və 2018-ci illər ağır keçəcək. 2019-cu illərdən sonra yaxşılaşma başlayacaq.

Allah imtahanı çox təfərrüatlı şəkildə yaradır. Mənfi hallar olmasa çox sabit həyat olar. Həyatı sabitlikdən çıxaran imtahandır.

Çətinliklər olmadan insanlar diqqətini Allaha yönəldə bilmirlər. Axırzamanın bu böyük çətinlikləri də insanların tərbiyəsi üçün zəruridir.

2017-ci ildə çox böyük hadisələr görəcəyik. Tarixin mühüm bir dövründən keçəcəyik inşaAllah.

2017-ci ildə təkcə Türkiyədə deyil, dünyada daha da böyük hadisələr yaşanacaq. Qardaşlarımız heç təşvişə qapılmasın, sonu həmişə xeyir olacaq.

Allah yeni ili bütün İslam aləmi, bütün dünya üçün xeyirli etsin. Allah İslam aləminin üzərindəki bəlaları, uğursuzluqları, döyüşləri aradan qaldırsın. Bizi İsa Məsih və Mehdiyə tələbə etsin.

2017-ci il kilid illərdən biridir. 2023-cü il İslamın qələbəsi ilə nəticələnəcək inşaAllah. Bu qələbə mövhumatçılığın deyil, Quranın qələbəsi olacaq. Dünya ilk dəfə şeytanın təsirindən xilas olacaq və dünyaya yaxşılıq, gözəllik, sülh, keyfiyyət, sevgi, mərhəmət, nəzakət hakim olacaq. Bunu görəcəyik.

Dünyada baş verən dəhşət və əzab qat-qat artacaq, ta ki, Mehdinin açıq-aydın zühurunu görənə qədər. 2016-cı və 2017-ci illərdə, təkcə İslam aləmində deyil, hər yerdə dəhşət və əzab ağlasığmaz dərəcədə yüksələcək, 2018-ci ildə ortalıq cəhənnəmə çevriləcək sanki. 2019, 2021 və 2023-cü illər; bunlar qurtuluş illəridir.

Bütün dünyanı ağlasığmaz bir vəhşilik, dəhşət bürüdü. İmam Mehdi (ə.s)-ın zühuru vacib oldu. Allah, İsa Məsihi zahir etsin. İmam Mehdisini zahir etsin. Vaxt get-gedə yaxınlaşır. 2015-ci ildə zühur etməyəcək. 2016-cı ildə də zühur etməyəcək. 2017, 2019-2021-ci illər, bunlar həssas tarixlərdir.

Dünya çarəni görməzlikdən gəlir, lakin elə nöqtəyə gələcək ki, başa düşən vəziyyətə gələcək. Mehdiyyəti çox gec qəbul edəcək, çarəsizliyi son anda qəbul edəcək. 2017-2021-ci illərə təsadüf edəcək.

Dünya çarəni görməzliyə vurur. Amma elə bir nöqtəyə gələcək ki, anlayacaq. Mehdiyyət çox gec―çarəsizliyin son həddində (2017-2021-ci illərdə) qəbul ediləcək.

2013-14-ci illərdə Darvinizmin heç “D”-si qalmaz. 2015, 2016, 2017, 2018, 2019, 2020, 2021də Allahu əkbər, mövzu bitir, inşaAllah. Elmlə, mədəniyyətlə, sevgi ilə, söhbətlə inşaAllah nəticələndirəcəyik.

Dünyada sülhün yaranması, savaşın sona çatması, qan axmasının dayanması, silahların susması üçün bütün gücümüz ilə cəhd etməliyik. Bacı-qardaşlarımız "Bizim nə gücümüz var ki?”: deyə bilərlər. Cəhd etsinlər. Mən buradayam. 2017-də də burada olacağıq. 2019-da da buradayıq. Dediyimiz şeylərin eyniylə reallaşdığını görəcəklər.

Kürdlər PYD-nin təzyiqindən bezdikləri və onların rəhbərliyi altında yaşamaq istəmədikləri üçün Türkiyə və Bərzani rəhbərliyinə sığınmış vəziyyətdədirlər.

Bərzaninin bayrağına heç kim əleyhinə olmaz. Dindar, Türkiyə ilə dost kürd bölgəsi olmasından beynəlxalq qanuna da uyğundursa qürur duyarıq. Bərzaninin və kürdlərin bayrağının dalğalanması Türkiyəni narahat etməz. Biz cinayət işləyən, xalqa təzyiq göstərən kommunist quruluşa qarşıyıq.