Adnan Oktar A9 TV; 9 dekabr 2016

Allah 300-dən artıq kitab yazmağımı, bu kitabların 70-dən çox dilə tərcümə edilməsini, yazılarımın onlarla qəzetdə dərc edilməsini nəsib etdi. Dünyaya aludə olanlarla birlikdə, dünyaya aludə olsaydıq həftənin bir günü söhbət etməyi kafi hesab edərdik. Lakin ömrümüzü həsr edərək çox geniş təbliğ apardıq. Darvinizmin fikri olaraq məğlub olmasını, İngiltərə dərin dövlətinin ifşa olmasını, mövhumatçılığın zərərsizləşdirilməsini Allah bizə nəsib etdi. Təhsilli, seçilən təbəqənin İslam ilə əlaqələri demək olar ki, kəsilmişdi, bu əlaqəni biz yenidən qurduq və onlar da İslama xidmət edən vəziyyətə gəldilər. Ələvi, şiə, musəvi, xristian düşmənçiliyinin aradan qaldırılması, İsrail ilə Türkiyənin barışması üçün biz səmərəli iş gördük.

Şəhidliyi fəlakət kimi göstərirdilər, hər gün verilişlərdə şəhidliyin nemət və şərəf olduğunu söylədik. Bütün Türkiyədə şəhidlik həsrəti yarandı.

Bir çox insan pişiklərdən belə nifrət edirdi. Qadınları, uşaqları, heyvanları sevməyi öyrətdik. Hər gün sevginin mühüm olduğunu söylədik.

Mehdiyyəti az qala unutdururdular. Mehdiyyəti elmi sübutları ilə, bütün dəlilləri ilə izah etdik, Peyğəmbərimiz (s.ə.v)-in müjdəsini gündəmdə saxladıq.

Masonların qəlbinin İslama isinməsinə səbəb olduq. Mason lojalarında ilk dəfə Quran həqiqətlərindən bəhs edilməyə başlandı.

Evlənməməyimin səbəbi, bütün vaxtımdan, bütün ömrümdən Allah üçün, İslam üçün, təbliğ üçün istifadə edə bilməkdir.

Bəziləri cənnəti heç düşünmür, cənnəti təkcə yaşıllıq yer kimi qavrayırdılar. Cənnətdə hər cür texnologiyanın, zənginliyin olduğunu izah etdik.

Rusiya ilə Türkiyənin arasının düzəlməsinə, İsrailin Türkiyəyə kompensasiya ödəməyi qəbul etməsinə və sülhün təmin edilməsinə biz vəsilə olduq.

Peyğəmbərimiz (s.ə.v) İslamı təbliğ edir, onu dinləməyə gələn bəziləri isə mənim üçün dua et ki, ticarətim artsın deyirdi, İslama xidmət etməyi düşünmürdü.

Mehdiyyətin əsas xüsusiyyəti ödəniş istəməməsidir. Dini təbliğ etmək əvəzində ödəniş istənilməz.

Hz. Süleyman dövründə də Peyğəmbərimiz (s.ə.v) dövründə də müsəlmanların keyfiyyəti, gözəlliyi İslamın təbliğində çox təsirli olurdu. Müsəlmanların gözəlliyini, keyfiyyətini, nəzakətini, sevincini görən İslamı yaşamağı sevinclə qəbul etməlidir. Keyfiyyətsizlik İslamı daxilən çökdürər.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

Bir çox müsəlman meyhanədəkı insana, klubdakı insana təbliğ etməz. Lakin biz edərik. Bu insanların üzünə qapını örtmək olmaz, biz onlar üçün zəhmət çəkəcəyik. Rəsulullah (s.ə.v) də Ukaz bazarında dindən ən çox uzaq kəslərin arasında təbliğ edirdi. Biz də İslamdan ən uzaq insanlara təbliğ edəcəyik.

Mən 1979-cu ildə təbliğə Memar Sinan Universitetində başladım. Memar Sinan Universiteti o dövrdə marksizmin qalası mövqeyində idi. Əsil məqsədim həmişə təbliğ oldu. “Kübar cəmiyyət” deyilən təbəqə ilə müsəlmanların əlaqəsi demək olar ki, sıfır idi. O cəmiyyətdə ilk təbliği biz etdik, İslamla əlaqələrinə vəsilə olduq. Bir çox müsəlmanın girməyi belə düşünmədiyi Saint Benoit, Avstriya Lisesi, Dost Kolleci, Robert Kollec kimi təhsil müəssisələrində ilk təbliği biz etdik.

İslamı təbliğ etmə məqsədində olan bir müsəlmanın sosial media səhifələrindən çox faydalı istifadə etməsi əhəmiyyətlidir.

Dünyada imtahan üçün verilən müddət insanın vicdanını, şəxsiyyətini təkmilləşdirməsi və göstərməsi üçün çox yetərlidir.

Allah insanların çətinliyə düşmələrini istəmir. Sadəcə vicdanlı və dürüst olmalarını istəyir. "Məni unutmayın, Mən də sizi unutmayım" deyir. Allahı unutmaq çox böyük zülmdür. Allah sevilmək və zikr edilmək istəyir.

İnsan vicdanını haradasa qısarsa, o vicdan başqa yerdə səni yaxalayar və səni xəbərdar edər. Vicdan, Allahın insana müdaxilə etmə sistemidir.

İnsan nəzarətsiz buraxılmayıb. Allah hər an hər insanın qəlbinə, vicdanına doğrunu vəhy edər. Bu, insanlar üçün çox böyük nemətdir. Səmimiyyət insanın Allahın vicdanına vəhy etdiyinə tabe olması, bu ilhamı eşitməməzlikdən gəlməməsidir.

Peyğəmbərlər, dövrlərinin ən müasir insanlarıdır. Bir insanın xəyalında canlandırdığı ən yaxşı, ən vicdanlı, ən keyfiyyətli, ən gözəl insanlardır.

Vicdanının səsini dinləməyən gah ora gedər, gah bura, səndələyər. Vicdanının səsini dinləyərək səmimiyyətin yolundan heç ayrılmayan bir insanı Allah həmişə qoruyar. Bütün dünya bir yerə toplansa yenə heç nə edə bilməz.

Səmimi olmağın xüsusi bir sirri, xüsusi bir yolu var. Allah hər kəsə bunu nəsib etməz. Bu yolu tapan, bu səmimiyyət yolunda vicdanından heç uzaqlaşmadan davam edir. Məhz buna "siratəl-müstəqim" deyilir.

Səmimi olmaq asan deyil, çox çətindir. Səmimi olmaq, beyinin ən böyük sənətidir, vicdanın ən böyük sənətidir.

İmtahanın uzunluğu və güclü olması o insanın lehinə olar. İnsana nə qədər çox əziyyət, sıxıntı, çətinlik gəlirsə, deməli, o, bir o qədər çox savab qazanır.

Münafiq ağılsızca o qədər özündən əmindir ki, bütün alçaqlığına, murdarlığına və axirətə inanmamasına baxmayaraq, cənnətə gedəcəyini iddia edər. (Fussilət surəsi, 50: Halbuki ona toxunan zərərdən sonra mərhəmət b��xş etsək, mütləq: "Bu mənim (haqqım) dır. Həmçinin mən qiyamət saatının gələcəyini də zənn etmirəm; əgər Rəbbimə qaytarılsam belə, mütləq Onun yanında mənim üçün daha gözəl olanı vardır" deyər. Lakin and olsun, Biz, o kafirlərə nə etdiklərini mütləq xəbər verəcəyik və and olsun onlara, ən qatı əzabdan daddıracağıq.)