Adnan Oktar A9 TV; 5 avqust 2013

Cənnətdə musiqi var. Allah bunu ürəyimizə bir məmnuniyyət olaraq verir. Bütün millətimiz əylənər, oynayar, gülər, musiqi dinləyərlər. Qatı dinçiliklərə görə bu doğru deyildir. Musiqi nemətdir, tərtəmiz bir şeydir. Ruhu cilalayan, ürəyi açan möhtəşəm gözəllikdir. Quşlar, şəlalələr belə―hər yerdə musiqi vardır.

Quran əxlaqını mənimsəyən, Allahı sevən, Allahın ən mükəmməl təcəllisi olan, qadınları da çox sevər. Amma qadın, ruhu ilə gözəl olar. Ruh və bədəndir. Qadın həm cismani, həm ruhani mükəmməl bir varlıqdır.

Qadınlara xüsusi hörmət göstərmək lazımdır, qorumaq lazımdır. Qadınlar çox böyük nemətdir. Dünyadakı cismi ilə ruhu birləşmiş olaraq ən böyük nemət qadındır. Bundan üstünü yoxdur.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Allah ayədə "xoşbəxt olun, Mənə dönün, sizi daha da xoşbəxt edim" deyir. "Daha çox nemət verim. Həmd, şükür edin, daha çox nemət verim", "dünya da sizin, axirət də yalnız sizindir", "dünyada gülün" deyir. Sevinc içində olacaq və Allahın nemətlərinə şükür edəcəyik.

Allah iman edənlərə, inananlara çox gözəl nemətlər verir. Allah iman edənlərə insan sevgisini, coşğunu, ehtirası, hər cür dərinliyi tam yaşadır.

İnsanlar həsədlə nəyəsə çatmazlar. Həsəd etdikcə, Allah möminlərin nemətlərini daha da çox artırar. Onların da nemətini azaldar. Getdikcə qovrularlar, özlərinə qapanarlar, çökdürər, sevgisiz, mərhəmətsiz, ürəksiz, xəstə insanlara çevrilərlər. Allah əsirgəsin.

Allah ayədə deyir ki, şeytandan Allaha sığınıram, "Dünya da sizin, axirət də təkcə sizindir" (Əraf Surəsi, 32). Allah "Dünya da sizindir", ancaq kafirlər də istifadə edərlər deyir, "axirət isə təkcə sizindir" deyir. Buna görə də MÜSƏLMANLAR NEMƏTDƏN UZAQ DURMAZ.

Məzlum, təvazökar, gözəl bir insanın öyünməsi Allahın nemətinin göstərilməsidir və ibadətdir. Allahın əmrini yerinə yetirməkdir. Allah nə deyir ayədə? "Rəbbinin nemətini dayanmadan zikr et." (Zuha Surəsi, 11)

Sevgi dünyada çox böyük bir nemətdir. Xurafatçılığın xüsusiyyəti sevgini öldürməkdir.

Bizim həm dindar olub, həm də nemətləri ən gözəl şəkildə yaşadığımızı görüncə dinsiz və xurafatçılar qorxunc bir həyat yaşadıqlarını başa düşdülər.

İNSANLARIN BİR QİSİMİ DƏRD VƏ BƏLA OLMADAN ALLAHA DÖNMÜRLƏR. Allah bir fırtına anında gəmidə dua edənləri nümunə verir . Allah xəstəliklər yaradır. Lakin buna baxmayaraq dəlicəsinə nemətlərdən istifadə etməyə çalışan, lakin neməti verənlə də heç bir şəkildə əlaqə qurmayan, şükr etməyən insanlar olduğunu görürük. Ona görə Allah insan üçün "zalım və nankordur" deyir. Allah o ruh azğınlığını qırmaq üçün o dərdləri və bəlaları verir.

SONSUZLUQ OLMASI ÇOX BÖYÜK NEMƏTDİR. Dünyada imtahandan keçməsək cənnətin zövqünü anlaya bilmərik.

Cənnətdə insanın istədiyi bir şeyi ağılına gətirməsi ilə onun meydana gəlməsi eyni anda olar. Məsələn, Porsche avtomobil ağılına gələr, xəyal edər o anda da meydana gələr. Allah onu dərk etmək üçün xəyal etmək xüsusiyyəti vermişdir . Allah cənnətdə tutqunluğu, dumanlığı qaldıracaq, hər şey gerçək hala gələcək.

ƏGƏR DÜNYA OLMASA, CƏNNƏTDƏN ALINAN ZÖVQ ÇOX OLMAZ, DEMƏK OLAR Kİ, HEÇ OLMAZ. Allah cənnətdən zövq almamız üçün dünyada bu proseslərdən xüsusi olaraq keçirir.

Bir müddət qaldıqdan sonra kahı belə ciddi bir pozulmaya uğramaz, amma ət on gün açıqda qalsa, çox zəhərli bir maddəyə çevrilər. İnsan da ətdən meydana gəlmiş bədəni keçici bir varlıqdır. Buna baxmayaraq öz bədənlərini gözlərində böyüdürlər. Dünyaya eşqlə bağlanıb özlərini hipnoz edirlər.

Quran bizi dünya nemətlərindən uzaqlaşdırmaz, əksinə nemətlərə yaxınlaşdırar. Quran çətinlik çəkiləcək bir kitab deyil, hüzura çatdıran kitabdır.

Burada çox uzun bir imtahan veririk. Əgər bu imtahan verməsəydi cənnətə girən insan, bu taxtların niyə var olduğunun mahiyyətini anlamazdı. Cənnət qədəhlərini başa düşməzdi. Yedikləri meyvələrin, içdikləri gözəl içkilərin nə üçün ərmağan edildiyini düşünməzdi. Nemətin sevincini və gözəlliyini yaşaya bilməzdi.

Dünya, cənnət kursudur. Cənnətdə necə zövq alacağımızın bir kursudur. Ona görə burada çox dəqiq bir kursdan keçirik. Bu kursu bitirən, cənnətdə zövqlərin ən gözəlinə sahib olacaq.

Firavan yaşadıqlarında Allaha qarşı böyük qrup halında, demək olar ki, dünya səviyyəsində birləşib üsyan qaldırırlar. Aclıq dərdi çəkdiklərində isə Allaha inanılmaz şəkildə dua edib yalvarırlar. Belə aclıq dərdi çəkmək nəyə lazımdır? Belə eləmə, ağıllı ol, Allaha tövbə et. Allaha həmd et. “Ey Rəbbim, Sən böyüksən” de, “Səni çox sevirəm” de, sənə bol-bol nemət versin. Niyə başına bəla axtarırsan? Niyə azğınlaşıb qudurursan? Niyə özünü alçaldırsan?

Allah dünyada milyonlarla, milyardlarla, trilyonlarla möcüzə yaradır, saymaqla bitməz. Allah nemətin təqdir olunmasını istəyir, sənətinin görülməsini, sənətinin ayrı-ayrılıqda təqdir edilməsini istəyir. Allah: "Qruplara ayırıb saysanız belə, yenə də sayıb bitirə bilməzsiniz nemətləri" deyir.

Daha dindar olana Allah daha yaxşı imkanlar, daha gözəl nemətlər nəsib edər. Bu da gözlə görülər. Amma təbiidir ki, mömin səbir etməlidir. Yəni əziyyəti də, neməti də gözəl görməlidir.

Allahın nemətini yada salmaq çox əhəmiyyətlidir. Bu unudulduqda insan eqoistləşər, anormallaşar, fikri başqa yerlərə gedər. Allah qorusun. Bunun üçün Allah yada salınmasını söyləyir. Yada saldıqca qəlbdə rahatlıq, xoşluq yaranır.

Allah həmişə sevgi istəyər. Yoxsa nə gözəlliyin, nə də başqa bir şeyin mənası olmaz. Cənnət köşklərini, onları robot kimi varlıqların doldurduğunu təsəvvür edin, cənnət hovuzlarında üzürlər. Allah uzaq eləsin, bu təsvir acınacaqlı olar. Allah o nemətini, Allahın ruhunu daşıyaraq əziyyət və çətinlik çəkmiş insanlara versə, bu vaxt heyrətamiz gözəllik olar. Yəni cənnətin mənası olar. Allah lazımı qədər təqdir edilmiş olar.

Allah neməti bol verir, lakin nemətə şükür edilməməsi çox qəzəbləndirici hərəkətdir. Tutaq ki, sən bir saraya dəvət edildin, mükəmməl yeməklər verildi, şirniyyatlar və s. yeməyini yeyib, ayaqqabınla qapıya vurub, bağırıb qışqıraraq çıxıb getdin. Nə təşəkkür etdin, nə də heyran qaldın. Bax, belə etdinsə, bəla gələr.