Adnan Oktar A9 TV; 14 may 2015

İnsan: “Mənim malımdır, mənim mülkümdür” deyir. Sənin malın, mülkün yoxdur, hamısı Allahındır. Sən Allahın mülkünü qorumağa gəlmisən.

Sevgini Allaha yönəltməlisən. Sevgini birbaşa uşağa yönəldir. "Ey Rəbbim necə də gözəl yaratmısan" demir. "Necə də gözəl təcəlli edirsən" demir. Belə olduqda da, Allah bəla verir. Min cür əzab verir. Allah, ya onun uşağını əlindən alır, ya özünə bir xəstəlik verir, ya qəlbinə bir sıxıntı verir, ya da bütün bərəkətini qaçırır. "Ey Rəbbim Sənə həmd olsun" de, "necə də gözəl yaratdın" de. "Sənin təcəllindir" de.

İncilin gözəl tərəfi, sevgidən çox bəhs edilməsidir. Məhəbbətdən, dostluqdan, əfv etməkdən, qardaşlıqdan çox bəhs edilir. Bu cəhətinə görə çox hüzur vericidir. Çox ürək açandır.

Ənənəvi Ortodoks müsəlmanlar sevgidən bəhs etməzlər. Bu bir möcüzədir. Qətiyyən bəhs etmirlər. Kainatın yaradılma məqsədi olan bir gözəlliyi ağızlarına belə almırlar.

Biliyin sahibi Allahdır. Allah bizə biliyi istədiyi qədər verir. Sevginin sahibi də Allahdır. Allahın istədiyi qədər sevilərik. Təcəllinin sahibi də Allahdır. Biz bir insanı sevdiyimizdə Allahın təcəllisini sevərik.

Bir qadınla bir kişinin yaxınlaşması üçün müəyyən şərtlər vardır. Birincisi, qadın həmin kişini çox sevməlidir, ona hörmət etməli, dəyər verməli, güvənməlidir. Halalı kimi görməlidir, qəlbində ona qarşı istək olmalıdır. Ancaq o zaman Allah bir məmnuniyyət duyğusu verər. Yoxsa it kimi bir qadının ətinə, sümüyünə hücum etmək çox alçaq bir hərəkətdir.

Bir qadın sevmədiyi halda, tələbi olmadığı halda, qəlbində bir məhəbbət bəsləmədiyi halda, onu cinsi əlaqəyə girməyə məcbur etmək bilavasitə şəxsiyyətsizlik, əxlaqsızlıq və alçaqlıqdır.

Sevgi, gözəllik, incəsənət həyatın məqsədidir. Bunlar yoxdursa, sən niyə körpü inşa edirsən, niyə quruda və dənizdə çayların, kanalların altından keçən tunel inşa edirsən? Bunların hamısı boş şey olar. Sevginin olması üçün, sevgini bəsləyən, incəsənət və estetikaya da çox əhəmiyyət verilməlidir.

Sevgi təhsili verilməlidir. Sevgi dünyanın əsas həyat mənbəyidir. Sevgi yoxdursa, həyat da yoxdur.

Bir insan nə qədər sevimli olsa belə, Allah sevdirmədikdən sonra sevilməz. İnsanı sevimli edən də, sevdirən də Allahdır.

Allah sevgidir. Allah Təala qullarını sevər, qullarının da Özünü sevməsini istəyər.

İçimiz, çölümüz və qəlbimiz sevgiylə doludur. Dünyanı xilas edəcək şey də sevgidir. Allah sevgini istəyir. Quran əvvəldən axıracan sevgini izah edir. Quran sevginin kitabıdır.

Əgər şövqlü sevgi varsa, şövqlü iman da vardır. Əgər insan qadını şövqlə sevirsə, bilin ki, o, iman şövqünə də sahibdir. Bu, onun əlamətidir.

Böyük olan, uca olan Allahdır, insan böyük olmaz. İnsan aciz bir varlıqdır, zavallıdır. Müvəqqəti, görüntü olan varlığın nəyə gücü çatar?

İnsan nəticədə ətdən, sümükdən əmələ gəlmiş bir varlığın görünüşüdür. Eqoistlik, təkəbbürlülük edəcək halı yoxdur. Bunu edən üçün çox böyük zəiflik olar. Bir məntiqi də yoxdur. Böyük olan Allahdır. Allahın yanında insan heç nədir.

Böyüklük Allaha yaraşar, biz əzəmətdən Allaha sığınarıq.

Allahın böyüklüyünü insanlara unutdurmaq və siz, haşa, Allahdan daha böyüksünüz təlqini vermək üçün şüur altı manipulyasiya tətbiq edilir.

Dünyanı qürur, təkəbbür bürümüşdür. Hər kəs, hər ölkə özünün böyük olduğu iddiasındadır. Halbuki böyük olan yalnız Allahdır.

Allah çox böyükdür. İnsanların bir hissəsinin Allahı heç düşünmədən yaşaması çox təəccübləndirici haldır. Bunu anlamaq qeyri-mümkündür.

Allah sonsuz gözəl varlıqdır. Dəyərinin ən çox bilinməli, ən çox sevilməli olan varlıq Odur. İnsanların böyük əksəriyyəti çox nankordur, bu nankorluğa necə sahib olduqları çox təəccübləndirici haldır. İnsanların Allahın dəyərini bilməmələri çox ibrətamizdir.

Bütün güc, qüdrət Allahın əlindədir. İNSANLARIN BİR QİSMİ MADDƏNİ VƏ HADİSƏLƏRİ ALLAHIN İDARƏ ETMƏDİYİNİ ZƏNN ETDİKLƏRİ ÜÇÜN BƏLAYA QAPI AÇILIR, BƏLA YOL TAPIB GƏLİR.

Sonsuz gücün idarəsində olmaq necədə gözəldir. Ağılın, ruhun, bədənin sağlamlığı üçün də bu çox gözəl həqiqətdir. Necədə gözəl, sonsuz bir ağılın idarəsindəsən və ONA əmanətsən.

Bütün güc, qüvvət Allahındır: Allah söylətdirər, Allah istiqamətləndirər. Biz insanları bütləşdirmərik. Allah böyükdür, insanlar aciz varlıqlardır, Allahın zavallı qullarıdır.

Sonsuzluq, Allahın qüdrətinin və gücünün ən böyük dəlillərindən biridir.

Quranda tələb olunan şeylər çox azdır. Namaz çox qısa şəkildə izah olunmuşdur, oruc qısa şəkildə izah olunmuşdur, zəkat qısa şəkildə izah olunmuşdur. Mərhəmətli olun, şəfqətli olun, yalan danışmayın, dürüst olun. Yaxşı niyyətli olun, bir-birinizi sevin. Allahı çox sevin. Bir-birinizə kömək edin, mal-dövlət yığma hərisliyiniz olmasın; mal-dövlət Allahındır. Çox qısadır. Bunlardan başqa həmişə kafirlərin törətdikləri pis əməllər, küfr əhlinin, azğınların, dəlalət əhlinin ədəbsizlikləri və bunlara verilən cavablar vardır.