Adnan Oktar 14 İyul 2011; A9 TV, Samsun Aks TV

Münafiqin əxlaqsızlığa başlaması ilə Müsəlmanın ibadəti başlayır. Münafiq hücumunu dayandırana qədər müsəlman minlərlə savab qazanmağa başlayır . O zaman Günəş doğulmuş olur, o ibadətin vaxtı da keçmiş olur.

Münafiqin hökmü çox ağırdır. Axirətdə dinsiz belə münafiqdən üstün təbəqədədir.

Münafiqlər Quran oxunduğunda qaçmağa yer axtarırlar. Allah ayədə, "Nifrətlə geri dönərlər" deyir. Amma boş bir söz eşitdiklərində gəlirlər, münafiqin xüsusiyyətidir.

Münafiq öz ağlına görə məntiq oyunları qurar. Məntiqlə yaxınlaşar, özünü təqvalı və hər cəhətdən üstün göstərməyə çalışar. Möminləri də hər cəhətdən özündən pis göstərməyə çalışar.

Münafiqdə alçaqlıq kompleksi vardır. Möminlərə qarşı özünü böyük göstərmə əzmində olar.

Münafiq mütləq münafiqin yanına getmək istəyər. Onu maqnit kimi çəkər. Möminin yanında münafiq yanar. Münafiqlərin yanına getmək üçün şiddətli, coşğulu istək duyarlar. Oraya getdiyində oranı məkan seçər, ora onun cəhənnəmidir. Oradan artıq möminləri izləməyə başlayar.

Münafiqlər gizli yerlərdə plan qurarlar. Şeytanla əlaqəyə girər. Ona görə münafiqlər həmişə yalnızlığı seçərlər. Yalnız olmaq, tək qalmaq istəyərlər. Şeytanla o əlaqənin pozulmasını istəməz.

Münafiqlər şeytanla əlaqə qurub ondan məlumat alar. Şeytan ona: "onu et, bunu et, belə pislik et, belə əxlaqsızlıq et, belə fitnə çıxar"― deyə, ona tək olarkən ağıl verər. Möminlərin yanında Allahdan bəhs edildiyi üçün orada diqqəti yayınar.

Münafiqin Quranı dinləməyə dözümü olmaz. Çox sıxılar, boğular. Müsəlmandan da sıxılar. Çünki müsəlmanın üzündəki aydınlıq onu boğar. Müsəlmanları görərkən Allahı xatırlayar, sıxılar.

Münafiq müstəqil bir şey edə bilməz. Məsələn, Allah onlara Drar məscidini qurdurur. Münafiqi Allah yaradır. Müsəlman savab qazansın deyə yaradılır.

Münafiq boş-boş danışar. Allahdan heç bəhs etmək istəməz. Münafiqin xüsusiyyətidir. Allahdan bəhs etdiyində içi yanar. Onlar həmişə nümunələrlə danışmağa çalışarlar. Yəni insanlardan, ətrafdan nümunə gətirər. Misallarla danışmaq münafiqin əsas xüsusiyyətidir.

Münafiqlərin baxışında pozğunluq vardır. Yəni nifrətini bir pərdə ilə gizlətməyə çalışar. Buna görə də münafiqin baxışı donuq olar. Amma gizlətsə də, başa düşülür.

Münafiqlərə Allah bir müddət zaman verər. Məsələn, onlar sağlam kimi görünər, halbuki, Allah deyir ki: "Mən onları addım-addım bəlaya yaxınlaşdırıram". Hər il, hər ay onlar bəlaya doğru yaxınlaşırlar.

Münafiq həmişə intiqam almağa çalışar. Gah sözü ilə intiqam almaq istəyər, gah gözü ilə, gah da əxlaqsızlığı ilə müsəlmanları narahat etmək istəyər, onların rahatlığını pozmaq, başını bəlaya salmaq istəyər, amma bunları təqva görünüşündə edər.

Münafiqlərin gözlərində nifrət olar, yəni pis bir enerjisi olar. O, nifrəti gizlətmək istəyər, amma bacarmaz.

Münafiqin ən böyük idealı müsəlmanlardan tez bir zamanda ayrılmaqdır. Çünki uzaqdan vurmaq üçün mənzil qazanması lazımdır. Amma ayrılarkən də təbii, ilk hücumunu müsəlmanların anlayacağı bir tərzdə etməz. Anlamayacağı şəkildə etməyə çalışar. Özünü müsəlman, mömin kimi tanıdaraq ayrılmaq meylindədir.

Münafiq küfrdə qüvvəyə, şərəfə sahib olacağam deyə yanıb alovlanar. Amma küfrə də getdiyində, küfr onu yandırıb yaxar. Yandıqca küfrə girər, küfrə girdikcə yanar. Bu bir-biriylə daima yarışan bir sistem olar. Və onu udar bitirər. Ta ki cəhənnəmin ortasına aparana qədər.

Münafiqlər, əsas qüvvə həmişə kənarda deyə düşünər. Amma müsəlmanda da bir az qüvvəni görsə, o zaman bir heyranlıq duymağa başlayar. Onun üçün, Peyğəmbərimiz (s.ə.v) həmişə qüvvə, güc göstərmişdir. O zaman münafiqlər də baş əydilər. Bu müsəlmanın vəsfidir.

PKK bir tərəfdən qudurur, münafiqlər bir tərəfdən qudurur, kafirlər də başqa bir tərəfdən qudurur. Hər cür alçaqlığı etməyə çalışırlar. Müsəlmanlar çox təmkinli, ağıllı hərəkət etməlidirlər. Hər bir hadisəni Allahın yaratmış olduğunu bilməlidirlər. Hamısında bir xeyir görüb, gözəl bir səbirlə, ağıllı surətdə Qurana görə hərəkət etməklə qarşılıq verməlidirlər.

Münafiq mömin cəmiyyətin kiridir. Necə ki, mömin yuyunduqda kir ondan gedir, duş qəbul etdikdən sonra tərtəmiz olur. Sabunla yuyursan kir gedir, sağlam olursan. Sən: "Niyə murdarlıq yox olub gedir?" deyirsən. Mömin təmizdir, murdar yaşamaz. Murdarlığı yuyar, murdarlıq gedər, münafiq gedər, geriyə nur kimi möminlər qalar.

Münafiqin faydası olduqca böyükdür. Müsəlmanın şövqünü, həyəcanı artırar. Mübarizə əzmini artırar. Dünyagörüşünü və diqqətini açar. Əgər daxilində halsızlıq, yorğunluq varsa, onu yox edər. Daha çevik, daha istəkli olar.

Münafiq son anadək öz əxlaqsızlığını qəbul etməz. Axirətdə də qəbul etmir. Boşboğazlıq edir, bu dəfə isə, Allah danışığını kəsir. Allah dil gücünü yox edir.

Münafiqlər Peyğəmbər (s.ə.v)-ə: "Evlərimiz nəzarətsiz qalıb" deyiblər. Nəzarətsiz qalıb da nə deməkdir? "Evdə oturan uşaqlarımız var, onların təhsili var, onlarla məşğul olmalıyıq. Xanımlarımıza yemək aparmalıyıq, onlarla maraqlanmalıyıq. Dükan da nəzarətsiz qalıb" deyir. "Ticarət yarımçıq qaldı, onunla məşğul olacağıq" deyir. Qardaşım, elədir də, müsəlmanları boğub-öldürürlər, şəhid edirlər. Sənin dükanın əhəmiyyətlidir, yoxsa bu?

Bəzən mömin münafiqə çox bənzəyər, lakin münafiq olmaz, müvəqqəti xəstəliyə tutulmuş olar. Onu bu xəstəlikdən xilas etdikdə, o normal müsəlman olaraq davam edər. Lakin bu müalicə münafiqə tətbiq edildikdə (burada çox böyük təhlükə var) eynilə o da xilas olmuş kimi görünər, lakin gizlində münafiqliyə davam edər.

Münafiqin bir xüsusiyyəti də müsəlmanı narahat etmək istəməsidir. Bacardığım qədər zərər verim düşüncəsində olur. Sözüylə narahat etmək istəyər, rahatlığını pozmaq istəyər, pislik edəcəyini nəzərdə tutar. Kiçik, balaca bir zərər yaratmaq belə, onun üçün çox əhəmiyyətlidir. Halbuki öz aləmində verdiyi zərər müsəlmana hər dəfə savab, ona isə bəla qazandırar.