Adnan Oktar A9 TV; 29 oktyabr 2013

Allaha dua et: "Ya Rəbbi, imanımı gücləndir. Sənə olan sevgimi artır" de. Elmi məlumat alarkən, öyrənərkən sıxılma, yorulma.

Ev söhbətlərində dua etmək çox əhəmiyyətli bir məsələdir. Bir qardaşımızın dua etməsi, digərlərinin də ''Amin'' demələri lazımdır. Hər gün ya bizim kitablardan, ya da Qurandan ayə oxuyub, iman həqiqəti izah edib bunu yeniləmək lazımdır.

Allahı təriflədikcə, öydükcə, Allaha dua etdikcə ağıl durular, insanın beynindəki təzyiq aradan qalxar. Əks halda beyin keyiyər, qapanar. Ağıl gedər, insan dəli olar.

İnsanın qolu ağrıyanda narahat olur. Dərhal dərmana əl atır. Bəs niyə dua etmirsən? Dua et, dərman vəsilədir, şəfanı dərman deyil, Allah verər və dərmanı vəsilə edər. Hər bir insan dərmanı Allahın yaratdığını bilməli, dərmanı feli dua olaraq istifadə etdiyini bilməli, dua etməlidir.

Dua Allah ilə əlaqə qurmaqdır. Ona görə də Allah Quranda duaya xüsusilə diqqət çəkir. Allah bəndələrinin Ona dua etməsini bəyənir, sevir. Çünki onunla bağlantı olur. Xristianlar da bu sirri bilib, dadını çıxarmışlar. Allah duaları qəbul edəndir. Bu çox əhəmiyyətli bir mövzudur.

Müsəlman ''Ya Rəbbim, mənə sonsuz sevgi, sonsuz səmimiyyət ver'' deyəcək. Eşqin sonu yoxdur. Çünki bura imtahan, yarış yeridir. Allah Quranda ''önə keçənlər'' deyir. Önə keçmək nə deməkdir? Təqvada önə keçmək, cəhd etmək, Allahın sevgisini qazanmaqdır.

Dua səmimi edilməlidir. Bunu xüsusi olaraq fikrini cəlb etməklə, səmimiyyət ruhu ilə əldə etmək lazımdır. Bir də çox uzun dua deyil, köklü, dərin və səmimi dua çox əhəmiyyətlidir. Səmimi olması lazımdır, inşaAllah.

Baş nazirimizin ağzından nur axır, dua əksik olmur, həmişə xeyir sözlər çıxır, maşaAllah.

Qardaşlarımız kommunistlərə qarşı çox şəfqətli olsunlar. Onsuz da bir fəlakətin içinə düşüblər, yəni mərhəmətsiz davranmaq, nifrət etmək olmaz. Mərhəmətlə, şəfqətlə yaxınlaşmaq lazımdır. Xilas olmaları üçün dua edib, mehriban tərzdə İslamı, Quranı sevmələri üçün cəhd göstərmək lazımdır.

Səbəbə sarılmadan dua etməzlər. "Namaz qılacağam" deyib, oturmaq olmaz. "Allahım, mənə namaz qıldır" deyərək nəyisə oturub gözləsən, elə orada da qalarsan. Qalxıb feli, əməli dua ilə namazını qılacaqsan. Sənin orada hərəkət edib zəhmət çəkməyin feli duadır.

Baş nazirimizi həm feli dua ilə, həm də sözlü dua ilə dəstəkləyək, gücləndirək. Bu, xarici güclərə qarşı da təsirli olar. Baş nazirin tək olmadığını, arxasında 70 milyon imanlı insan dəstəyinin olduğunu bilməklərində fayda var.

Dua hər gün olacaq. Cənab Allaha dua etmək çox zövqlüdür. Sevinc verər, rahatlıqdır dua. Böyük nemətlərdən biridir.

Polisimizin əhvalını yüksəldəcək şəkildə hərəkət etmək, onlara dua etmək, şəfqət göstərmək çox gözəl olar.

Bütün məsələ dostluqda və sevgidədir. Düşmənçiliklərin qalxması, bu da ancaq Mehdiyyətlə olar. Ancaq Kral Məsihin gəlişi ilə olar. Bunun üçün Allaha yalvarmaq və dua etmək lazımdır.

İsraildə Moşiyah, yəni Mehdi (ə.s) üçün geniş miqyaslı dua edildi. Bu çox gözəldir, maşAllah. Fələstində də müsəlmanlar toplanıb, "Ya Rəbbim bizə Mehdi (ə.s)-ı göndər" deyə dua etsinlər. Həm İsraildə, həm də Fələstində, "Ya Rəbbim, bütün bölgəni sülh dənizi et" deyə dua etsinlər.

İsraildə də Moşiyahı xalq, dindarlar böyük bir coşğu ilə Allahdan istəmələri lazımdır. Küçələrdə dua etmələri lazımdır. Eşidilsin, "Ya Rəbbim, bizə Moşiyahı göstər" deyə.

İsraildə xalq Allaha dua etsin. Allahdan Kral Məsihi istəsinlər. Ravvinlər də, "Ya Rəbbim, bizə Kral Məsihi göstər" deyə dua etsinlər.

Peyğəmbər duaları qəbul edilən dualardır. İsa Məsih, Allahın ilhamı ilə dua etsə qasırğa olar. Dua etsə zəlzələ olar. İsa Məsihin xüsusiyyətidir o. Bilinməyən bir xüsusiyyətidir. Duası dərhal qəbul olar.

Dua edək, Allah Mehdi (ə.s) və İsa Məsih (ə.s)-ı tezliklə üzə çıxarsın, inşaAllah.

Dua qədəri dəyişdirmir. Dua da qədərə daxildir, amma bəzən Allah duanı qədər daxilində bir gözəllik üçün saxlayar. Əvvəl duanı etdirər, sonra şəfanı verər. Yəni dua ilə şəfa birlikdə yaradılır.

Qardaş və bacılarımız dünyanın hər yerində Mustafa Sungur Ağabəyimizə adı ilə dua etsinlər. Dualarında Ağabəyimizin dilinin açılmasını və sətəlcəm xəstəliyinin sağalmasını Rəbbimizdən istəsinlər.

Dua etməkdə, Allah əsirgəsin, tənbəllik olmamalıdır. Yəni "dünən dua etdim, kifayətdir" , belə olmamalıdır. Dayanmadan dua etmək lazımdır.

Buddistlərlə müsəlmanların hər hansı mövzuda ittifaqında fayda vardır. Şəfqətli olsunlar, onlar üçün dua etsinlər .

Biri xəstə olduqda onu həkimə aparmaq fərzdir. Müalicə imkanı varsa müsəlmanın da həkimi qəbul etməsi fərzdir. Şəfanı qəbul etmək Allahın əmrinə uyğun hərəkət etmək, Qurana uyğun hərəkət etməkdir. Həkimi qəbul etmək Allaha şəfa üçün dua etmək və ibadətdir.

Müsəlmanların gözəl evləri, möhtəşəm yeməkləri, ətraf mühiti gözəl, cazibədar qadınları vardır. Digər qadınlar da cazibədardır. Hz. Yusif: "Mən həbsxananı istəyirəm, harama girmək istəmirəm, Ya Rəbbi" ―deyə Allaha dua edir.