Adnan Oktar A9 TV; 6 yanvar 2016

Mömin həmişə dürüstlüklə, səmimiyyətlə, yaxşı niyyətlə, təvazökarlıq, məzlumluq və həlim xasiyyətlə, yəni həlimlik və itaətkarlıqla yaşayar. Münafiq tam əksidir. Üsyankar, asi və anarxist ruhludur.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Gənclərin çox böyük hissəsi asiliyə, ədabazlığa qibtə edir. Bu cür olmaz. Hörmətkar, həlim, təmiz olmalıdır. Qəlbə, ruha bunlar rahatlıq bəxş edər. Ədabazlıq, inadkarlıqlar, asilik, anarxist düşüncə, bunlar çirkin və xoşagəlməz şeylərdir, çox narahat edicidir.

İslamı yaxşı tanıyan biri həlim olmağın gözəlliyini bilər. Hz. İsa Məsih həlimdi. Hz. İbrahim (ə.s) həlimdi, Allah həlimliyini tərifləmişdir. Yəhya (ə.s) həlim övlad idi. Peyğəmbərimiz Rəsulullah (s.ə.v) həlim insan idi. Mömin həlim olmalıdır.

Çoxbilmişlik, hər şeyə etiraz etmək, tərslik münafiqlərin təməl xüsusiyyətidir. Müsəlmanlarda da həlimlik, Allaha itaətkarlıq, daxili rahatlıq hakimdir.

Kainatın mövcud olma məqsədi sevgidir. Sevgi də, Allahın rizasına tabe olmaqla və səmimiyyətlə olar.

Qurana çox möhkəm sarılan möminin içinə qapanması, bədbəxt olma vəziyyəti olmaz.

Qadının bəyənilməsi cinayət halına gətirildikdə, insanlardakı gözəl olma və gözəlliyi axtarma hissi aradan qalxar, fitrət pozular.

Münafiq zahirən murdardır, lakin batini cəhətdən hər zaman müsəlmanların və İslamın xidmətindədir. Münafiq həmlələri müsəlmanların şövqünü artırar, daha gözəl, daha güclü, daha bərəkətli olma əzmlərini yüksəldər və ən çox müsəlmanların birlik olmalarını möhkəmləndirər.

Kompleks quruluşlu bir şey yoxdur, dünyada qısa bir imtahan dövrü var. Əslində hər kəs yaxşı və gözəl olmağa qadirdir, gözəl xasiyyətli olmaq qabiliyyətindədir. Allahın varlığı açıq-aşkar görülür, çox aşkardır.

QURAN SEVGİNİN TƏMƏLİNİ MÜKƏMMƏL ŞƏKİLDƏ QOYAR. YƏNİ TÖVRAT VƏ İNCİLdə DƏ SEVGİ VARDIR. LAKİN ONLARDAN FƏRQLİ OLARAQ QURAN SEVGİNİN ZƏMİNİNİ, AĞILIN ZƏMİNİNİ ƏN MÜKƏMMƏL ŞƏKİLDƏ YERİDƏR. Çünki DURDUĞUN YERDƏ HEÇ NƏDƏN sevgi YARANMAZ. QURAN SEVGİNİN NECƏ YARANACAĞINI, HƏR BAXIMDAN, DƏQİQ ŞƏKİLDƏ İZAH EDİR. Məsələn, doğru sözlü olmaq, səbirli olmaq, münafiqlikdən qaçmaq, cəsur olmaq, fədakar olmaq. Bunlar yarandıqca, sevgi meydana gələr.

Təvazökar olmaq müsəlmanı bezdirməz, eləcə də, alçaldıcı bir şey deyil. Müsəlman qürurunu düşünəcək vəziyyətdə deyildir, İslamın xeyrini düşünəcək vəziyyətdədir.

Müsəlman ağılsız insan ilə ağılsız ola bilməz, dəli ilə dəli ola bilməz, anormal insanla anormal ola bilməz, kinli ilə kinli ola bilməz, qəzəbli ilə qəzəbli ola bilməz. Ağıllı düşünməlidir. Həmişə Allah ilə birlikdə olduğunu bilməlidir. Çünki qarşısındakı insana anormal hərəkətləri etdirən də Allahdır. Buna görə həmin insan müstəqil hərəkət etmir ki, mömin təlaşa qapılsın.

Allah bizim İslamdan bəhs edərkən və onu yayarkən orta səviyyəli ağıla sahib olmağımızı istəmir. Çox yüksək səviyyəli ağıla sahib olmağımızı istəyir. İslam orta səviyyəli ağılla yayılacaq deyil. Çünki İslam əleyhdarlarının bir hissəsi, müxtəlif fəlsəfələri müdafiə edərək və iddialı həmrəyliklə müsəlmanlarla mübarizə aparırlar.

Ənənəvi Ortodoks sistem, Allah adına nə qədər təzyiq göstərilsə, Allaha bir o qədər yaxınlaşılacağına inanır. Halbuki insan Allaha yaxınlaşmadığı kimi, həm Allahdan və dindən uzaqlaşar, həm də ağlını itirər.

Müasirlik zehni sağlamlaşdırar. Mövhumatçı bir sistemdə insanların beyni normal işləməz. Mühafizəkar bir mühitdə insanlar yarım dəli kimi olurlar. Baxın, bir çoxu ağlını itirmiş olur. Müasir cəmiyyətlərdə ağıl normal işləyər.

Biz çox müasir Avropalaşmış bir ölkə olmalıyıq. Hökumətin ən çox diqqət etməli olduğu məsələ budur. Müasir olmasaq elmdə və incəsənətdə inkişaf olmaz. Hərbi cəhətdən də gücümüz olmaz. Klassik Yaxın Şərq ölkəsi kimi olar və yavaş-yavaş çökərik.

Hökumət Türkiyəni müasirləşdirsin. Dövlətin bütün qurumları müasirləşsin. Xalqın müasirləşməsi üçün səy göstərilsin. Binalar, həyat, sistem hər şey müasir olsun. Başqa cür olduqda, çox böyük təhlükə olar.

Ən dəlisov, anormal kimi görünən hərəkətin belə yaradıcısı Allahdır. Bunu kimsə özü edə bilməz. Taledən kənar heç kəs nəsə edə bilməz. Bunun üçün hadisələrə mötədil, sabit və ağıllı baxmaq lazımdır.

Müsəlmana romantiklik və qəzəbli olmaq yaraşmaz. Çünki müsəlman həmişə Allah ilə birlikdə hərəkət edən varlıqdır. Həmişə ağıllı və düzgün düşünməlidir. Çox qorxunc görünən hadisəni belə Allahın yaratdığını unutmamalıdır.

Gələcək qorxusu haramdır, müsəlman bu cür düşünməməlidir. Hər anımızı Allah yaradar. Sənin aldığın bütün tədbirlər başına bəla olar. Misal üçün pul yığarsan, xərçəng xəstəliyinin müalicəsinə gedər o pul, yaxud müəyyən yolla əlindən çıxar. Ev alarsan, Allah başına uçurdar. Belə şeylərə güvənmək olmaz, təkcə Allaha güvənmək olar. Bu çox yanlışdır, həm də, Allah bunu xoşlamaz.

Müsəlman gələcək qorxusunu mütləq şəkildə tərk etməlidir. Sən Allaha güvənmirsən amma evinə güvənirsən, puluna güvənirsən. Allah həlak edər insanı. Allah bəla verdikdən sonra pulun olsa da nə faydası olar? Bu cür olmaz. Heç kim acından ölməmişdir. Bu günə qədər Allaha güvənən heç bir insana heç nə olmamışdır.

Sən Allaha etibar etmirsənsə, Allah da sənin qarşına etibar edəcəyin insan çıxartmaz. Hamısını başına bəla edər. Sən Allaha qarşı mübarizə aparsan, bu zaman Allah da səninlə mübarizə aparar. Sən Allahı gücsüz hesab etsən, Allah da bu zaman sənin qarşına da gücsüz insanlar çıxardar.

Bağışlayıcı olmaq Allahın çox bəyəndiyi xarakterdir. Çünki intiqam, ruha nəfsani zövq verər. Bağışlamaq çox çətindir. Yəni iradə tələb edir, ağıl tələb edir. Çünki insan bağışlamaqla məmnunluq hissinə çata bilməz. Lakin intiqam almaqla məmnun olar. Bunun üçün Allah bağışlamağı əsas götürür.

İnsan Allahın onu bağışlayacağına inanır, lakin özü bağışlamaq istəmir. Bu cür olmaz. Necə ki, Allahın bağışlayacağını bilirsə, özü də bağışlamağı bacarmalıdır.