Adnan Oktar A9 TV; 28 aprel 2016

Qadın cazibədar, baxımlı, cəlbedici, lakin çox iffətli olmalıdır. Cazibədar olmaq haram deyil. Haram olan iffətsizlikdir.

Homoseksuallıq fitrətə tamamilə tərs və iyrənc azğınlıqdır. Allah nikahlı olmaqla qadınları halal etmişdir. Gözəllik və nemət budur.

İslamda tam azadlıq vardır. Sadəcə halallar və haramlar var, bu qədər. İnsanlar bunun içində mümkün qədər sərbəstdir. Yəni İslamda cəmiyyət təzyiqi yoxdur.

Peyğəmbərimiz (s.ə.v) ölən birinin ardından yas tutmağı haram etmişdir. Təvəkkül etməmək, Allahın etdiyinə razı olmamaq haramdır.

Kişilər arası əlaqə əbədiyyən haramdır. Dünyanın ən başından etibarən həmişə haram olmuşdur və sonsuza qədər də haram olacaq. Allah belə bir çirkinliyi əsla qəbul etmir.

Biz Allahdan razıyıq. Allahın etdiyi hər şeyi hikmətlə və gözəl etdiyinə inanırıq. Şəhidlərimizlə də fəxr edirik. Yas tutmuruq, matəmə girmirik. Bunun da şirk olduğunu bilirik. Heç kim, bizi belə çirkin günaha, harama dəvət etməsin.

Yas tutmaq Qədim Şumerlərin, Akkadların, Xetlərin, bütpərəst qövmlərin, Qədim Misirin tətbiqidir, Quranda bir çox ayə və hədislərlə qadağan edilmişdir. Allaha təvəkkül etməyə zidd davranışdır.

İslamı yaşana bilməyəcək hala gətirdikdə bunu qəhrəmanlıq zənn edir. Haramların çox olmasını istəyir. Öz meydana gətirdiyi haramlara da tabe olmur. Yoxsa "hər şey halal olar" deyir. Qardaşım, hər şey halaldır, doğru. Çox az haram var. İslamda belə çətinlik yoxdur. Namazlar da olduqca asandır. Dini çətinləşdirib məhv edirlər.

Allah "kədərlənmə" deyir. Tövsiyə zənn edirlər, fərz hökmdür bu. "Qorxma" fərz hökmdür, möhkəm hökmdür. Açıq əmrdir; "qorxma". Buna görə də müsəlman; kədərlənmək, üzülmək, bunlardan qaçmalıdır. Haramdır bunlar, təvəkküllü müsəlmanın edəcəyi şey deyil.

Musiqi də, rəqs də olmalıdır. Əyləncə olmalıdır. Dinə süni şəkildə haramlar daxil etməyin, əlavə qadağalar çıxartmayın. Bu zaman İslam bütün dünyaya hakim olacaq.

Günahsız yəhudiyə nifrət etmək haramdır. Lakin günah işləmiş, zülm etmiş olan vardırsa, onun şəxsinə nifrət edə bilərsən. Cinayət törədibsə qanun və hüquq normaları çərçivəsində mübarizə apar. Lakin bütün İsrail millətini qarşına alırsan, bu haramdır. İslama uyğun bir şey deyil.

Gələcək qorxusu haramdır, müsəlman bu cür düşünməməlidir. Hər anımızı Allah yaradar. Sənin aldığın bütün tədbirlər başına bəla olar. Misal üçün pul yığarsan, xərçəng xəstəliyinin müalicəsinə gedər o pul, yaxud müəyyən yolla əlindən çıxar. Ev alarsan, Allah başına uçurdar. Belə şeylərə güvənmək olmaz, təkcə Allaha güvənmək olar. Bu çox yanlışdır, həm də, Allah bunu xoşlamaz.

Harada bir məzlum öldürülsə bu haramdır. Əhli kitabdan da, müsəlmanlardan da heç fərq etməz. Hamısı cinayətdir.

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.

Biz Qurana tam tabe olduğumuz üçün, halala və harama çox diqqət yetirdiyimiz üçün hər istiqamətiylə İslamın işıqlı üzüyük.

Gözəl olan hər şeyi əsas götürən, nəzakətli və keyfiyyətli olanı tələb edən, demokrat, harama və halala diqqət yetirən, dünyəvi, ziyalı, müasir bir cəmiyyətik.

Əbdülhəmid dövründə rakı, pivə, şərab zavodları açılmasının heç bir məntiqli açıqlaması yoxdur. Xəlifə olan insan belə şey edə bilməz. Müsəlman Quranın haram etdiyi bir şeyi əsla təşviq edə bilməz və buna zəmin hazırlaya bilməz. Şərab zəhərdir. Bir müsəlman zəhəri heç kimə sata bilməz. Əbdülhəmid qeyri müsəlmanlar üçün şərab zavodu açdı, demək məntiqsiz müdafiədir.

İslamdan, Qurandan, müsəlmanlardan uzaq olduğun hər vaxt, hər saniyə əleyhinə günah yazılır. O hər saniyənin hesabını verəcəksən. İslamdan uzaq, Qurandan uzaq, müsəlmanlardan uzaq yaşamaq haramdır. Sən bunu əhəmiyyətsiz bir şey hesab edirsən, lakin bu hər saniyəyə axirətdə izah edəcəksən.

Homoseksuallıq Qurana, Tövrata və İncilə görə haram olan hərəkətdir. Müsəlman haram olan mövzunun murdarlığından bəhs etməklə məsuldur.

Homoseksuallıq Qurana görə "lənətlənmiş hərəkətdir, həyasızlıqdır, utanmazlıqdır". Belə murdarlığa "sevgi" deyilməsi çox çirkin olar. Hər müsəlman Qurana görə homoseksuallığın iyrənc murdarlıq və haram olduğunu izah etməklə məsuldur.

İsraf haramdır. Mömin israf etməkdən şiddətlə qaçmalıdır.

Zorla niyə çətinlik istəyirsən? İslamda musiqi var, şəkil də var. Əylənərsən, gülərsən, oynayarsan, namazını da qılarsan, gəzərsən, üzərsən. Həyatı öldürərək müsəlmanlıq olarmı? Bütün halalları haram edirsən. Allah sənə onları nemət kimi vermişdir, sən Allahın o nemətlərini yox edərək, Allahın dininə qarşı mübarizə aparmış olursan.

Axırzaman elə şiddətli dövrdür ki, haram hökmlər, sanki Allahın hökmüymüş kimi Allahın adı çəkilərək yerinə yetirilir. Homoseksuallıq haramdır, lakin nikah bağlayır, Allahın adını zikr edərək əlaqə qurur. Şərab haramdır, lakin şərab içib Allaha şükür edir. Məhz bütün bu azğınlıqlar Axırzamanın nə qədər şiddətli olduğunu göstərir. Bu, küfrün dinə qarşı meydana gətirdiyi gizlin lağ sistemidir.

Quranın hansı yerində musiqinin haram olduğuna dair ayə var? Şəkilin haram olduğuna dair harada ayə var? Bunu haradan çıxarırsan? Belə bir şey yoxdur. Buna görə, sən özünə bir cəhənnəm meydana gətirmisən. Halalı haram etmisən və axirətdə də gözəl qarşılıq alacağına ümid edirsən. Allah səni cəhənnəmdən qorusun. Allah adından hökm vermək şirkdir.

Musiqi halaldır, şəkil halaldır, əyləncə halaldır, heykəl halaldır. Yəni halalların həddi-hüdudu yoxdur. Haramlar Quranda müxtəsər, qısa şəkildə ifadə edilmişdir. Haramlar çox azdır. Allah: "Bunlardan savayı yerdə qalanları sizə halal etdim'' deyir. Sən haradan öz-özünə haramlar çıxarırsan?