Adnan Oktar A9 TV; 23 noyabr 2016

Axırzaman elə şiddətli dövrdür ki, haram hökmlər, sanki Allahın hökmüymüş kimi Allahın adı çəkilərək yerinə yetirilir. Homoseksuallıq haramdır, lakin nikah bağlayır, Allahın adını zikr edərək əlaqə qurur. Şərab haramdır, lakin şərab içib Allaha şükür edir. Məhz bütün bu azğınlıqlar Axırzamanın nə qədər şiddətli olduğunu göstərir. Bu, küfrün dinə qarşı meydana gətirdiyi gizlin lağ sistemidir.

İsraf haramdır. Mömin israf etməkdən şiddətlə qaçmalıdır.

Homoseksuallıq Qurana görə "lənətlənmiş hərəkətdir, həyasızlıqdır, utanmazlıqdır". Belə murdarlığa "sevgi" deyilməsi çox çirkin olar. Hər müsəlman Qurana görə homoseksuallığın iyrənc murdarlıq və haram olduğunu izah etməklə məsuldur.

Homoseksuallıq Qurana, Tövrata və İncilə görə haram olan hərəkətdir. Müsəlman haram olan mövzunun murdarlığından bəhs etməklə məsuldur.

Müsəlman haram olan mövzuları gündəmə gətirər, lakin kimin necə yaşadığına qarışa bilməz. İnsanların nə zaman əylənəcəyinə, hinduşkanı nə zaman yeyəcəyinə heç kim qarışa bilməz. Qurana görə heç kimin belə haqqı yoxdur.

Ənənəvi İslam anlayışına görə həyat, sürünməklə sinonimdir. Gözəl olan hər şeyi haram ediblər, musiqi dinləmək, televiziyaya baxmaq haramdır. Dəccaliyyət bəzi müsəlmanları Quranda olmayan haramlar yaradaraq, oyuna saldı, biz bu oyunları puç etdik, puç etməyə də davam edəcəyik.

Qadınlara azadlıq verilməsə, halallar haram edilsə İslam Birliyi yaranmaz. Qadınların əzildiyi quruluşu Allah müvəffəq etməz. İslam Birliyinin açarı qadınlardır. Qadınların xoşbəxt və azad olduğu cəmiyyət yaradacağına söz versən Allah İslam Birliyini yaradar.

"Şahmat, nərd haramdır, qadınlar gülə bilməz, qadın hamilə olarkən çölə çıxa bilməz" deməklə, bilərəkdən və ya bilməyərəkdən insanları dindən soyudurlar. İnsanları İslamdan soyutmaq üçün tətbiq edilən hər üsula qarşı çox diqqətli olmaq lazımdır.

Dörd ayrı məzhəbin dörd ayrı haram və halalları var. Haram və halal təkcə Quranda bildiriləndir. Dörd ayrı din, dörd ayrı haram və halal olmaz.

Homoseksuallıq Allahın haram etdiyi iyrənclikdir. İnsanların inancının tələbi olaraq iyrəndiyi bir şeyi zorla qəbul etdirmək çox böyük zülmdür. Bu səbəbdən, kilsələrdə rahiblərə təzyiq göstərərək homoseksualları evləndirin demək, rahiblərin inancına zidd olan bir şeyi zorla qəbul etdirmək qəddarlıqdır. Homoseksuallığa qarşı olanları cəzalandırmaq zülmdür. Bir insanı inancına zidd bir şeyə sürükləmək ən təməl insan hüquqlarına ziddir.

Əbdülhəmid dövründə rakı, pivə, şərab zavodları açılmasının heç bir məntiqli açıqlaması yoxdur. Xəlifə olan insan belə şey edə bilməz. Müsəlman Quranın haram etdiyi bir şeyi əsla təşviq edə bilməz və buna zəmin hazırlaya bilməz. Şərab zəhərdir. Bir müsəlman zəhəri heç kimə sata bilməz. Əbdülhəmid qeyri müsəlmanlar üçün şərab zavodu açdı, demək məntiqsiz müdafiədir.

Gözəl olan hər şeyi əsas götürən, nəzakətli və keyfiyyətli olanı tələb edən, demokrat, harama və halala diqqət yetirən, dünyəvi, ziyalı, müasir bir cəmiyyətik.

Biz Qurana tam tabe olduğumuz üçün, halala və harama çox diqqət yetirdiyimiz üçün hər istiqamətiylə İslamın işıqlı üzüyük.

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.

Musiqinin haram olduğuna dair Quran ayəsi yoxdur. Mövhumatçılar eyham ilə hökm çıxarmaq istəyərlər, halbuki Quran çox açıqdır. Möhkəm ayələr aydındır.

İşarə ilə dindən hökm çıxarılmaz. O zaman o din İslam olmaz. Allah möhkəm ayələrlə haram və halalları bildirmişdir.

Peyğəmbərimiz (s.ə.v) dövründə məzhəblər yox idi. İndi 4 məzhəbin fərzləri, halalları və haramları ayrıdır, 4 ayrı din yaratmış vəziyyətdədirlər.

Döymə haram deyil. Dəri altına edilən bir əməliyyat olduğu üçün qüsl dəstəmazına mane olmaz.

Düşüncələrinə görə qədəhi, meyvə suyu şüşəsini, ətiri, hər şeyi haram edirlər. Halbuki Allah, yalan söyləyib halalı haram etməyin deyə buyurur. (Nəhl surəsi, 116: Dilinizin uydurduğu yalana əsasən buna halal, ona haramdır deməyin. Çünki Allaha qarşı yalan uydurmuş olursunuz. Şübhəsiz ki, Allaha qarşı yalan uyduranlar nicat tapmazlar.)

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Harada bir məzlum öldürülsə bu haramdır. Əhli kitabdan da, müsəlmanlardan da heç fərq etməz. Hamısı cinayətdir.

Bəzi insanlar təqdim edilən bir imkan olduqda ondan sonuna qədər istifadə etmək istəyirlər, bu nəzakətsiz davranışdır və israfdır. İsraf haram olar.

İçki haramdır. İçki açıq-aşkar zəhərdir. Zəhərlənmənin əyləndirici heç bir tərəfi yoxdur. Halal olsa belə içiləcək şey deyil.

Allah "kədərlənmə" deyir. Tövsiyə zənn edirlər, fərz hökmdür bu. "Qorxma" fərz hökmdür, möhkəm hökmdür. Açıq əmrdir; "qorxma". Buna görə də müsəlman; kədərlənmək, üzülmək, bunlardan qaçmalıdır. Haramdır bunlar, təvəkküllü müsəlmanın edəcəyi şey deyil.

Musiqi dinləyən, rəqs edən cəhənnəmə gedər anlayışı Quranda yoxdur. Bu anlayış dünyanı cəhənnəmə döndərir. Allahın halal etdiyi haram edilməz.