Adnan Oktar A9 TV; 11 fevral 2017

Allah bizim sevgilimizdir, biz Allahdan uzaq olmarıq. Harada olsaq, nə etsək də Allahı zikr edərik. İslam həyatdan kənar deyil.

Peyğəmbərimiz (s.ə.v): “Allahı elə çox zikr edin ki, insanlar sizə dəli desinlər” deyə buyurmuşdur. (Ahmed b. Hanbel, 3/68; Hâkim, 1/499)

Mən dini hər an yaşadığım üçün bəzi insanlar təəccüblənirlər, mən hər yerdə, hər zaman Allahdan bəhs edərəm.

Allahı sevmək və Allahı zikr etməkdən savayı qəlb rahatlıq tapmaz.

Allahın zikri və dua azaldığı zaman insanın özünə nəzarəti yavaş-yavaş itirdiyi çox qeyri-sabit ruh formalaşar.

Qurandakı Allahın hökmündən kənar hökm olmaz. Ən gözəl, ən doğru hökm Qurandadır. (Ənkəbut surəsi, 51: özlərinə oxunan Kitabı sənə nazil etməyimiz onlara kifayət etmirmi? Şübhəsiz ki, bunda iman gətirən qövm üçün həqiqətən rəhmət və öyüd (zikr) vardır.)

Dəccaliyyət hiyləgərcəsinə bir təbliğat aparır, bir çox insan bilmədən bu təbliğata vasitəçi olur. Dəccaliyyət Allahın zikr edilməməsini öyrədir.

Televole mədəniyyətində Allahı, vətəni, milləti, mənəviyyatı unudacaq və unutduracaq bir üslub hakim olur. Buna qarşı fikri tədbir alınmalıdır. Bu proqramlar müftəxor həyat anlayışı formalaşdırır. Bəziləri onları bəsləsin, onlar da heç səy göstərməsinlər. Allahdan, dindən heç bəhs edilməsin, bomboş bir dünya olsun anlayışı hakim olur. Bu anlayış vətən, millət üçün ciddi təxribatdır.

Bir insan, qəlbinin Allahın zikriylə mutmain (rahat) olacağına inanmırsa, nə etsə də sıxıntı onu boğar, tək qurtuluş Allahın zikriylədir.

Allah hər yerdədir. Hər yerdə Allah zikr edilər. İnsanların dindən uzaq olmasını istəyənlər, Allah ancaq bəzi yerlərdə zikr edilər deyirlər.

Allahı çox sevsək, yeganə eşqimiz olan Allahı çox zikr etsək, Ona çox yaxın olsaq Allah bizə həmişə doğru yolu göstərər.

Dünya həyatının əyləncəsini seçib müsəlmanları və müsəlmanlarla birlikdə Allah üçün səy göstərməyi tərk etmək qəti şəkildə haramdır. (Kəhf surəsi, 28: Sən də səhər-axşam Onun rizasını diləyərək Rəbbinə dua edənlərlə birlikdə səbir et. Dünya həyatının (aldadıcı) bəzəyini istəyərək gözlərini onlardan uzaqlaşdırma. Qəlbini Bizi zikr etməkdən qəflətə saldığımız, öz “istək və ehtiraslarına (nəfsinə)” tabe olan və işində ifrata varana itaət etmə.)

Allah hər dəfə zikr edildikdə qəlb fərəhlənər. Allahu-Əkbər deyərsən, sonsuz böyük gücün himayəsi altında olduğunu görüb beynin hüzurlu olar, gündəlik bütün dərdlərindən xilas olarsan. Allahı böyük adı ilə zikr etdiyin zaman dərdlər üzərindən gedər, Allahın böyük olduğunu unutduğun zaman dərdlər üzərinə yüklənər. SübhənAllah deyərsən, Allahın bütün qüsur və nöqsanlardan uzaq olduğunu düşünərsən. Bəziləri Allaha sığınır, lakin haşa Allahın gücünün əksik olduğunu zənn edir. Allah yorulmaz, yatmaz, bezməz. Allahın əksikliyinin olmadığını bilmək, xatırlamaq böyük rahatlıqdır. Əlhamdülillah deyərsən, Allaha həmd etdiyin zaman fərəhlənərsən və nemət artar. Əstəğfürullah dediyin zaman Allahın mərhəmətinə sığınarsan, nə böyük gözəllikdir.

Allah Onu zikr edənə nur verər. Nur ilə Allahı zikr etmək eyni anda yaradılar. Gözəlliklə Allahı zikr etmək eyni anda yaradılar.

Allahı heç unutmamaq Allahı zikr etməkdir. Əylənərkən, danışarkən hər zaman Allah ağılda olar.

Allahı zikr etmək Allahın həmişə qəlbdə saxlanılması, həmişə yaddaşda olması, şüurda olmasıdır. İnsanın Allahı həmişə sevməsi, ağlında Allahı təfəkkür etməsi, düşünməsi, Allahın möhtəşəm sənətini, əbədiliyini qəlbində saxlamasıdır.

Allahı zikr etməklə nicat tapmaq üçün tam səmimi itaətlə Allaha bağlanmaq lazımdır. Əks təqdirdə insanların xoşbəxt olması qeyri-mümkündür. Nicat tapmaq və xoşbəxtlik üçün Allaha qəlbən təslim olmaq, Allaha tam bağlanmaq əsas şərtdir.

Bacı-qardaşlarımız mütləq Allahı sevənlərlə birlikdə olmağa diqqət yetirsinlər. 2-3 nəfər də olsa Allahı sevənlərə üstünlük versinlər. Ətrafında belə insanlar yoxdursa Allahı sevəcək, Allahdan qorxacaq insanlar yetişdirsinlər. Birlikdə gözəl şəkildə Allahı zikr edərlər, sevgini, dostluğu yaşayarlar.

Bizim proqramımız dini proqram deyil. Mən dindar insan olduğum üçün hər yerdə Allahı zikr edər, hər yerdə dindən bəhs edərəm. Mənim həyatımın hər dəqiqəsində din vardır. Həyatın hər mərhələsində Allah vardır, həyatın hər anında Allah zikr edilər, Allah sevilər.

Din hər şeylə iç-içədir. Dinin olduğu yerdə musiqi, incəsənət, rəqs, əyləncə, toy, elm olmaz deyənlər Qurana uyğun danışmırlar. Din ilə həyatı ayırmaq demək, dini və dindarları gettolara salmaq üçün dəccaliyyətin tətbiq etdiyi taktikadır. Din hər yerdə olmalıdır. Musiqi vardırsa Allah zikr edilməz deyirlər. Allah hər yerdə zikr edilər. Musiqini də, rəqsi də, əyləncəni də yaradan Allahdır.

Dünya yaradıldığı ilk gündən bəri təxminən 15 milyard ildir ki, atomlar heç dayanmadan fırlanaraq Allahı zikr edirlər.

Dünyanın etdiyi ən böyük günah, ən dəhşət verici səhv, ən seviləcək varlıq olan Allahdan bu qədər uzaq olmaqdır. İnsanların Allaha qarşı bu nankorluqları çox təəccüblüdür. Bəşəriyyət çox uzun illərdir ki, çox böyük səhv edib. Allahın mövcudluğuna inanırlar, lakin Allahdan uzaq olurlar. Amma inşaAllah, qarşıdakı illərdə Allaha olan sevgi inanılmaz yüksələcək. Hər yerdə Allah zikr ediləcək. Allah sevgisi çox aydınlaşacaq və kəskinləşəcək.

Əhəmiyyətli olan səmimi olaraq namazı Allaha həsr etmək və səmimi sevgi ilə Allahı zikr etmək, ucaltmaqdır.

İnsan əylənərkən də, musiqi dinləyərkən də Allaha yaxındır. Ənənəçi ortodoks İslamı müdafiə edənlərin isə söylədikləri ilə yaşadıqları bir-birinə uyğun deyil. Öz düşüncələrinə görə hökm verirlər. Qurana görə, din hər yerdədir, Allah hər yerdə zikr edilər.

Mənim istirahətim möminlərin yanındadır. Allahın zikr edildiyi hər yer istirahət yeridir. Bundan başqa rahatlıq, hüzur olmaz.