Adnan Oktar A9 TV; 14 iyun 2016

"Ey Rəbbim, mənə və bütün müsəlman qardaşlarıma" deyə dua edilər. Təkcə özünə dua etmək olmaz, çünki bütün möminləri cəhənnəmdən qurtarmaq üçün səy göstərmək fərzdir.

Bütün möminləri qurtarmaq üçün səy göstərmək və dua etmək vəlayətin tələbidir.

Allah şeytanın insanlar üzərindəki cadusunu yox etsin, Dəccalın cadusunu yox etsin. Allah dəccalı qəhr, pərişan etsin. Müsəlmanları dünya səviyyəsində müzəffər etsin.

Allahın sənətini bilmək çox mühüm məsələdir. Allahın sənətini bilmək, yadda saxlamaq və heyrətini yaşamaq üçün dua etmək lazımdır. Allahın sənətinin heyrətini yaşamamaq bir növ mənəvi xəstəlikdir. Allahın sənətinə heyranlıq duymaq imani dərinliklə mümkün olar.

Allahdan sənətini daha çox bilməyi, yaddaşımızda daha çox saxlamağı və sənətinə heyrət etməyi həmişə istəmək lazımdır.

Xilaskar gözləmək, Allahdan bir xilaskar istəmək Allahın Quranda bildirdiyi bir hökmdür. Allah Nisa surəsinin 75-ci ayəsində müsəlmanların xilaskar göndərməsi üçün Allaha dua etmələrinin lazım olduğunu bildirir.

İman və Quran gözüylə baxmayan, axirətdən heç bəhs etməyən insanlar bir müddət sonra təkcə əzablardan bəhs edən vəziyyətə gələrlər. Bu cür insanlardan olmamaq üçün Allaha dua etmək, Allaha təslim olmağı istəmək lazımdır. Təkcə əzablardan bəhs edən insanlar Allaha sığınsınlar, yoxsa Allahdan bəla olaraq ruhları iztirab içində çökər, qaranlıq hala gələr.

Müsəlman elm, irfan, hidayət, gözəllik verilənlərin yoluna yönəldilmək üçün dua edər, qəzəbə uğramışların, azmışlarınkına deyil.

Allah Quranda müsəlmanların çətinlik dövründə xilaskar istədiklərini bildirmişdir. Xilaskar üçün dua etmək Allahın əmridir.

Allahın zikr edilməsi, heç unudulmaması, çox sevilməsi, dua ilə əlaqədə olmaq, Allahın əmrlərinin yerinə yetirmək vacibdir.

Şok edici, heyrət verici məlumat qarşısında diqqət və təqdir gücünün zəif qalması insan beyninin, ruhunun acizliyidir. Bunu iradə toplaya bilmir. Yoxsa normalda nəfəsi kəsilməli, çox təəccüblənməlidir. Bu acizliyin üstəsindən gəlmək üçün dua edilməlidir.

İnsan sanki ülfətin içində üzür. Bu ülfətin aradan qalxması üçün Allaha dua etməlidir. "Ey Rəbbim ağlımı aydınlaşdır, bu möcüzəni görüm. Beynim bunu hazırda mənə, mənim istədiyim kimi hiss etdirmir" deməlidir. Məsələn, yazı var, oxuya bilmir; bunun kimi. Mömin; "bəsirətim açılsın, bu möcüzənin həyəcanını yaşayım, Səni layiqincə təqdir edim ey Rəbbim" deməlidir.

Hər yer möcüzə doludur. Mömin, bu möcüzələri yadda saxlaya bilmək üçün, Allaha dua etməlidir. Möcüzələrdəki mükəmməlliyin həyəcanını və şokunu yaşamaq üçün dua etməlidir. Həmçinin bu məlumatın meydana gətirdiyi təqdir hissini Allaha təqdim edə bilməyi Allahdan istəməlidir.

Müsəlmanlar İslam Birliyi üçün, Mehdi və İsa Məsihə tezliklə qovuşmaq üçün dua etməlidir. Digər müsəlmanlarla vuruşmaq deyil.

Müsəlmanların mənəvi liderinin olması lazım olduğu, müsəlmanların bu mənəvi lideri göndərməsi üçün Allaha dua etmələri Quranda bildirilmişdir.

Quran ayələrinə görə çətin vəziyyətdə olan müsəlmanlar Allaha, bir Mehdi, yəni xilaskar göndərməsi üçün dua edirlər.

Bütün güc, qüvvə Allaha məxsusdur. Müvəffəqiyyət qazanıldıqda bunu nəsib edən Allahdır. Allah duamızı qəbul etdiyi üçün bizə müvəffəqiyyət nəsib edir.

Biz “Allahım elmimi artır!” deyə dua etməklə məsuluq. Elmin sahibi Allahdır. Mömində əsla müstağniyyət olmaz.

Dua ilə şəfa eyni anda yaradılar. Dua Allahı daha çox sevməyimiz üçündür.

Nisa surəsinin 75-ci ayəsində müsəlmanların çox çətin dövrlərdən keçəcəyi, bu dövrlər gəldikdə Mehdini istəməyin zəruri olduğu izah edilir.

Heç bir müsəlman; “Mən nə edə bilərəm ki?” deməməlidir. Toplu duada böyük sirlər var. Allahdan İslam aləminin birliyini istəyək.

Mömin hər zaman hər şeyin ən gözəlini, ən yaxşısını, ən çoxunu Allahdan istəyər.

Müsəlman zaman mühəndisi olmalıdır. Vaxtı çox yaxşı işlətməlidir. Allahdan dərhal hal-hazırda dünyanın sülh mühitinə dönməsini istəməliyik.

Allah insanlardan səmimiyyət istəyir. Duada da səmimiyyət əhəmiyyətlidir. Allah səmimi duanı qəbul edər.

İnsan xəstələnir, dərman qəbul edir və "mən bu xəstəliyi dərmanla sağaldaram" deyir. Bu çox böyük səhvdir. Səmimi şəkildə: "Ey Rəbbim bu dərmanı vəsilə et" deməlisən. Yaxud yaralanır, bir şey olur, antibiotik qəbul edir, "vəssalam, bu sağaldar" deyir. Bu cür olmaz. Sən: "Ey Rəbbim bunu vəsilə et" deməlisən. Əks halda o dərmanı bütləşdirmiş olarsan. Dərmanı yaradan, dərmana o gücü verən Allahdır. Beynində onu sənə göstərən də Allahdır.