Adnan Oktar A9 TV; 15 avqust 2016

Hər zaman ağıllı üslub əsas olmalıdır. Lovğa üslub yalnız qəzəbləndirər, nəticə verməz.

Lovğa üslub işlətmək nifrət yaranmasına səbəb olar. Bütün insanlara dindar və ya dinsiz hansı inanca sahib olsa da, bir atanın övladına duyduğu şəfqət kimi bir şəfqətlə yanaşmaq lazımdır. Qurana uyğun olan şəfqət, sevgi və ağıllı davranmaqdır.

Mehdi siyasətə qarışmaz. Sevgini müdafiə edən, qadınların üzərindəki təzyiqi aradan qaldıran, dünyanın abadlaşması üçün səy göstərən sevgi insanıdır.

Münafiq qaranlıq dəhlizlərində pisliyini davam etdirəcəyini zənn edər. Mömin isə ağılla, elmlə ifşa edərək o gizli dünyanı məhv edər.

Müsəlmanlar əleyhinə edilən hər hərəkət müsəlmanları ucaldar, bu tələləri quranları isə alçaldar.

Mehdi deyildiyi zaman, düşüncələrində fərqli bir şey canlandıra bilərlər, Mehdi siyasətə əsla qarışmaz, siyasət bütün təşkilatlarıyla işləməyə davam edər. Mehdi yalnız sevgi, qardaşlıq, dostluq üzərində dayanacaq.

Həqiqi sevginin ola bilməsi üçün insanın qarşısındakının səmimiyyətini görməsi lazımdır. Səmimiyyəti görən qadın ehtirasla sevər.

Müsəlman ziyalı, müasir, hər düşüncədən olan insana hörmət göstərən, şəfqətlə yanaşan, hər kəslə dost olan rəftar göstərməlidir.

Münafiq öz içində çökərkən, müsəlmana adrenalin təsiri göstərər. Müsəlmana canlılıq, fəallıq və güc verər.

Çoxbilmişlik, hər şeyə etiraz etmək, tərslik münafiqlərin təməl xüsusiyyətidir. Müsəlmanlarda da həlimlik, Allaha itaətkarlıq, daxili rahatlıq hakimdir.

Quran ağlı ortaya çıxaran, məntiqli düşünməyi təmin edən, normal, Allahın bəyənəcəyi insan modelini meydana gətirən, cənnət tərbiyəsi verən, cənnətdə normal yaşamağı təmin edəcək olan həyat rəhbəridir.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Allahın sənətini bilmək çox mühüm məsələdir. Allahın sənətini bilmək, yadda saxlamaq və heyrətini yaşamaq üçün dua etmək lazımdır. Allahın sənətinin heyrətini yaşamamaq bir növ mənəvi xəstəlikdir. Allahın sənətinə heyranlıq duymaq imani dərinliklə mümkün olar.

İmtahan olmadıqda, təfərrüatlar olmadıqda cənnətin qiymətini anlamaq da, Allahın sənətini anlamaq da mümkün olmur. Adi imtahan olsa adi cənnət həyatı olar. İmtahan nə qədər qarmaqarışıq olsa, həyat o qədər gözəl olar, sevgi o qədər böyük olar. Allah xüsusən Axırzamanda yüksək imtahan istəyir. İmtahan nə qədər yüksəkdirsə, insanın cənnəti də o qədər yüksəkdir.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Allah sevdası, səmimi olan və Allahı dərin eşqlə sevənlərə möcüzəvi nemət kimi yaşadar.

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

Ruhsuz, dərinliyi olmayan, incəliyi, ehtirası, sevgini bilməyən mexaniki gənclər yetişməyə başlaması, dərin dövlətlərin üstünlüyünə olan vəziyyət olur.

Allah: "Məni sevsəniz, Məni təqdir etsəniz, o zaman sizdə də sevgi güclü olar" deyir. Çünki təqdir edə bilməyən sevgini bilməz. Sevdiyini təqdir edə bilməyən sevginin nə olduğunu necə bilsin?

Biz holoqram kimi təkcə Allahın göstərdiyi təsviri yaşayırıq. Əgər; "ey Rəbbim Səni çox sevirəm, mən heçəm, tək varlıq Sənsən. Hər yer Sənin gözəlliyindir, mən Sənin təcəllinə aşiqəm, mənə təcəlli et" desən Allah sənə hər cür gözəlliyi nəsib edər. Allaha nə qədər təslim olsan, o təsvirlər o qədər gözəlləşər. Allahın mövcudluğunu dərk edən üçün Allah hər cür gözəlliyi yaradar.

Həqiqi eşqi axtarırsansa; özünü həm fiziki, həm də ruhi cəhətdən yaxşı inkişaf elətdir, mədəniyyətini, mərhəmətini, səbrini artır, vicdanını çox təmiz və güclü hala gətir, ruhi və fiziki cəhətdən çox təmiz ol, Allaha özünü təslim et, dünyadan keç, Allah sənə həqiqi eşqi nəsib edər. O zaman tapdığın eşq ruhunu doyurar.

Dünyadakı sevgisizliyin ən böyük səbəblərindən biri insanların bir-birlərini bağışlamamasıdır. Hər şeyə qəzəblənirlər və sonra bağışlamırlar. Beləliklə şeytanın oyununa düşmüş olurlar. Halbuki Allah ayələrində bağışlamağı tövsiyə edir. “Sən bağışlama yolunu tut, yaxşı iş görməyi əmr et və cahillərdən üz döndər.” (Əraf surəsi, 199)

Bir çox İslam ölkəsinin bəzi rəhbərləri, sözü keçən adamlar İngiltərədə təhsil alır, İngiltərə dərin dövlətinin təsiri altına daxil olurlar. Buna görə də, demək olar ki, heç bir İslam ölkəsində İngiltərə dərin dövlətinin planlarından bəhs edilmir, halbuki müsəlman cəsarətlə həqiqəti söyləməlidir. Demək olar ki, hər İslam ölkəsində təhsil sistemi darvinizmə təslim edilmiş vəziyyətdədir.

Münafiqlər İslamın özlərinə faydalı olan hissələrindən istifadə edib, mənfəətlərinə uyğun olmayan hissələrini isə qəbul etməzlər.

Münafiq özü üçün hər cür imkan təmin edilməsini, rahatlığının qorunmasını istəyər. Öz mənfəəti ilə zidd düşən vəziyyət olsa, xainliyini ortaya çıxardar. Çox qısa dünya həyatına aldanan, sanki heyvan kimi yalnız mənfəətini güdən münafiqlər xaraktersiz şəkildə yaşayar və ölərlər.