Adnan Oktar A9 TV; 26 mart 2017

Allah zalımları lənətləyər. Bir cəmiyyəti bütövlüklə, məzlumu, zalımı ayırd etmədən lənətləməz. Bu cür lənət inancı bütpərəst düşüncədə vardır.

Günahsız xristian və musəviləri sevirik. Qurana görə onlar Kitab əhli və müsəlmanların qoruması altında olan gözəl insanlardır.

Allah Quranda hər şeyin izah edildiyini bildirmişdir. Quran kafi deyildir, deyənlər Allahın bu hökmünə qarşı çıxırlar. (Nəhl surəsi, 89: Hər ümmət içində öz nəfslərindən onların üzərinə bir şahid gətirəcəyimiz gün, səni də onlar üzərində bir şahid olaraq gətirəcəyik. Biz Kitabı sənə hər şeyi izah edən, müsəlmanlara da hidayət, rəhmət və müjdə olaraq nazil etdik.)

Atalarından batil din gətiriblər və bu batil dini Quranda axtarırlar. Quranda tapa bilmədikləri zaman da bunu qəbul edə bilmirlər.

Hər cəmiyyətdən pis insanlar çıxa bilər, lakin yaxşı olanlar həmişə dostdur, qardaşdırlar. Musəvilər, xristianlar bütünlüklə pisdirlər demək, Qurana uyğun deyil.

Əgər Qurana əsaslanan İslam yaşansa müsəlmanların başındakı fəlakətlərin hamısı bitər.

Yəhudilərin əleyhinə çıxmaq səmimiyyətsiz davranışdır və şeytani yanaşmadır. İstər yəhudilər, istərsə də başqa hər hansı məzlum cəmiyyətlə mübarizə aparmaq Allahın məmnun olmayacağı davranışdır və günahdır.

İslam aləmi, musəvilər və xristianlar hz. Mehdinin və İsa Məsihin bu əsrdə gələcəyini fikir birliyi ilə qəbul edirlər.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Quranda Kitab əhlindən, yəni musəvi və xristianlar arasında səmimi iman gətirən insanlar olduğu bildirilmişdir. (Ali İmran surəsi, 113-115: Onların hamısı eyni deyil. Kitab əhlindən bir camaat vardır ki, onlar gecə vaxtları ayaqda dayanıb Allahın ayələrini oxuyaraq səcdəyə qapanarlar. Bunlar, Allaha və axirət gününə iman gətirər, marufu əmr edər, münkərdən çəkindirər və xeyirlərdə yarışarlar. Məhz bunlar salehlərdəndirlər. Onlar hər nə xeyirxah əməl etsələr, əlbəttə, ondan məhrum qalmazlar. Allah müttəqiləri tanıyır.)

Allah Quranda hz. Musaya tabe olan musəvilərdən Haqqa kömək edən, mehdiyyətə dəstək olan bir qrup olduğunu bildirmişdir. (Əraf surəsi, 159: Musanın qövmündən haqqa yönəldən və onunla ədalətli davranan bir camaat var.)

Qurandan kənar müsəlmanlıq qəbul edildikdə ortaya İngiltərə dərin dövlətinin dəstəklədiyi batil radikal azğın cərəyanlar ortaya çıxır.

Tayyib hocam; “nə şiəyəm, nə də sünni, mən müsəlmanam” deyərək Qurana görə doğru olanı edir. Tam Quran müsəlmanlığı nümunəsi göstərir.

Dəccal xristianlarla müsəlmanların arasını vurub dinə inananları aradan qaldırmaq istəyir. Bu oyuna düşməmək lazımdır. Hilal və xaç mübarizəsi əsla olmamalıdır. Əksinə dindar xristian və musəvilərlə ittifaq edərək dinsizliyə qarşı elmi mübarizə aparılmalıdır.

Musəvilər 3500 ildir ki, hz. Musaya, Allaha sadiq olan dindar insanlardır. Nə xoşbəxt, nə gözəl onların halına. Onlar da, biz də hz. İbrahimin övladlarıyıq.

Hər cəmiyyətdə yaxşılar da var, pislər də. Heç bir cəmiyyət bütövlükdə lənətli deyil. Belə lənət anlayışı Qurana uyğun olmaz.

Hər uşaq İslam fitrəti üzərinə dünyaya gələr. Uşaqları daxil olmaqla, bir cəmiyyətin bütövlükdə lənətli olduğunu söyləmək İslama uyğun deyil. Allah bütün musəvilərin deyil, zülm edənlərin lənətli olduğunu söyləmişdir. Bir xalqın anadangəlmə lənətli olduğunu söyləmək zülm olar.

Allahın musəviləri lənətlədiyi Qurana uyğun inanc deyil. Allah o dövrdə cinayət törətmiş, zülm etmiş olanları lənətləmişdir.

Bir xalqın əzəldən bəri lənətli olduğunu iddia etmək bütpərəst inancdır. Allah cinayət işləyən və zalımlıq edəni lənətləmişdir.

Allahın bir irqi lənətləməsi, ədalətinə uyğun olmaz. Allahın lənətlədiyi hansısa xalq yoxdur. Törətdikləri günahlara görə Allahın lənətlədiyi insanlar ola bilər. Lənətlənən günahı törədəndir. Yoxsa uşağının nə günahı var? Nəslindən gələnlərin nə günahı var?

Yəhudilərin lənətləndiyi iddiası yalandır. Belə şey yoxdur. O dövrdə əxlaqsızlıq edən bir camaat olubdursa, lənətlənən onlardır. Bu qədər. Tövbə etməyə də imkan olar. Əxlaqsızlıqda, zülmdə israr etsə lənətlənər. Müsəlman lənətlənərmi? Əxlaqsızlıq etsə o da lənətlənər.

Keyfiyyətli, müasir, ziyalı müsəlman modeli hakim olsa Türkiyə bütün dünya tərəfindən çox sevilər.

Quran kafi deyildir demək ən böyük fitnələrdən biridir. Quranda Allah hər şeyi izah etdiyini və Quranın kafi olduğunu bildirmişdir.

Peyğəmbərimiz (s.ə.v) və səhabələrin Qurandan başqa dini yox idi. Sonrakı nəsillər Qurandan uzaqlaşmağa səbəb oldu.