Adnan Oktar A9 TV; 27 mart 2017

Allah Quranda hər şeyin izah edildiyini bildirmişdir. Quran kafi deyildir, deyənlər Allahın bu hökmünə qarşı çıxırlar. (Nəhl surəsi, 89: Hər ümmət içində öz nəfslərindən onların üzərinə bir şahid gətirəcəyimiz gün, səni də onlar üzərində bir şahid olaraq gətirəcəyik. Biz Kitabı sənə hər şeyi izah edən, müsəlmanlara da hidayət, rəhmət və müjdə olaraq nazil etdik.)

Amansız musəvi düşmənçiliyi Qurana uyğun deyil. Allah bir qövmü bütövlüklə lənətləməz.

Hər cəmiyyətdən pis insanlar çıxa bilər, lakin yaxşı olanlar həmişə dostdur, qardaşdırlar. Musəvilər, xristianlar bütünlüklə pisdirlər demək, Qurana uyğun deyil.

Əgər Qurana əsaslanan İslam yaşansa müsəlmanların başındakı fəlakətlərin hamısı bitər.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.

Qurandan kənar müsəlmanlıq qəbul edildikdə ortaya İngiltərə dərin dövlətinin dəstəklədiyi batil radikal azğın cərəyanlar ortaya çıxır.

Tayyib hocam; “nə şiəyəm, nə də sünni, mən müsəlmanam” deyərək Qurana görə doğru olanı edir. Tam Quran müsəlmanlığı nümunəsi göstərir.

Bəzi müsəlmanların həm Qərbin mədəniyyətinə şiddətlə qarşı olması, həm də Qərbdə yaşamaq üçün can atması çox böyük ziddiyyətdir. Musiqiyə, incəsənətə, rəsmə, heykələ, Qərbdə olan bütün mədəniyyətə qarşı olduqlarını söyləyənlər təhsil almaları üçün övladlarını həmişə Qərbə göndərirlər. Əgər Qərbə yönəltdikləri tənqidlərində səmimi olsalar, Qərbdə yaşamaq üçün belə can atmazdılar. Bu kəslər şüur altlarında mədəniyyətin gözəlliyini bilirlər.

İslam asan və sadədir. Dini yaşamaq asandır. Bütün məsələ səmimi olmaqdadır.

Quranın Özü namusdur. Din namusdur. Dini bütövlükdə inanıb yaşayan qadın namusludur.

Dini o qədər qarışıq hala gətirdilər ki, insanlar İslam deyə tam fərqli xurafat dini öyrəndilər. Quran kifayətdir, açıqdır və dəqiqdir.

Biologiya dərsində bütpərəst dini izah edilə bilməz. Bütpərəst din olan darvinizm, dinlər tarixi içərisində izah edilsin, elm kimi izah edilməsinə qarşıyıq.

Bəziləri İslamı yaşanması çətinmiş kimi göstərərək insanları dindən uzaqlaşdırmağa çalışırlar, halbuki İslam azadlıqlar dinidir. İslamın yayılmasını istəməyən bəzi kəslər, dini dekolteyə qarşı kimi göstərməyə çalışırlar, boşuna çalışırlar.

Mövhumatçılıq Allahın dini xaricində Allahın istəmədiyi şirk dini deməkdir. Mövhumatçılığın qapqaranlıq dünyasını Quranın nuru aradan qaldırar.

Mən heç bir kitabımdan müəllif haqqı almıram. Dini ödəniş qarşılığında təbliğ etmək olmaz.

Münafiqin şeytani din anlayışında, Allah üçün səy göstərmək, dini yaymaq, müsəlmanlarla birlikdə yaşamaq yoxdur.

İngiltərə dərin dövləti Əbdülhəmid dövründən bəri Türkiyənin yaxasından əl çəkməmişdir. Əbdülhəmid də İngiltərə dərin dövləti tərəfindən zərərçəkmişlərdən idi.

İran ilə Türkiyənin arasını vurmaq istəyənlərin oyununa düşməmək lazımdır. İran tərtəmiz müsəlman ölkəsidir, irqçilik ittihamı doğru olmaz.

Müslüm Gursəs çox dəyərli, qiymətli incəsənət xadimi və insan idi. Allah qəni-qəni rəhmət eləsin.

İran dost ölkədir. Yüzlərlə ildir ki, dost olduğumuz bir ölkəni qarşımıza alacaq bir üslubdan çəkinib həmişə şəfqətlə yanaşmaq lazımdır.

Türkiyəni bölməyə cəhd etmək İslam Birliyinə mane olmaq deməkdir. Buna cürət edən olsa dünyada hər şey darmadağın olar.

Tayyib hocamın cübbəli Lourenslər vardır deyərək, İngiltərə dərin dövlətinə diqqət çəkməsi çox gözəl olub. Bu səmimi üslubunu alqışlayırıq. Tayyib hocam nə sünniyəm, nə də şiəyəm deyərək, İngiltərə dərin dövlətinin islam aləmini parçalama oyununa ən təsirli zərbəni endirdi maşaAllah.