Adnan Oktar A9 TV; 15 avqust 2016

Münafiq özü üçün hər cür imkan təmin edilməsini, rahatlığının qorunmasını istəyər. Öz mənfəəti ilə zidd düşən vəziyyət olsa, xainliyini ortaya çıxardar. Çox qısa dünya həyatına aldanan, sanki heyvan kimi yalnız mənfəətini güdən münafiqlər xaraktersiz şəkildə yaşayar və ölərlər.

Münafiqlər İslamın özlərinə faydalı olan hissələrindən istifadə edib, mənfəətlərinə uyğun olmayan hissələrini isə qəbul etməzlər.

Münafiq qaranlıq dəhlizlərində pisliyini davam etdirəcəyini zənn edər. Mömin isə ağılla, elmlə ifşa edərək o gizli dünyanı məhv edər.

Münafiq hərdən şeytanla əlaqə yaradan məxluqdur. Belə anlarda baxışları xeyli mənasız olar, insanlıq görünüşündən çıxar. Quranda münafiqlərin xain baxışlarına diqqət çəkilməsinin mənası da budur. Münafiq iblis kimi baxarkən özünün fərq edildiyini anlamaz.

Türkiyəni məhv edən əsil təhlükə münafiqlikdir. Münafiq xarakterinə çox diqqət etmək lazımdır.

Münafiqlərin əxlaqsızlığı ilə Peyğəmbərimiz (s.ə.v)-in əxlaqının gözəlliyi arasındakı ziddiyyət zibilliyin içində almazın parıldaması kimidir.

Münafiqlər öz aləmlərində Peyğəmbərimiz (s.ə.v)-ə zərər vermək üçün nifrət dolu baxır, narahat etməyə çalışırdılar. Münafiqlərin Peyğəmbərimiz (s.ə.v)-in yanında olmalarının səbəbi əleyhinə istifadə edə biləcəkləri məlumat əldə edə bilmək, fitnə törədə bilmək idi. Hiyləgərcəsinə Peyğəmbər (s.ə.v)-i izləyir, Peyğəmbər (s.ə.v)-dən müsəlmanların əleyhinə məlumat ala bilmək istəyirdilər. Həmişə baxışlarında pislik var idi.

Münafiqlər və kafirlər, Allahın, möminlərin mənəvi məqamını ucaltmaqda istifadə etdiyi iki dəstədən biridir.

Mömin olduğu hər yeri cənnətə döndərmək üçün səy göstərər. Bəziləri isə girdikləri hər yeri həm maddi, həm də mənəvi cəhətdən çirkinləşdirərlər.

Münafiq ağlı zəif olan insan ovuna çıxmış bir iblisdir. Yarasa kimi gəzər, ağlı zəif insan axtarar. Axmaqlar münafiqin toruna düşərlər. Lakin ağıllı möminin üstəsindən gələ bilməz münafiq.

Münafiqlər həmişə əxlaqsız və alçaqdırlar. Mömin xoş niyyətlə gözəl bir şey söylədiyi zaman, ona namərdcə və alçaqca cavab verər, şərəfsiz formada cavab verər. Normal danışmaq qeyri-mümkündür.

Münafiq əlamətlərindən danışarkən möminlərə, xüsusilə təqva sahibi möminlərə danışırıq ki, ruhlarında kir, pas varsa, bu cür anormallıqlar varsa, dərhal düzəltsinlər, bu xəstəlikdən xilas olsunlar.

Münafiq ayələrini oxuyarkən, qarşıdakı hər hansı qüvvə deyil də, özümüzün də münafiq ola biləcəyimizi düşünərək, ayələri özümüzə aid edərək, Allahdan qorxaraq özümüzü tərbiyə etməliyik. Münafiq onsuz da bu ayələrlə heç maraqlanmaz. O yeni oyunlar axtarar.

İmtahan şirin olsa sonu acı olar. Yüngül imtahan gözləməsinlər, Axırzamandayıq. Allah böyük sevgi istəyir. İmtahan nə qədər şiddətlidirsə, sevgi o qədər böyükdür. Cənnətin bəzəyi sevgidir, sevgi böyük olmalıdır ki, cənnət mənalı olsun. İmtahanın müddəti qısadır, cənnət isə əbədidir. Əbədi böyük sevgi üçün imtahan güclü olmalıdır. Əziyyətə etiraz etmək olmaz.

Axırzamanda insanların mənəvi cəhətdən xəstə olması heyrət ediləcək şey deyil. Mömin onları müalicə etməklə məsuldur, bu da sevgi və səbirlə olar.

Küfr əhlinin mövcudluğu möminin daha çox sevilməyinə vəsilə olar. Möminlər bir-birinin cəsarətini, əzmini, səmimiyyətini görüb bir-birlərini daha çox sevərlər.

Çətinliklər olmadan insanlar diqqətini Allaha yönəldə bilmirlər. Axırzamanın bu böyük çətinlikləri də insanların tərbiyəsi üçün zəruridir.

Münafiqin rəzil-rüsvay edilməsi, çox yaxşı tanıdılması, dünyada sanki yaşaya bilməyəcək hala gətirilməsi, hz. Mehdi (ə.s) dövründə olacaq. Buna görə də, hər münafiq o münafiq əlamətlərindən, nifaqdan məcburən imtina etmiş olacaq. Mehdi (ə.s) dövründə heç bir nifaq əlaməti görülməyəcəkdir.

Mehdiyyət dövründə münafiqlər imanın nuru içində mənəvi cəhətdən boğulacaqlar. Münafiqlərin fitnəsi və nifaqı mehdiyyət dövründə heç yaranmayacaq.

Mehdiyyət Axırzamanın ən mühüm məsələsidir. İraqdakı, Suriyadakı hadisələrin tək səbəbi mehdiyyətdir. İslam aləmindəki hazırkı həyəcan və qarışıqlığın tək səbəbi mehdiyyətdir. Dünyanın hər yerində mehdiyyət yeri göyü inildədir.

Önümüzdəki illər çox böyük hadisələr baş verəcək. Heç kim təlaşlanmasın, həyəcanlanmasın, sonu mütləq xeyirlə bitəcək inşaAllah.

Axırzaman münafiqləri internet, ağıllı telefon kimi sistemlərdən çox istifadə edirlər. Saxta hesablarla hər cür azğınlığı, fitnəni müdafiə edirlər. Münafiqlər açıq hesablarından ümumiyyətlə təbliğ etməzlər. Fitnə üçün gizli hesablarından istifadə edərlər. Buna çox diqqət yetirmək lazımdır.

Süfyaniyet, dəccaliyyət və mehdiyyət, hamısı taledədir. Heç birinin önünə keçilməsi, qarşısının alınması mümkün olmaz.

Mömini tənqid edərkən bu tənqid Qurana uyğun olmalıdır. Tənqid edənlər də hansı ayəyə uyğun deyil deyə dəlil göstərməlidir.

Bir çox İslam ölkəsinin bəzi rəhbərləri, sözü keçən adamlar İngiltərədə təhsil alır, İngiltərə dərin dövlətinin təsiri altına daxil olurlar. Buna görə də, demək olar ki, heç bir İslam ölkəsində İngiltərə dərin dövlətinin planlarından bəhs edilmir, halbuki müsəlman cəsarətlə həqiqəti söyləməlidir. Demək olar ki, hər İslam ölkəsində təhsil sistemi darvinizmə təslim edilmiş vəziyyətdədir.