Adnan Oktar A9 TV; 4 dekabr 2016

Xarici aləmdə musiqi yoxdur. Hər insan musiqini beyninin içində eşidir. Xarici aləmdə təkcə səs dalğaları var, səsi musiqi kimi qəbul edən ruhdur. Ruhun musiqini eşitməsi üçün elektrikə, səs dalğasına ehtiyacı yoxdur. Səs dalğası, beyinə çatan elektrik, hamısı təkcə səbəb olaraq var.

Beyinin içində gözü olmadan görən kimdir? İnsanlar bunu sorğu-sual etməlidir. Elektrik siqnallarını üçölçülü mükəmməl təsvir olaraq görən ruhdur.

Allah tək bir hüceyrədən danışan, eşidən, iyləyən, mühakimə qabiliyyəti olan, sevməyi bacaran, hiss edən bir insan meydana gətirir. Heyrətamiz möcüzədir. Çöldə səs və musiqi yoxdur, təkcə titrəyiş vardır. Təkcə insan beyni içində musiqini musiqi kimi qəbul edir.

İşıq və rəng çox böyük hadisədir. Qapqaranlıq beyinin içində çox təfərrüatlı rəngli görənin kim olduğu barəsində darvinistlər heç düşünmək istəmirlər. Səsin eşidilməsi, səsi idrak edən bir şüurun olması çox böyük hadisədir. Hiss edən, eşidən, qoxunu qəbul edən kimdir? Bunlar çox böyük möcüzədir.

Görmənin gözlə əlaqəsi yoxdur. Göz təkcə elektriki ötürən mövqedədir. Təsviri beyinin içində işıltılı görən biri var. Təsvirin yaranması üçün beyinə gələn elektrik çox zəif elektrikdir. Bu zəif elektriki üçölçülü aydın təsvir kimi görmək böyük möcüzədir.

Qulağa gələn atomları və elektriki beyində danışıq, musiqi, tiz və bas tənzimləməsi icra edilmiş şəkildə eşitmək heyranedici möcüzədir. Qulaqdan gələn elektrik keyfiyyətini insan təkcə uğultu şəklində qəbul edə bilər. Lakin musiqi kimi eşidir, istiqaməti bilir, əsas tiz və bas seçimi edir.

Səbəblər Allahın möhtəşəm sənətidir. Musiqini beynin içində bilavasitə Allah yaradır. Lakin arada minlərlə səbəb varmış kimi görünür. Səbəb maddədən daha da mürəkkəb quruluşu olan, daha da kəskin ağıl tələb edən şeydir. Allahın səbəb sənəti möhtəşəmdir.

Allah o qədər çox möcüzə yaradır ki, insan hara baxsa möcüzə görür. Ən böyük möcüzə isə insan beyninin içidir. Beynin içində gözsüz görən, qulaqsız eşidən biri var. Bu həqiqətin iman xaricində heç bir açıqlaması yoxdur. Göz maye bir quruluşun içindədir, oradan işıq keçir və tərs şəkildə təsvir meydana gəlir, çox zəif amperdə elektrikə çevrilərək beyinə gedir və beyində bu zəif elektrik mükəmməl rəngli çox aydın bir təsvirə çevrilir və gözü olmayan biri bu təsviri görür. Bu böyük möcüzədir.

Hər insanın iki gözü də kordur. Göz elektrik axınını beyinə çatdıran cihaz kimidir. Beyində gözü olmadan təsviri görən biri var. Beyinin içində qulağı olmadan musiqini dinləyən kimdir? Təkamülçülər bir dəfə belə bu mühüm mövzu üzərində dayanmırlar.

Gözdən beyinə gələn elektrik cərəyanını üçölçülü işıltılı təsvir olaraq görənin kim olduğu sualını təkamülçülər əsla cavablandıra bilməz. Beyinin içində gözü olmadan görən, qulağı olmadan eşidən bir varlıq var. Bu varlığın necə meydana gəldiyi məsələsində təkamülçülərin heç bir cavabı yoxdur.

İlk yaradıldığı andan bəri heç bir insan beynindən kənara çıxıb təsvirin əslini görməyib. Hər insan beynin içindəki monitorun qarşısında yaşayır.

Allah gözü təkcə səbəb olaraq yaradıb. Gözdən beyinə çatan elektrik də çox zəifdir. Təsviri birbaşa ruh görür.

Küfr əhlinin və ya münafiqlərin sayca çox olması əhəmiyyətli deyil. Allah həmişə az sayda möminə zəfər və müvəffəqiyyət vermişdir.

Möminlər həmişə müvəffəqiyyət qazanar. Münafiqin kini və nifrəti isə təkcə özünü yandırar. Dili ilə zərər vermək istəyər, lakin o dil özünü yandırar.

Allah Özündən uzaq olanların ruhlarını, üzlərini qaraldar. Bu qaraltıdan heç cür xilas ola bilməzlər.

Dünyaya könlünü bağlamış, Allahı unutmuş insanlar üçün Allah dünyanı fəlakətə döndərər. Tipləri də bərbad hala gələr, bu fəlakət içində qıvranarlar.

Küfr əhlinin çox olması müsəlmanları təəccübləndirməməlidir. Meşədə gəzən insan da çox sayda heyvanla qarşılaşar, lakin meşənin hakimi şirdir.

Kaftarlar necə sürünərək yaşayırsa, zalım və qəddarlar da sürünərək yaşayarlar. Sürünməyin adını nəzakətli etmiş və həyat mübarizəsi demişlər.

Mömin küfr əhlini uzaqdan bir elm adamı kimi təhlil edər. Küfr əhlini ən qəzəbləndirən şeylərdən biri üzlərindəki qaraltıdır, özlərindən nifrət edərlər.

Küfr əhlinin ağlının necə qapalı olduğu və yaşadıqları həyatın necə bir kabus olduğu Quranda çox hikmətlə izah edilmişdir. (Nur surəsi, 40: Ya da (inkar edənlərin əməlləri) əngin dənizdəki qaranlığa bənzəyər; onun üstünü bir dalğa bürüyər, onun üstündə bir dalğa, onun da üstündə bir bulud vardır. Bir qismi bir qismi üzərində olan qaranlıqlar; əlini çıxartdıqda onu belə az qala görə bilməyəcək. Allah kimə nur verməyibsə, artıq onun üçün nur yoxdur.)

Küfr əhli Allahdan və axirətdən xəbərsizdir. Təkcə sürünər və özündən iyrənər. Bu vəziyyətə də həll yolu tapa bilməz.

Mömin Allahdan, dindən, Qurandan bəhs edər. İman qəlbinə yerləşməmiş insanlar isə təkcə mənfəətinin nə olduğunu düşünər.

Mehdiyyətin əsas xüsusiyyəti ödəniş istəməməsidir. Dini təbliğ etmək əvəzində ödəniş istənilməz.

Peyğəmbərimiz (s.ə.v) İslamı təbliğ edir, onu dinləməyə gələn bəziləri isə mənim üçün dua et ki, ticarətim artsın deyirdi, İslama xidmət etməyi düşünmürdü.

Dünya həyatına dalmış olanlar əyləndiklərini zənn edirlər, lakin həqiqi xoşbəxtliyi və əyləncəni bilmirlər. Dinlədikləri musiqi dəyişməz ritmdən ibarət olur, saatlarla ayaqüstü dayanıb yüngülcə sallanırlar, sonra buna əyləncə deyirlər. Bu əyləncə deyil.