Adnan Oktar A9 TV; 31 avqust 2016

Xeyli insan müsəlmanları, haşa ağılsız, asanlıqla aldadıla bilən, malını, mülkünü əldən verən, hər cür cinayətə hazır olan insanlar hesab edirlər. Müsəlmana hörmət göstərmirlər. 24 saat ağıllı olan dinsiz olar, hörmət göstərilməli olan dinsizlikdir təlqini verirlər. Bu fəlakətli mənzərəni də xeyli müsəlman qəbul edib, acizlik hiss edirlər. Halbuki Qurana tam tabe olan müsəlman dünyanın ən ağıllı insanıdır.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

Müsəlman cəmiyyətlərin arasını vurub müsəlmanlara zərər vermək istəyirlər, heç kim bu oyuna gəlməsin. Səhvə yol verən oldusa da imtina etsin.

Küfr əhli münafiqi dərhal müəyyən edər, çünki münafiq özünü müsəlmanlardan gizlədər, lakin küfr əhlinə qarşı açıq davranar.

Müsəlmanların əleyhinə fəaliyyət göstərdiyini zənn edən hər kəs əslində müsəlmanlara, İslama, Qurana xidmət etmiş olar.

Bəziləri müsəlmanların aciz olduğuna qənaət gətirib. Hər kəsi aciz, özlərini də tək ağıllı insan zənn edirlər. Müsəlman çox ağıllıdır.

Bəziləri İslam Birliyini istəməyən, məzlumları qorumağa çalışmayan, əzilməyə səs çıxarmayan bir müsəlman modelinin yaranmasını istəyirlər.

İslamda musiqi, əyləncə, gözəllik, sevinc, iffət, təmizlik, ağıl, sevgi, ehtiras, yəni gözəl olan hər şey vardır.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Atomda, molekulda, xromosomda görünən ağıl insanın ağlından qat-qat üstündür. İnsanların bunu düşünməməyi şeytani qəflət ucbatından olur.

Müsəlmanların bir-birinə sevgisi münafiqlərə böyük əzab verər. Sanki həsəddən məhv olarlar.

Münafiq həmişə müsəlmanların əleyhinə hökm axtarar, mömin də həmişə müsəlmanların lehinə hökm axtarar.

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

Müsəlmanlara qarşı, haşa hər an cinayət işləyəcək nizamsız insanlar kimi tədbir almaq, İngiltərə dərin dövlətinin təlqinidir, bunu hər yerə yayırlar. Müsəlmanlara qarşı bu haqsız üsula və çirkin üsluba bəziləri də heç bilmədən dəstək verir. Buna qarşı çox diqqətcil olmaq lazımdır.

Hər yerdə müsəlmanlara təzyiq var. Hələbdə hər gün mərhəmətsiz şəkildə uşaqlar şəhid edilir. Artıq müsəlmanların oyanma vaxtı gəldi.

Müsəlmanlar Allahın ruhudur. Hamısı RuhulAllahdır. Dünya da, axirət də müsəlmanlarındır. Mömin Allahın ruhunu daşıyar.

Münafiq qaranlıq dəhlizlərində pisliyini davam etdirəcəyini zənn edər. Mömin isə ağılla, elmlə ifşa edərək o gizli dünyanı məhv edər.

Lovğa üslub işlətmək nifrət yaranmasına səbəb olar. Bütün insanlara dindar və ya dinsiz hansı inanca sahib olsa da, bir atanın övladına duyduğu şəfqət kimi bir şəfqətlə yanaşmaq lazımdır. Qurana uyğun olan şəfqət, sevgi və ağıllı davranmaqdır.

Hər zaman ağıllı üslub əsas olmalıdır. Lovğa üslub yalnız qəzəbləndirər, nəticə verməz.

Allahın sənətini anlamaq, layiqincə təqdir etmək və həmişə yadda saxlamaq vacibdir. Əks təqdirdə niyə elmi mübarizə apardığını unudan şüursuz müsəlman modeli meydana gələr Allah qorusun. Dərin iman olmadıqda sevgiylə, ağılla mübarizə aparan şüur da meydana gəlmir.

Quran ağlı ortaya çıxaran, məntiqli düşünməyi təmin edən, normal, Allahın bəyənəcəyi insan modelini meydana gətirən, cənnət tərbiyəsi verən, cənnətdə normal yaşamağı təmin edəcək olan həyat rəhbəridir.

Biz Qurana tam tabe olduğumuz üçün, halala və harama çox diqqət yetirdiyimiz üçün hər istiqamətiylə İslamın işıqlı üzüyük.

İngiltərə dərin dövləti, Türkiyədə müsəlmanların arasının dəyməsini, Türkiyənin müharibəyə qoşulmasını və müsəlman qanı axıtmasını istəyir. Boşuna çalışmasınlar.

Hicablı qadınların rahat hərəkət etməsi, azad olması heç kimi narahat etməməlidir, onlar uzun müddət haqsız yerə çox əzildilər. Hicablı insanlar istədikləri hər mövqedə olsun, inancı nədirsə elə yaşasın. Niyə zorla başı açılsın, niyə əzab çəksin?

Biz heç kimin istifadə edilməsini, yox edilməsini istəmirik. Törədilən cinayətin hüquqi qarşılığı verilər, lakin hər zaman islah etmək, düzəltmək əsil məqsəddir.