Adnan Oktar A9 TV; 15 avqust 2016

İngilis və Amerikan xalqını sevirik, şəfqət duyuruq. Lakin İngiltərə dərin dövləti Amerikanın da üzərində ağır təzyiq yaradır.

Əvvəlcə "Chatham House"da keçirilən danışıqlar şəffaflaşdırılsın. Üst ağıl deyilən İngiltərə dərin dövlətinin şəffaflığı təmin edilsin. Türkiyə haqqındakı gizli planları ortaya çıxarılsın. Bunları gündəmə belə gətirə bilməyib, İngiltərə dərin dövlətinin oyununun təsiri altında qalaraq təriqət və camaatları hədəf almaq vicdanlı hərəkət deyil.

İngiltərə dərin dövləti millətimizin darvinizmə qarşı müqavimətini və imanını nəzərə ala bilmədi. Darvinizmin fikrən çökməsi oyunlarını puç etdi. Əllərindəki digər bir üsul da daxili döyüşlər, bölünmə meydana gətirmək idi. Ələvi-sünni qarşıdurması yaratmaq istədilər, bu oyunları da əllərində qaldı. PKK-dan istifadə edərək bölünməni sürətləndirmək istədilər. Xalqa Öcalanı sevimli göstərməyə çalışdılar, bunun yalan olduğunu izah etdik. PKK-nın əsil üzünü göstərdik, beləliklə İngiltərə dərin dövlətinin əlindəki bütün oyunları puç etmiş olduq.

Üst ağıl, İngiltərə dərin dövləti içində formalaşmış dəccaliyyətdir. Dəccaliyyət İngiltərə dərin dövlətindən də istifadə edir.

Türkiyənin Cənub-Şərqi Anadolu bölgəsini ayırmaq, İstanbulu və İzmiri ayrı bölgələr etmək, Anadoluda kiçik bir sahə saxlamaq və camaatları ləğv edib rumilik fəlsəfəni hakim etmək, İngiltərə dərin dövlətinin çox köhnə planıdır.

Dəccal dindarlıq iddiası, şirk dini və xurafatlarla ortaya çıxar. Dəccalın təqdim etdiyi xurafat dini marksizm kimi, darvinizm kimi tiryək təsiri göstərər.

Darvinizm də bir dindir. Kainatın yaradılışını öz aləmində təsadüflə izah edən inanc sistemidir, dəlili olmadığı halda buna iman gətirənlər var.

Dünyəvi təhsilin olması üçün həm darvinizm, həm də onun əsassızlığını izah edən yaradılış həqiqəti eyni anda təhsilə daxil edilməlidir.

İngiltərə dərin dövlətinə tərəfdaşlıq edənlərin çoxbilmişlikləri, xalqa yuxarıdan aşağı baxmaları, qibtə edənlərdən olmaları, çox kitab oxuyurmuş kimi görünmələri, homoseksuallığı müdafiə etmələri, özlərini daha mühüm insan hesab etmələri, yarı ingiliscə danışaraq ədalı olduqlarını zənn etmələri ortaq cəhətləridir.

Mehdi (ə.s)-dan başqa İngiltərə dərin dövlətinin meydana gətirdiyi dəccaliyyət sistemini yox edəcək bir güc hazırda dünyada mövcud deyil. Dəccaliyyətin fəlsəfəsi olan darvinizmi inkar edə bilmirlər və dəccaliyyətin fəlsəfəsi olduğundan xəbərləri belə yoxdur. İftixarla sevə-sevə tələbələrə öyrədirlər və açıq-aşkar Allah inkar edilir.

İngiltərə dərin dövlətinin xüsusiyyəti homoseksuallığı müdafiə etməsi, Rumiliyi müdafiə etməsi, darvinizmi müdafiə etməsi və İslamın hökmlərini ləğv edib təkcə adını saxlamasıdır.

Amerika xalqını da, İngiltərə xalqını da sevirik. Bizim qarşı olduğumuz İngiltərə dərin dövlətinin əxlaqsızlığı və dünyaya çəkdirdiyi əzablardır.

Nə vaxtsa İngiltərə Avropa İttifaqından çıxar. Avropa İttifaqı da dağılar. Çünki sevgi yoxdur, onlar niyə birləşsin ki? Avropa İttifaqının təməli sevgiyə əsaslanmalıdır.

Hazırda dünyadakı şeytani hadisələr həmişə İngiltərə-Fransa bölgəsindən başlayır. İngiltərə, Fransadan dinsizlik, imansızlıq məsələsində çox istifadə edər. Bütün dinsiz lojalar həmişə Fransadadır. Yəni Fransız mason lojalarının böyük hissəsi dinsizdir.

Kiprin 98 min qızıl qarşılığında İngiltərəyə verilməsi də Əbdülhəmid dövründə baş tutmuşdur.

Əbdülhəmid dövrü haqqında bir çox mövzu səhv bilinir, Kipr qızıl əvəzində İngiltərəyə verilmişdi, bir çox insan bunu da bilmir.

Xəyali bir Əbdülhəmid dövrü yaradılıb və əksəriyyət buna inanır. Sənədlərə baxıldığı zaman rəsmi fahişəxana bu dövrdə açılır. İmperiyanın hər tərəfində darvinist təbliğat başlayır, Kipr İngiltərəyə kirayə verilir, rakı və pivə zavodları bu dövrdə açılır.

İngiltərə dərin dövləti bəzi İslam ölkələrini çox rahat istiqamətləndirir. Ərəb dünyasında əvvəlcə radikal milliyyətçiliyi qızışdırdılar, sonra baasizm yayıldı və sosializm bütün ərəb dünyasında hakim oldu. İslam aləmi parça-parça oldu. İndi bu təxribatı aradan qaldıracağıq inşaAllah.

Misirdə, Səudiyyə Ərəbistanında və digər bir çox yerdə müsəlmanları daxili münaqişələrin artdığı böyük bəlanın içinə çəkməyə çalışırlar.

Türkiyə, İran, Pakistan, Rusiya və bütün İslam ölkələrinin mütləq birləşməsi, ittifaq etməsi lazımdır.

İslam ölkələri arasında viza olması heç qəbul ediləcək şey deyil. Anasını, atasını, bacı-qardaşını ziyarət etməyə gələndən viza soruşulmaz. Müsəlman aləmi olaraq biz bir ailəyik, ailə içində minalanmış sərhədlər, maneələr, vizalar olmayacağına görə müsəlmanlar arasında da olmaz.

İngiltərə dərin dövləti İslam ölkələrindəki gəncləri fahişəlik bataqlığına sürükləyib özlərinə bağlanmağa məcbur edirlər. Asiyada bir çox dövlətə İngiltərə dərin dövləti hakimdir. Rohinca müsəlmanlarının bu cür əzilməsinin təməlində də bu var.

Rumların, musəvilərin varlığı gözəllikdir. Onlar da bu ölkənin bəzəyidir, hamısı bizim qardaşımızdır. İslam ölkələrində musəviyə rast gəlmək demək olar qeyri-mümkündür. Halbuki hər yerdə olsunlar, hər yerdə rahat yaşasınlar.

Münafiqlər İslamın özlərinə faydalı olan hissələrindən istifadə edib, mənfəətlərinə uyğun olmayan hissələrini isə qəbul etməzlər.

Allahın sənətini anlamaq, layiqincə təqdir etmək və həmişə yadda saxlamaq vacibdir. Əks təqdirdə niyə elmi mübarizə apardığını unudan şüursuz müsəlman modeli meydana gələr Allah qorusun. Dərin iman olmadıqda sevgiylə, ağılla mübarizə aparan şüur da meydana gəlmir.