Adnan Oktar A9 TV; 24 oktyabr 2016

İslamı müdafiə edirmiş kimi görünüb müsəlmanlara yaraşmayan dildən istifadə etmək çirkin hərəkətdir. Özləri İslama uyğun yaşamayanlar müsəlmanları tənqid edirlər.

Mən səhv yolda olan insanların daha pis yola getmələrini deyil, qazanılıb doğru yola gəlmələrini istəyirəm. Bunun üçün üslubum hər zaman şəfqətlidir, pisliyə belə yaxşılıqla cavab verməkdir. Tənqid etdiyim insanları alçaltmaq deyil, qazanmaq istəyirəm.

Bir insanı tənqid etdiyim zaman o insanın xilas olması, etməkdə olduğu səhvi düzəltməsi üçün edirəm. Müsəlmanlara qəzəbim olmaz.

Mömini tənqid edərkən bu tənqid Qurana uyğun olmalıdır. Tənqid edənlər də hansı ayəyə uyğun deyil deyə dəlil göstərməlidir.

İstəyən tənqid edə bilər, lakin qanuni hökuməti dövlət çevrilişi ilə devirməyə cəhd etmək rüsvayçılıqdır.

Müsəlmana edilən tənqidin Quranla olması lazımdır. Öz məntiqinə görə deyil, “Qurana görə belədir” deyərək tənqid etmək əhəmiyyətlidir.

Türkiyə olaraq həmişə doğruya təşviq edən mehriban üslub işlətməyimiz lazımdır. Həmişə zidd, tənqid edən üslubla nəticə alınması mümkün olmaz.

Təkcə tənqidi üslub işlədərək insanları və səhvləri düzəltmək mümkün olmaz. Müsbət, ağıllı, mülayim üslubla çıxış yolu əldə etmək asandır.

Müsəlman qulaqdan dolma məlumatla tənqid edilməz. Ayə ilə, Quranla danışıb; “bu ayəyə görə səhv edirsən” deyə tənqid etmək lazımdır.

Müsəlmanı tənqid edərkən Quran ayəsi ilə danışmaq əhəmiyyətlidir. "Mənim məntiqimə görə" deyil, "Qurana görə belə olmalıdır" deyilməsi lazımdır.

Biz bir insanı tənqid etdiyimiz zaman o insanın səhvlərinin düzəlməsi üçün tənqid edərik, heç kimin əzilməsini istəmərik.

“Təhqir etmək azadlığı” deyə bir şey heç bir demokratik ölkədə yoxdur. Hər kəs tənqidini və düşüncəsini hörmət içində ifadə etməlidir.

Müsəlman səhv edə bilər, səhv etməkdən qorxmamaq lazımdır. Çox böyük səhv də edə bilər, müsəlman qardaşını xəbərdar edər, lakin xəbərdarlığa dəlicəsinə reaksiya vermək çox anormaldır. "Yaxşı düşünərəm" deyərsən, "Allah razı olsun etməyə çalışaram" deyərsən olub bitər. Həddindən artıq reaksiya vermək anormal hərəkətdir.

Mömin nəsihətə açıq olmalıdır. Xətalı olması problem deyil, lakin söz dinləyən olmalıdır. Yəni həyasız, nəzakətsiz olmamalıdır, lovğalıq etməməlidir. Nəzakətiylə Quran ölçüsü çərçivəsində dinləyib: "etməyə səy göstərəcəyəm" deməlidir, edə bilməsə də.

Bir insan nəfsini dəli kimi müdafiə edirsə, bu əqli xəstəlikdir. İnsan orada dayanmalıdır, Allaha sığınmalıdır. "Mən necə bu qədər anormal bir insan ola bilərəm?" deməlidir. Qarşı tərəfi ağıllı şəkildə dinləməlidir. Müsəlman, yaxşı işlər görməyi əmr edib, pis əməlləri qadağan etməyə meyillidir. Buna görə də ağlı çox gözəl inkişaf edər.

Allah Quranda insanın normal ağıla sahib olmasını təmin edəcək, çox gözəl sirlər vermişdir. Bir kərə insanın özünü Allaha həsr etməsi, bütün əxlaqsızlığı və anormallığı aradan qaldırır. Təvəkküllü olması özünə verdiyi əziyyəti aradan qaldırır. Səbirli olduğunda, hər kəslə dost olur. Vəfalı olduğunda, hər kəsin sevəcəyi şəxsiyyətə sahib olur. Özünü tənqid etdikdə ağlı başına gəlir. Başqası tənqid etdikdə isə, tamamilə ağıllı hərəkət edən, əməli və sözü bir-birini tutan bir insana çevrilir, sevilən bir insana çevrilir.

Bəzi insanlara diqqət yetirin, özünə tək bir söz belə dedirtməz. Hamısına tək-tək izah gətirər. Həqiqətən tənqid olunacaq şeyi qəbul etməz. Bu böyük ziyan verər və insanda çox ciddi psixoloji problem meydana gələr. Yaxşı baxın, görərsiniz. Lakin özlərini tənqid edənlər çox həlim olurlar. Nə etdiyini çox yaxşı bilən, eləcə də, sözü və əməli bir-birini tutan insan olurlar. Bunu da görə bilərsiniz. Bu Quranın bir möcüzəsidir.

Ağılla hərəkət edən və nə etdiyini bilən insan olmaq üçün, mütləq nəfsi tənqid etmək lazımdır. Hərdənbir olsa da, mütləq tənqid etmək lazımdır. İnsanların içində də tənqid etmək lazımdır. Bu zaman insan ağılla hərəkət edən və nə etdiyini bilən biri olar. Bu Quran möcüzəsidir. Gözlə görünən möcüzədir.

İnsan özünü tənqid etməsə, mükəmməl hesab etsə dəli kimi olar. Müsəlman mütləq özünü tənqid etməli və etdirməlidir. Əqli sağlamlığı baxımından bu lazımdır. Yoxsa əqli pozğunluq yaranar. Mühakimə qabiliyyəti yox olar. Bəsirəti, fərasəti bağlanar. Baxın ətrafınıza, görərsiniz. Qeyri-stabillik yaradar. İnsan ağılla hərəkət edən biri olmaz.

“Emri bil maruf nehyi anil münker”, bu müsəlmanın yerinə yetirməli olduğu bir vəzifədir. Müsəlman müsəlmanı tənqid edər. Gözəl cəhətlərini təqdir edər. Çatışmayan cəhətlərini xatırladar.

İnsan özünü müstağni görəndə yolunu azar. Müstağni görməməlidir. Həmişə özünü tənqid etməlidir. Açıq şəkildə tənqid etməlidir. Tənqid edənlərə də təşəkkür etməlidir. Onlara Allah razı olsun deməlidir.

İnsan sevdiyi kimsəni tənqid edər. Dost tənqid edər. Dostun tənqid etməyi insanlara acı gələr. Amma dərman kimidir.

Bir ölkədə tənqid varsa, deməli, həmin ölkə azad ölkədir. Tənqid olmayan məmləkətdə yaşamaq olmaz. Qoy tənqid edən çox olsun. Bu sağlamlıq əlamətidir, gözəllik, canlılıq əlamətidir. Heç kim səsini çıxartmırsa bu ölümdür, ölüm əlamətidir. Müxalif jurnalistlər olsun, müxalif televiziya kanalları olsun, uca səslə danışsınlar.

Gözəl öyüd qəlb qırmayan, təhqir etməyən, sarsıtmayan, narahat etməyən şəkildə olar.