Adnan Oktar A9 TV ; 11 dekabr 2013

İstədikləri oyunu oynasınlar, Türkiyəni böldürmərik. Cənub-şərqdə aslanlarımızı da, canlarımızı da, gözəl analarımızı, gözəl bacılarımızı da kommunistlərin əlinə vermərik.

Cənub-şərqi Paris kimi, London kimi edəcəyik və çox keyfiyyətli edəcəyik. Cənub-şərqlə oynanılan bu mərhəmətsiz oyunu da pozacağıq, inşaAllah.

Cənub-şərqi Allahın izni ilə Parisə, Londona bənzədəcəyik, cənnət kimi olacaq. Qardaşlarımızın çəkdikləri əziyyət kifayətdir.

Cənub-şərqdəki kürd qardaşlarım mənim canlarım, analarım, bacılarımdır. Mən onları Stalinistlərə, kommunistlərə təslim etmərəm. Nəyin bahasına olursa olsun təslim etmərəm. Bunu unudacaqlar.

Kommunist düşüncədə fikirlərin bölünməsi adlı bir məsələ yoxdur. Liderə qeyd-şərtsiz itaət vardır. Onlardan ayrılanı yaşamağa qoymazlar. Necə ki, bunu, Fransada öldürülən PKK-lı qadının simasında da gördük.

PKK çoxbilmişlik, qoçuluq etməkdən əl çəkməlidir, bununla nəticə əldə edə bilməz. Türk dövləti ultimatumla hərəkət etməz.

Türkiyədə İslam Birliyi olacaq. Türkiyənin bölünməsinə yol vermərik. Cənub-şərqli qardaşlarımızı Stalinist-kommunistlərə, PKK-ya təslim etmərik. Oradakı analarımızı, bacılarımızı kommunistlərə qənimət olaraq vermərik. Əbəs yerə qoçuluq etməsinlər. Bundan əl çəkəcəklər.

PKK cəhənnəmi, bəlanı müdafiə edir. Allah sevgisindən uzaqdır. Dağlarda adam öldürür. Bundan imtina etsin, xeyiri, yaxşılığı müdafiə etsin, İslam Birliyini müdafiə etsin.

PKK, küfr mütləq məğlub olur. Dünyada, diqqət yetirsək, küfr heç vaxt qalib olaraq davam etməyib. Küfr mütləq hüsranla bitər.

MHP tək başına həmişə həm PKK təhlükəsinə, həm də kommunist qiyamına qarşı dəfələrlə çox gücə malikdir. Tam əmin olaraq deyirəm, MHP PKK qiyamına və kommunist qiyama gücü çatacaq mövqedədir. Hər yerdə: havada da, quruda da, dənizdə də güclüdür.

Biz televiziya verilişləri ilə, radio yayımları ilə, internetlə Cənub-şərqdəki qardaşlarımızı maarifləndirməyə davam edəcəyik. Maarifləndirdik və fəlakət, bəla geniş dairədə həll edildi. Həll edilməyə də davam edəcək, inşaAllah.

Bəzi sağçı görünən kommunistlər də Cənub-şərqi Anadolu regionunun bölünüb vətəndən ayrılmasını istəyirlər.

Xalqın çox hissəsi dəhşəti, gücü kim əlində tutursa ona meyl göstərər. Buna görə bu seçkinin ədalətli olması üçün, dövlət Cənub-şərqdə gücünü göstərərək xalqın üstündəki dəhşət və qorxunu tamamilə qaldırmalıdır. Yoxsa PKK-nın silahlarının kölgəsində aparılan seçkinin ədalətli bir seçki olması çox çətindir.

Cənub-şərqi Anadolunu bölmək üçün tələsənlər var, buna heç vaxt icazə vermərik. Sağın bir qismi də cənub-şərqi verməyə həvəslidir.

PKK respublika tarixinin ən böyük kommunist cəhdidir. Kommunist bir hərəkat heç vaxt fəaliyyətini dayandırmaz. Sadəcə bir addım irəli atdıqdan sonra, iki addım geri atar. Bu Leninin taktikasıdır. Ancaq təhsillə: anti-darvinist, anti-materialist, anti-marksist təhsillə PKK-ya qarşı mübarizə aparmaq olar.

Darvinizmin çökdüyünü ən sonuncu dağdakı PKK öyrəndi və PKK əsas darvinizmin çökməsi ilə gücünü itirdi. Çünki PKK-nın ideologiyası olan kommunizm və marksizm darvinizmə əsaslanır.

PKK mədəni, elmi cəhətdən gəncləri zəhərləyərək böyük bir kütləni idarəsi altına ala bilər. PKK-nın siyasi məqsədi bu kommunist təbliğatdır.

PKK İslam Birliyini bir dəfə ön plana alsın. İslam Birliyi olanda, İslamın şəfqəti, mərhəməti bölgəyə hakim olanda onların ağıl verməyinə ehtiyac da qalmayacaq. Hər kəs rahat olar. Məhkum olan, hətta məzardakı belə rahatlaşar. Kimsə ağrı-acı çəkməz. Onlar bunu tam aradan qaldıra bilmirlər. Müsəlman onsuz da şəfqətli, mərhəmətlidir. Mehdiyyətin, İsa Məsihin şəfqətinə güvənsinlər. Nə Mehdi, nə İsa Məsih heç kimə zülm etməz. Onlar kiminsə çətinliyindən xoşbəxt olmazlar.

"Məhv olsun PKK!" deməklə heç nə əldə edə bilməzsən. Əksinə, belə desən, PKK böyüyər. Kitabla, CD ilə, elmlə, mədəniyyətlə darvinizm-materializmə qarşı mübarizə aparsan, lap başda zəhərin axmasını dayandırarsan. Əks təqdirdə istədiyin qədər qışqır, çığır, əksinə qat-qat inkişaf edər. Elmlə, mədəniyyətlə, mərhəmətlə, ağılla, nəzakətlə, şəfqətin gözəlliyi ilə məsələ kökündən həll olar. Şəfqət sakitləşdiricidir, ağılı açar.

Cənub-şərq canlarımızın çətin vəziyyətdə olduğu bir bölgədir. Allah savablarını qat-qat artırsın.

Kommunist düşüncə cənub-şərqə qəsdən zəhər kimi axıdıldı.

Cənub-şərqdən polisi, əsgəri çəkmək, təhlükəsizliyi azaltmaq xalqın böyük bir hissəsini qorxuya və PKK-ın gücünə hörmət etməyə sövq edər. Orada təhlükəsizlik qüvvələri çox olmalıdır. Polis, əsgər və daxili qoşunların gücü yüksək olmalıdır. Xüsusilə vətəndaş ünsürləri güclü olmalıdır. Yəni mülki qolun gücü yüksək olmalıdır.

Edam cəzasının dünyada aradan qaldırılması lazımdır. Ömürlük həbs edirsənsə et. Asmağa nə ehtiyac var? Adam tövbə etsin, Quran oxusun, namaz qılsın. Sən adamı cahil halında tez-tələsik asırsan. Yəni adamın axirətini də, dünyasını da yandırmış olursan. İmkan ver tövbə etsin, özünü toplasın, çatışmazlığını aradan qaldırsın.

İslam ölkələrinin orduları, 70 müxtəlif nöqtədən, 70 diviziya yaxud 70 biriqada ilə Suriyaya girsə 3 saat, 4 saatda iş bitər. Suriya müqavimət göstərməz, zülm də bitər. Çox asandır.

Müsəlmanların bir-birini sevməsi və dəstəkləməsinə İslam Birliyi deyilir. Bu tətbiq olunduqda məsələ bağlanar. Çox asandır.