Adnan Oktar A9 TV; 14 fevral 2014

Belə rahatlıqla evlərinizdə oturub çeklə, sənədlə, ticarətlə məşğul olmağınız, məktəblərinizi bitirib, evlənib, işinizdə-gücünüzdə olmağınız bir başqa dünya olur. Belə bir şeyə Allah icazə verməz. Allah dünyanı bunun üçün yaratmadı. Allah, Mehdi (ə.s)-ın zühurunu, İsa Məsihin zühurunu, İslamın dünyaya hakimiyyətini istəyir.

Dünya çox qısadır, hamımız gedəcəyik. Hamımız inşaAllah cənnətə gedərik. Qısa bir imtahan dövründəyik. Əhəmiyyətsiz şeylər üçün bir-birimizi qırmayaq, xəcalətli etməyək, kədərləndirməyək, ağzımızdan çıxacaq sözlərə fikir verək.

Çox qısa kursdayıq, çox qısa. Gecə-gündüz təhsil alırıq, özümüzü təkmilləşdiririk, cənnət tərbiyəsi alırıq. Cənnət tərbiyəsi almadan cənnətə getsək robot kimi olarıq. Cənnətdə sonsuz zövq almağımız üçün bu təhsildən keçməyimiz lazımdır.

Haqq yolda irəliləyərkən Allah imtahan olaraq çatışmazlıqlar, tərsliklər də yaradır. Amma sonunda haqq qalib gəlir. Mütləq ziddiyyətlər olacaq. Çətinliklər mütləq olacaq. Əks halda imtahanın bir mənası qalmaz.

Yaxşıların qiymətinin bilinməsi üçün Allah xətaları da yaradar, səhvi olan insanları da yaradar. Hər zaman yanlış insanlar olar, səhvli insanlar olar. Amma yaxşılar səhvi olan insanların içərisində fərqlənir. Xətalı insana ehtiyac vardır. O zaman imtahanın sirri ortaya çıxar, inşaAllah.

Allah uşağı da tərbiyə edər. Quranda hz. İsmayıl (ə.s)-ın, hz. Yusuf (ə.s)-ın başına gələn hadisələrdə olduğu kimi, uşaqlar da imtahan olunar. Allah uşaqları da çətinliklərlə, asanlıqlarla sınayar ki, böyüyəndə onu xatırlasın. Böyüdüyündə onu xatırlaması imtahanın bir şərtidir.

Dünya imtahan məqsədi üçün yarandığına görə, dünyada həm mələk kimi, həm də şeytan kimi insanlar var.

Yaşamaq çətindir, insan dünya həyatında onsuz da çətinlik içində imtahan verir. Bununla yanaşı bir də qatı dinçilik olduqda bunu heç kim qəbul etməz.

Allah səbri əsas götürür. Bura imtahan yeridir. Axşam nişan, səhər toy olmaz. Mütləq ki, əziyyətli uzun bir dövr keçəcək. İmtahan olunacaqsan.

Yaşamaq onsuz da Allah tərəfindən çətin yaradılmışdır, bir də sən ifratçılığı əlavə etsən insanları dəli edərsən. İnsanın ifratçılığı daşımağa gücü çatmır.

Mütləq yaxşılar və pislər olacaq. Yaxşılarla pislər mübarizə edəcək, amma pislər məğlub olacaq. Yaxşılar isə qalib gələcək. Onlar cənnətə hazır, öyrədilmiş vəziyyətdə gedirlər. Sevginin, şəfqətin, mərhəmətin, estetikanın, gözəlliyin, keyfiyyətin insanları olaraq cənnətdən həzz alarlar. Əgər insan bu təhsili almasa, cənnət onun üçün bir şey ifadə etmir.

İmtahan o qədər əhəmiyyətlidir ki, imtahan verməsək cənnət mənasız olar, Allah göstərməsin. Bu, çox mühüm məsələdir. Sevgi öz mənasını tapır. Çünki sevgini öyrənmək lazımdır. Səbir, şəfqət yoxdursa, kainat mənasız olur.

Körpələr niyə ölür? Körpələr onsuz da mələk olaraq gəlir və mələk olaraq da gedir. Onlar xüsusi olaraq yaradılır. Dünyaya vildan kimi gəlir, dünyadan cənnətə də yenə vildan kimi gedirlər. Allah deyir ki, Mən vildanımı siz görün deyə göndərdim, axirətdə də sizi qarşılayacaq, səbir etsəniz, cənnətdə o sizin vildanınız olacaq. Məsələ budur.

Allah sevdiyi, seçdiyi qulunun müsibətini artırar. Sıxıntı gəlməsə düşün ki, görəsən, məndə nə qəribəlik var. Müsibət gəlirsə həmd et. Müsibətlər külək kimidir gəlib keçər, özündən sonra gözəlliklər buraxar.

Allah təbii ki, sənin sevgini sınayacaq. Nə qədər Allaha bağlısan, təbii ki, buna baxacaq. Sənə göstərəcək. Allahı nə qədər sevdiyini özün görəcəksən. Nə qədər sadiq olduğunu görəcəksən.

İnsan heç vaxt sevgilisini tərk etməz. Allah əsl sevgilidir. Bütün hallarda, hətta 7000 il keçsə də əziyyətə səbr edilər. Bu, aşiqin xüsusiyyətidir. Allah Ona sevgiyə görə səbr edilməsini çox bəyənər. Eynilə aşiq əlamətidir.

Aşiqin xüsusiyyəti nədir? Bütün əziyyətlərə, çətinliyə baxmayaraq sevgilisini tərk etməz. Ən çətin şərtlərdə belə sevgilisini tərk etməz. Allah da Ona qarşı bu sevimli ruhunu nə qədər yaşadığımızı bizə göstərir. Çünki axirətdə ən çox zövq alacağımız Allahın varlığı, təcəllisi olacaq.

Mömin gözəli çirkini görəcək, gözəli seçəcək, çirkinlikdə də hikmət axtaracaq. Cənnətdə heç çirkin yoxdur, sırf bu dünyada imtahan üçün çirkin yaradılar. Cənnətdə hər şey gözəldir; ağaclar, bitkilər, insanlar, uşaqlar, bütün yeməklər, hər şey.

Aydındır ki, dünya xüsusi olaraq yaradılmış təhsil yeridir. Buraya tamah salınacaq, bağlanılacaq bir cəhət yoxdur. Bir də ehtirasla bağlanmadıqda Allah möcüzəvi şəkildə möminlərə kömək edir, gözəl bir mühit yaradır.

Hər gün insan ölür. Biz dünyadayıq, imtahan mühitindəyik. Hər gün xəstələnən insanlar olur. Matəmi haradan çıxarırsan? Quranda yoxdur. İslam dinində belə bir anlayış yoxdur. Ancaq müşrik xarakterdə var, bütpərəst inancda vardır. Çoxilahlı dinlərin xüsusiyyətidir. Amma İslamda belə bir şey yoxdur.

Allah ilk öncə nəfsə təcavüzkar, qeyri-normal, yanlış duyğuları verir, amma ondan qorunmağın yollarını da Quranın xətti ilə göstərir. Onsuz da imtahan sisteminin əsasında bu dayanır. Nəfsə olduqca təhlükəli baxıb, ayıq və diqqətli olmaq lazımdır. Hər şeydə Allahın rizasının ən çoxu nədir, onu axtaracağıq.

Bizim dünyaya gəlmə məqsədimiz imtahandır, Allaha qulluq etməkdir. Allaha qulluq edərkən, imtahan olunarkən ən əhəmiyyətli hadisə sevgidir. Allah sevilmək istəyər, qullarını sevər.

Allah səni dünyaya yeyib-içməyə, yatıb dincəlməyə göndərməyib. Allah səni qul olmaq, dua etmək, İslamı yaşamaq, din Allahın olana qədər, fitnə yer üzündən qalxana qədər mübarizə etmək üçün göndərib.

Zəkalı olmamaq günah deyil, daha çox savab qazanar. Gözəl olmamaq günah deyil, GÖZƏL BİR SAVAB ALSA, ÇİRKİN ON SAVAB QAZANAR.

ALLAH BİZİM XOŞBƏXTLİYİMİZİ İSTƏYİR. Amma haqqı ilə xoşbəxt olmağımız üçün də mütləq bu imtahandan keçməyimiz lazımdır. Əks halda cənnətdə zövq ala bilməzsən, Allah əsirgəsin.