Adnan Oktar A9 TV; 20 may 2016

İnsan cəhənnəmə əzabını özü gətirir. Özünü yandıracaq əzabı ora özü gətirir. Dünyadakı bütün sıxıntısı onunla birlikdə ora gedir. O sıxılma, qorxma, narahat olma, əzab çəkmə xüsusiyyətini. Allah bunu cənnətdə möminlərin üstündən qaldırır, lakin küfrün üstündən qaldırmır. Öz oduyla ora gedir. O öz oduyla orada yanır.

Allahın etdiyinə inanırsansa, bəs niyə kədərlənirsən? Allahın etmədiyinə inanırsansa onsuz da məhv olmusan deməkdir, Allah qorusun qarşılığı cəhənnəmdir.

Münafiq cəhənnəmdə belə fitnə axtarır, həmişə narahatdır və heç vaxt Allaha sığınmaz. Allah o anarxist ruhunu, o dəli ruhunu, həmişə narahat olan ruhunu ən narahat halda tutar cəhənnəmdə. Mömin də dünyada rahat olduğu üçün, cənnətdə ən rahat halda yaşayır, heç narahatlıq yaşamaz.

Allah istəsə küfr əhlini yaratmazdı. Möminin cənnətinin genişlənməsi üçün, münafiq və kafir lazımdır. Bunlar olmadan möminin cənnəti genişlənmir. Mənəvi mövqe ala bilmir. Mütləq münafiq və kafir lazımdır. Kafir və münafiqin də cəhənnəminin genişlənməsi üçün müsəlman lazımdır. Yoxsa o da genişlənməz.

Münafiq əlamətlərindən bəhs edildiyi halda, əgər münafiq özünü düzəltməsə cəhənnəmin dibinə doğru irəliləməyə davam edər. Cəhənnəmi mümkün qədər genişlənər.

Cəhənnəm əhli ağılsız olduğu üçün cəhənnəmdən çıxış yolu olacağını zənn edər və həmişə özlərini alçaldarlar.

Təkamülü müdafiə edən, təsadüfən meydana gəldiyini iddia edən insanların cəhənnəmdəki bədənləri özlərinin bu dünyada iddia etdikləri kimi mutasiya ilə meydana gəlmiş kimi qarmaqarışıq və yararsızdır.

Cəhənnəm vəhşi, dəli heyvan kimidir. Həmişə əzmək, yandırmaq, dağıtmaq, əzab vermək istəyər. Küfr əhlinə qarşı, münafiqlərə qarşı təcavüzkardır.

"Ey Rəbbim, mənə və bütün müsəlman qardaşlarıma" deyə dua edilər. Təkcə özünə dua etmək olmaz, çünki bütün möminləri cəhənnəmdən qurtarmaq üçün səy göstərmək fərzdir.

Necə ki, biz cəhənnəmi gördükdə cənnətin qiymətini daha yaxşı anlayırıqsa, cəhənnəm əhli kimi olan münafiqi gördükdə də müsəlmanların və imanın qiymətini daha yaxşı anlamış olarıq. Müqayisə aparmağa imkan yaradar.

Cəhənnəm əhli necə vurnuxur, qaçmağa çalışır, oyun oynamağa çalışır, lakin hər dəfə rəzil-rüsvay olursa; münafiq də cəhənnəm əhli kimi dəhşətli dərəcədə vurnuxur.

Cənnət modelinə sahib olmalıyıq. Allah, dünyanı cənnətə bənzətməyimizi istəyir. Yəni insan ənənəvi ortodoks inancla dünyanı cəhənnəmə bənzətsə; ənənəvi ortodoks inanc avtomatik surətdə cəhənnəm görünüşünü meydana gətirir.

Cəhənnəmin çox fərqli əzabları vardır. Cəhənnəmdə həyat sıxıcı və mənasızdır, dar, qaranlıq küçələri vardır. Cəhənnəm əhlinə verilən ən böyük əzablardan biri cənnət əhlinin nemətlərini və gözəlliklərini görmələridir. Həmçinin vücudlarına da verilən əzab vardır.

Allah Quranda Ona üsyan edənləri qorxutmaq üçün cəhənnəmdəki əzabları izah edir.

Cəhənnəm dərəcə-dərəcədir. Yəni, cəhənnəmin hər yerində atəş yoxdur, hər yerində eyni şey yoxdur. Azğın adamlar üçün şiddətli əzab vardır. Cəhənnəmin bəzi yerləri daha sakitdir.

Nə qədər açıq olursa olsun, bəzi insanlar öz ağıllarına görə Allahı tək buraxmağa çalışır. Allah da onları iztirabla, ağrıyla Özünə qayıtmalarına çalışır. Amma buna baxmayaraq insanların bir qismi böyük qəflətə düşür. Allah o insanlara hidayət versin. Hər kəsə, hamımıza hidayət versin.

Ağrını, əzabı Allah müsəlmanlara haram qılmışdır. Müsəlman bunu istəməyəcək. Başqasına da, özünə də ağrı-acı çəkdirməyəcək. Allah "Allah insanlara zülm etməz, insanlar ancaq özlərinə zülm edir" deyir.

AB-nə daxil olmamağımızın əsl səbəbi az saylı fanatiklərdir. Avropa Birliyi müsəlmanlardan deyil, fanatizmdən çox çəkinir.

Cənub-şərqdəki bacı-qardaşlarımıza Mehdi müjdəsini verək. Bir az səbir etsinlər, artıq az qaldı, inşaAllah. Kiçik torpaq parçasında əsir olmayacaqlar. İran sərhədini də, İraq-Suriya sərhədini də açacağıq.

Sən axirətə lağ etməklə axirətdən xilas olacağını və yaxud axirət qorxusundan azad olacağını zənn edirsənsə yanılırsan. Daha da günahkar olarsan, işgəncən artar, əzab çəkərsən.

Möminlər cənnətdə ən çox Allahın təcəllisini görməkdən həzz alırlar. Heyrətamiz sevinc yaranır. Allah salam verdiyi zaman, möminlər zövqdən özlərini itirirlər.

Cənnətdə hər kəs gözəl əxlaqlıdır. Kin, qəzəb qətiyyən yoxdur. Qorxu yoxdur. Narahatlıq yoxdur, kədərlənmə yoxdur. Bunlar dünyada xüsusi olaraq verilib.

Cənnət sevgi yurdudur. Allah möminlərə, möminlər də Allaha sevgilərini ifadə edirlər. Allah möminləri sevdiyini söyləyir, möminlər də Allahı sevdiklərini söyləyirlər.

Cənnət sonsuza qədər bitməyən ziyafət yeridir. Sonsuza qədər xəstəlik, dərd, sıxıntı, heç nə yoxdur. Yuxu yoxdur, yorğunluq yoxdur. İstədiyin kimi gəzərsən. Təbii ki, Allahı yada salmaq vardır. Həmişə Allaha şükür etmək, Allahı yada salmaq vardır.

Cənnətdə dünyadakı bütün texniki cihazların ən təkmilləşmişi, ən mükəmməli var. Allah bunları da eyni sistemlə yaradır. Avtomobil, qayıq, təyyarə, hamısı var. İstəyən avtomobil yarışı keçirər, istəyən qayıq yarışı keçirər. Yəni insanların xoşladığı hər şey cənnətdə var.