Adnan Oktar A9 TV; 28 fevral 2017

Tramp, İrana qarşı mehdiyyətin şəfqət, mərhəmət cəhətindən bəhs edərək nəticə ala bilər. Silahlanma ilə həll yolu meydana gəlməsi mümkün olmaz. Amerika Rusiya ilə ortaq hərəkət etdiyi zaman İranla arasındakı anlaşmazlıqları da həll edə bilər. İngiltərə dərin dövlətinin qarşıdurma oyununa düşməsinlər.

Kəhf surəsi əvvəldən axıra mehdiyyəti izah edir. Kiçik bir gənc qrup, mağaraya sığınmaları həmişə mehdiyyətin izahatıdır.

Kitab əhli ilə müsəlmanlar arasında bənzərliklər olması, haqq dinlər silsilə olaraq gəldiyi üçün, normaldır. Mehdilik bütün haqq dinlərdə var.

Mehdi inancı bütün keçmiş inanclarda və haqq dinlərdə var. Allahın nazil etdiyi bütün Kitablarda mehdiyyət var.

Mehdiyyətin İsrail mənbələrində olması mehdiyyətin Allahın bildirdiyi haqq mövzu olduğunun sübutudur. Mehdiyyət hz. Adəmdən bəri bütün dinlərdə var.

Mehdiyyət hz. Adəmə, hz. İbrahimə, hz. İdrisə verilən səhifələrdə hz. Musaya, hz. Davuda, hz. İsaya endirilən kitablarda var. Bu mehdiyyətin haqq olduğunun sübutudur.

Allah Quranda hz. Musaya tabe olan musəvilərdən Haqqa kömək edən, mehdiyyətə dəstək olan bir qrup olduğunu bildirmişdir. (Əraf surəsi, 159: Musanın qövmündən haqqa yönəldən və onunla ədalətli davranan bir camaat var.)

Hz. Süleymanın təbliğ üsulu gözəllik, incəsənət, zənginlik, estetika, keyfiyyət və ehtişam idi. Memarlıqda, incəsənətdə həmişə mükəmməllikdən istifadə etdi.

Hər məzhəbin halalları və haramları ayrıdır. Ortaya 4 ayrı din çıxıb. Bu, Axırzamanın fəlakətlərindən biridir. Bu, mehdiyyətlə düzələcək.

Heç sevəni olmayan, özünü müsəlmanlardan üstün görən, həmişə müsəlmanları təhdid ünsürü kimi göstərməyə çalışan din texniki tiplərin həqir və yaltaq xarakteri olur. Hədəfləri darvinizm, materializm, dinsizlik deyil, müsəlmanlar olur. Bunlar ümumiyyətlə imana vəsilə olan iş görmək əvəzinə din vasitəsilə pul qazanan, müsəlmanları narahat edən, əllərindəki imkandan müsəlmanlar əleyhinə istifadə edən insanlar olur.

Dabbətül-ərz ilə əlaqədar hədisləri araşdırdığımız zaman bugünkü internet və televiziya texnologiyasını xəbər verdiyini görərik.

Dabbətül-ərz, dünyada imanın çökdüyü dövrdə Allahın verdiyi söz, yəni Mehdi zahir olduqda Mehdiyə kömək edəcək internet texnologiyasıdır.

Dünyanın hər yerində bir çox insanın təbliğ edə bilmədiyi mühitdə İslamı izah edirik. Darvinist fəlsəfənin dünyanı boğmasına mane oluruq. Anti-darvinist elmi fəaliyyətimiz imanlı nəsil yetişməsinə səbəb olur. Bəzi mövhumatçı kütlələr onları necə bir bəladan qoruduğumuzu anlamır.

Dindən pul qazanılmaz. İslamı izah etmək müqabilində pul alınmaz.

İslam aləmi qan içindədir, bəziləri “plov yemək sünnədirmi, dezodorant halaldırmı” kimi mövzularla maraqlanır. Mümkün qədər heç bir mövzuya girmədən öz rahatlıqlarını qoruyacaq şəkildə yaşamaq istəyirlər. Bütün bunlara baxmayaraq, biz heç bir mənfəət gözləmədən burada hər zaman münafiqlərə, İngiltərə dərin dövlətinə, darvinizmə, dinsizliyə qarşı var gücümüzlə fikri olaraq mübarizə aparmağa davam edəcəyik.

Mənim zənginliyim təvəkkülümdür. Nə bankda pulum var, nə də özümə məxsus mal-dövlətim var. Mənim zənginliyim Allahdandır. 40 ildən bəri bir gün belə tətilə getmədim, soyuq da olsa, isti də olsa burdayam. Hər imkanımı təbliğ üçün sərf edirəm.

Nə dediyini bilməyən, hər şeyə düşmən olan, gözəllikdən zövq ala bilməyən, sevgisiz, mərhəmətsiz, özü pis, həyatı pis olanları səbirlə öyrədəcəyik.

Allahın sənətini yaxşı başa düşülən şəkildə izah edə bilmək əhəmiyyətlidir. Yaddaşda qalması üçün xüsusi xatırlatma metodlarından istifadə etmək lazımdır.

İman əhlinin internetdən ən təsiredici şəkildə istifadə etməsi çox əhəmiyyətlidir. İnternet insanlara həqiqi məlumatı çatdırmaq üçün Allahın verdiyi nemətdir.

İnternetdən müsəlmanları əzmək üçün istifadə etmək istəyirdilər, tam əksinə müsəlmanlar küfr əhlinin və münafiqlərin sistemini internetlə dağıdırlar.

İngiltərə dərin dövləti internet, smartfon kimi bu əsrin texnologiyalarından münafiqlərin gizli yazışmaları üçün çox effektiv istifadə edir. Münafiqlərin bir-birləri ilə xəbərləşmələri üçün xüsusi hazırlanmış gizli yazışma proqramları olur, bunlardan istifadə edərək məlumat ötürürlər.

İnternet müsəlmanların İslama xidmət etmək üçün münafiqlərin isə alçaqlıq etmək üçün istifadə etdikləri vasitə olur. Saxta hesablarla namərdlik edirlər. Öz hesablarında millətçi, mühafizəkar insan kimi göründükləri halda, saxta hesablarında hər cür alçaqlıq, şəxsiyyətsizlik, iyrənclik hakim olur. Öz hesablarında dindar, alicənab üslubdan istifadə etdikləri halda, saxta hesablarında İslam, din düşməni, vətən xaini xarakter göstərirlər. Münafiq ağılsız olduğundan saxta hesablarının bəlli olmayacağını zənn edir, halbuki saxta hesablardakı ortaq xarakterdən dərhal bəlli olur.

İnternet müsəlmanlara Dabbətül-ərz kimi xidmət edir, lakin münafiqlər üçün də qaranlıq ruhlarını yaşaya bildikləri bir sahə olur. Münafiqlərin çirkli ruhları çox yaxşı ifşa edilsə internet və sosial medianı fitnə üçün istifadə etmələrinin də qapısı bağlanmış olar.

Münafiq cəmiyyət mikrobudur. Harada murdarlıq, əxlaqsızlıq, fitnə varsa, onu müdafiə edər. Bunun üçün də internet və sosial mediadan istifadə edər.

Şeytan insanların arasının dəyməsi üçün dünyaya sevgisizlik cadusu etdi. Bu cadunu israrla Allahdan və sevgidən bəhs edərək yox edəcəyik.