Adnan Oktar A9 TV; 20 mart 2014

Allah imandan qaynaqlanan görünüş verir. Möminlərə xas bir xüsusiyyətdir. Səhabələrin hamısı, Rəsulullah (s.ə.v) heybətli idi, şeyximiz, sultanımız Şeyx Nazim Həzrətləri heybətlidir.

İman olmasa nur, ağıl, dərinlik, ehtiras və sevgi də gedər; yerdə dəhşətli bir boşluq, mənasızlıq, imansızlığın çirki və onun mərhəmətsiz görünüşü qalar. Başqa bir şey qalmaz. Allah əsirgəsin.

Xoşbəxtliyin mənşəyi imandır. İnsan imanla xoşbəxt olar. Çünki şükür edir, həmd edir, hər vəziyyətdə Allaha təslim olur, hər şeydə xeyir axtarır. Küfr ruhunda insanlar hər şeydə şər axtarar. Küfr ruhunda hər şeydə pislik, fitnə, qarışıqlıq axtarar.

Elmlə, mədəniyyətlə İslam hakim olar. Nə siyasətlə hakim olar, nə onunla, nə bununla, nə məktəb açmaqla, heç nəylə olmaz. Bir-bir yalnız iman həqiqətlərini, Quran möcüzələrini izah etmək, mehdiyyəti müjdələmək, Allaha sığınmaq, qardaş olmaq, sevgi dolu, mərhəmətli, nümunə olmaqla hakim olar. Bunlar həll olundusa tamamdır, inşaAllah.

Dünyadakı ən vacib qida, imandan qaynaqlanan sevgidir. Olmadımı bitdi. İstədiyin qədər körpü sal, yol sal, binalar tik. Məsələn, Nyu York çox zəngindir, amma hər gün bir adam özünü öldürür. Hər yerdə intiharlar olur, insanlar narkotikdən istifadə edir.

Mehdi (ə.s) Allaha inandırmağın, Allahı sevdirməyin sənətini biləcək. Bu nədir; Quran möcüzələrini, iman həqiqətlərini, Peyğəmbər (s.ə.v)-in möcüzələrini, maddədəki möcüzələri izah edəcək və insanların hidayətinə vəsilə olacaq.

Qatı dinçiliyin olduğu heç bir ölkə qurtulmaz. Qatı dinçilik dəccaliyyətdir. Həyatımıza qatı dinçilik girsə məhv olar. Üstəlik, qatı dinçilik narkotik kimidir. Bir yerdən başladısa artıq o yavaş-yavaş, təcridlə cəmiyyəti əhatə edər, bəlaya salar. Ona görə də lap əvvəldən qatı dinçiliyə icazə verilməməlidir.

İmana önəm verməyib ticarətə, pula, mənfəətinə önəm verdikdə iman unudular, iman zəifliyi yaranar. Bu zaman da həmin adam üçün nə İslam Birliyi, nə Mehdi (ə.s)-ın çıxışı, nə də İsa Məsih (ə.s)-ın gəlişi əhəmiyyətli olar.

Bədən imanı tanıyır. Bədən və hüceyrələr imanı sevir. Hüceyrələr imanla xoşbəxt olar və haqqı ilə yaşamağa başlayar, sağlam yaşayar. Yəni xəstə olmaz. Əksinə olduqda isə xəstə olar.

İman üzün fiziki olaraq dəyişikliyinə səbəb olur. Normal halda vücud dəyişmir. Bunda bir qeyri-adilik vardır. Yəni iman insan üzündə fiziki dəyişikliyə səbəb olur. İnsanın imanlı olub olmaması ilk olaraq üzündən bilinir. Deməli, iman hüceyrələr tərəfindən tanınır.

Peyğəmbərimiz (s.ə.v)-in möcüzələri ilə hz. Mehdi (ə.s)-a yardımı hz. Mehdi (ə.s)-ın Qurandan sonra ən böyük mənəvi silahıdır.

Axırzaman və Mehdi ilə əlaqədar hədislərdə Mərmərə ilə əlaqədar bir çox təfərrüatın bildirilməsi Peyğəmbərimiz (s.ə.v)-in böyük möcüzələrindən biridir.

Peyğəmbərimiz (s.ə.v)-in hədislərdə bildirdiyi möcüzələrin çıxmasını gizləmək müsəlman üçün necə cəsarətdir? Bunu edən adam heç hiss etmədən dəccala xidmət edər.

Bolluca xurafatlardan danışırlar. Amma Peyğəmbərimiz (s.ə.v)-in həqiqi möcüzələrini gizləyirlər. Bunu edənlərin əleyhlərinə mənəvi cəhətdən bal yığılır.

Peyğəmbərimiz (s.ə.v)-in möcüzələrini bilərəkdən, sırf həsəd apardıqlarına görə gizləyirlər. İstədiyiniz qədər gizlədin, onsuz da biz izah edirik.

Peyğəmbərimiz (s.ə.v)-in möcüzələrini saxlamaq böyük günahdır, ən böyük pisliklərdən biridir.

Mehdi (ə.s)-ın çıxışı ilə birlikdə alimlərin bir qismi mehdiyyətdən və dəccaliyyətdən bəhs etməyi dayandırdılar. Öz ağıllarına görə mehdiyyəti gizlətməyə çalışırlar. Çox əbəs yerə çırpınırlar. Gələcəkdəki nəsillər alimlərin bu susqunluğunu və səmimiyyətsizliklərini heyrətlə xatırlayacaqlar.

Kommunizm, faşizm, vəhşi kapitalizm, satanizm, azğın olan hər cür düşüncə dəccalın övladlarıdır. Dəccal da onların atasıdır.

İslam sevgidir, mərhəmətdir, şəfqətdir, amma dəccaliyyət olmadan mehdiyyət olmur. Əvvəl mərhəmətsizlik daha sonra mərhəmət, əvvəl şəfqətsizlik daha sonra şəfqət, əvvəl sevgisizlik daha sonra sevgi, Allah qiymətini bilsinlər deyə yaradır.

" Beləliklə, Biz hər bir peyğəmbər üçün insanlar və cinlərdən olan şeytanlardan düşmənlər müəyyən etdik." (Ənam surəsi, 112). Deməli, düşmən ehtiyacdır. DÜŞMƏNİ OLMADAN, BİR İNSANIN İMTAHANI DA OLMUR. Düşməni olmalıdır ki, İslama, Qurana xidmət edə bilsin.

Dəccal tərəfdarları Mehdiyyəti dəccal hesab edirlər. Allah elə göstərir. Mehdiyyətə dəccal diaqnozu qoyurlar. Mehdini də dəccal olaraq görürlər. Bu, Mehdinin zühurunu göstərir. Mehdini dəccal zənn etmək, dəccalı Mehdi zənn etmək axır zaman əlamətlərindəndir.

Qəddar, zalım, sevgisiz insanların dəccal tərəfdarı olması məntiqlidir. Allah düşmənləri, Darvinistlər, materialistlər dəccal tərəfdarı, xeyirxah, mehriban, yaradılışı görən insanlar isə Mehdi (ə.s.) və Məsih tərəfdarı olacaqdır.

Xristianlar, Yəhudilər bizim canlarımızdır. Onlarla ittifaq edib elmlə, fikri mübarizə ilə Allahsız, kitabsız dəccaliyyəti aradan qaldıracağıq.

Türkiyə əhəmiyyətli mərhələdən keçir. Birlik və bərabərlikdə olmağımız, ittifaqla hərəkət etməyimiz çox vacibdir.

AK Partiyanın iqtidara gəlişində fəlsəfi təməlini biz hazırladıq. Fəlsəfi təməl hazırlanmadan bir hökumətin iqtidar olması mümkün deyil. Buna görə ən vacib nöqtədən hökuməti dəstəkləmiş oluruq. Baxın, fəlsəfəsini güclü hazırladığımız üçün fəlsəfi istiqamətdən hökumətə kimsə yaxınlaşa bilmir.