Adnan Oktar A9 TV; 11 iyul 2013

Mən İslamın fanatı olmağın tərəfdarı deyiləm. Avropa düşüncəsi ilə yanaşdıqda, səhabələrin yaşadığı, cənnət mənasında bir İslam anlayışını müdafiə edirəm. Dünya cənnətə bənzəməlidir. Cəhənnəmə bənzəyirsə, demək ki, nəsə düz deyil.

İnsan ancaq imanla gözəlləşə bilər. İman bir nurdur, işıq yaradar. İnsan imanla möhtəşəm bir varlığa çevrilər.

İslam aləmini qatı dinçilik sıxıb qovurur. İhvan buna fikirlə bir zərbə endirsin, müasir İslam anlayışını, səhabə İslam anlayışını ortaya qoysun.

İslamı fanatikləşdirmək olmaz. Dünyanın heç bir ölkəsi belə İslam anlayışını qəbul etməz. Qatı dinçiliklə dünya hüzur içində olmaz, rahat yaşaya bilməzsiniz. Qurandakı İslam, Qurana uyğun bir həyatla rahat yaşamağı təmin edir.

İnsan sənətlə xoşbəxt olar. Gözəl geyinən insanları, gözəl evləri görərkən xoşbəxt olar. İnsanlar gözəllik axtarar; musiqidə, şəkildə, heykəldə gözəlliklər axtarılır. Onları görəndə insan xoşbəxt olar.

Müsəlman sarayı, ehtişamlı yerləri, keyfiyyətli yerləri də görəcək. Sənət də, elm də, estetika da, keyfiyyət də hamısı müsəlmanlarındır və həmişə də, axirətdə də müsəlmanların olacaq.

İnsanlara qatı dinçiliyin vəhşi nəticələrini “İslam budur” kimi tanıtmaq zülmdür.

Hər şeyin ən gözəli, ən şirini, ən müsbəti, doğru olanı― din budur. Hər şeyin ən yaxşısı nədirsə din odur. Gözəl söz, paltar, danışmaq, gözəl yeməklər, evlər, küçələr, çiçəklər, gözəl xanımlar… Hər şeyin gözəlidir, maşaAllah.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.

Mehribanlığı daha çox artırıb insanların içində pis ruhlu olanları utandırmaq lazımdır. Məsələn, bir mövzunu tənqid edirlərsə, onun on qat artıq gözəl cavabını vermək lazımdır.

Allah bizim sərbəst olmağımızı, cənnətdəki kimi yaşamağımızı istəyir. Allah ayədə buyurur ki, Allah sizə sıxıntı verib neyləsin? Amma buddist inancında da, köhnə inanclarda da sıxıntı vermək, özünə acı çəkdirmək Allaha yaxınlaşmağın bir yolu hesab edilir.

Azadlıq fərahlıq və bərəkət gətirər. Yəhudiyə də, xristiana da, dinsizə də sahib çıxmaq lazımdır. Belə liberal, fərah, gözəl mühit olsun. Belə mühitdə çox zəngin, tam dolğun din anlayışı hakim olar. Dünyəvilik dinin özündə olan sistemdir.

İstəyən istədiyi kimi, necə istəyirsə elə yaşasın. Nə internetə, nə facebooka, nə skype-a, nə insanların dini inancına, nə də düşüncəsinə qarışılsın. Hər kəs azad olsun. Din belə mühitdə rahat şəkildə inkişaf edər.

İnsanlar azad olmalıdır, cəmiyyətin lazımsız mövzularına müdaxilə etmək tarazlığı poza bilər.

AK Partiya bir həmlə etsin, Atatürkçü istiqamətini daha çox vurğulasın. Sənətə, estetikaya daha çox sahib çıxsın.

Azadlıq, sülh Quranın əmridir. Allahın bizə verdiyi nemət, cənnətin xüsusiyyətidir. Mömin onsuz da həmişə azadlıq və sülh istəyəcək.

Mehdiyyət təzyiq göstərən deyil. Yəni kim vətəndaş namazını qılacaq, kim qılmayacaq, kimi başı açıq olacaq, kimi dekoltə geyinəcək, kimi çarşabla gəzəcək. Amma bütün insanlar xoşbəxt olacaq. Hər kəs azad olacaq.

Mehdi (ə.s) tərəfdarları həmişə qanın dayandırılmasından, sevgidən, şəfqətdən, azadlıqdan, sülhdən, elmdən, sənətdən və estetikadan bəhs edərlər.

Bığlı, içinə qapanmış, sənətdən, estetikadan baş açmayan, başına vur əlindən çörəyini al, donuq baxışlı―belə gənclik olmaz. Gənclərin hər yerə sevinc gətirməsi lazımdır. Qəhqəhələri ilə, gülüşləri ilə, söhbətləri ilə, sevincləri ilə, gözlərindəki parıltı ilə ahəng, zənginlik, gözəllik təqdim etmələri lazımdır.

Ultra müasir müsəlmanlıq sənətə-estetikaya mükəmməl meyl və elmi ən üst səviyyəyə çıxartmaq, üslub gözəlliyidir. Ən gözəl davranışı, görünüşü, qısa desək, hər şeyin ən gözəlini hədəfə almaqdır. Vicdanımıza tam uyğun olanda ultra müasir müsəlman olarıq.

Sevgi şərtdir. Eqoistliklə nəyisə əldə etməyə çalışsan, elə qarşındakı eqoistliklə səni boğar. Sən hiyləgərlik etmək istəsən, o da hiyləgərliklə səni boğar. Sən idarə eləməyə çalışsan, qarşındakı da on qat artıq idarə etməyə cəhd edər. Əmr etməklə, oyunla, saxtakarlıqla gözəllik əldə etmək olmaz, dürüstlüklə, səmimiyyətlə, sevgi ilə əldə edilər.

Mömin gözəli çirkini görəcək, gözəli seçəcək, çirkinlikdə də hikmət axtaracaq. Cənnətdə heç çirkin yoxdur, sırf bu dünyada imtahan üçün çirkin yaradılar. Cənnətdə hər şey gözəldir; ağaclar, bitkilər, insanlar, uşaqlar, bütün yeməklər, hər şey.

İnsanın da çirkini vardır, amma insanın üstünlüyü budur; gözəl əxlaqı ilə çirkinliyini gözəlliyə çevirə bilər. Yəni çox nurlu, sevilən bir insan ola bilər.

Estetikanın, gözəlliyin sahibləri, qadınları sevənlər dünyaya hakim olar. Qatı dinçiliklə daha yaxşı nəticə alınacağını zənn edir. Qatı dinçiliklə heç nə əldə edəməzsin.

Sənət, sevgi olmayan bir yerdə dəhşət, acı, ümidsizlik varsa orada nə sənaye, nə zənginlik, nə də sevinc olar. Heç bir şey olmaz. İstədiyin qədər kömək et. Yəni ölüyə təzə qan verirsən, istəsən min litr qan ver, ölü dirilməz. Ölünün dirilməsi üçün Mehdi (ə.s), İsa Məsih (ə.s), İslam Birliyi olmalıdır. Bundan başqa yol yoxdur.