Adnan Oktar A9 TV; 19 oktyabr 2015

Din sevgidir, rahatlıqdır, gözəllikdir, sevincdir. Allahın nemətlərindən halal yolla ən gözəl şəkildə istifadə edərsən. Sağa dönsən cinayət, sola dönsən cinayət, göyə baxsan cinayət, yerə baxsan cinayət; bu cür din anlayışı olmaz. Bu insanları məhv edər, ruh xəstəsi olarlar, ağılları yox olar. Dini çətinləşdirmək zalımlıqdır. Bilmədən bu zülmü edirlər.

Dini çətinləşdirmək bütün dünyaya zülm etməkdir. Çünki insanlar dindən uzaqlaşdıqda çox əzab çəkərlər.

“Biz Quranı sənə ona görə nazil etmədik ki, çətinlik çəkəsən” (Taha surəsi, 2) İnsan düşünür. Anlamırsanmı? Çətinlik çəkirsənsə səhv yoldasan, iztirab çəkirsənsə səhv yoldasan. İslam asanlıq dinidir.

"Fikrini bəyənmirəm, bombalayacağam" deyir, belə şey olmaz. Danışarsan, qəbul etmirsə etməsin. Qəbul etsə də, nə gözəl, nə xoş olar. Dində məcburiyyət yoxdur. İnsanları bombayla, silahla yola gətirmək üsulu yoxdur.

Asan olan; İbrahimin dininə tabe olduğunda; bu hənif İslam dininə, Məhəmməd (s.ə.v)-in dininə tabe olduğunda cənnətə getməyindir. Amma sənin xurafatlarla çətinləşdirdiyin, mürəkkəbləşdirdiyin dinə tabe olduqda cəhənnəmə gedirsən. Həm dünya, həm də axirət həyatın cəhənnəmə çevrilir. Mübarək niyə bəlanı axtarırsan?

Allah bizim üçün asanlıq yaradır və onda da bizi müvəffəq edir. Çətinlik axtaranlar həlak olurlar. Məğlub olur, tapdalanırlar. Ənənəvi İslamı, Ortodoks İslamı axtaran hər kəs tapdalanır. Nəyinə lazımdır, Allahın nur kimi dinini niyə dəyişdirirsən? Allah asanlıq yaratdığı halda, niyə çətinlik yaradırsan? Nə gözəl, get sevinc içində yaşa.

Dini yaşamaqda çətinlik çəkirsənsə, o zaman səndə qəribəlik vardır. Yəni Quran hökmlərini tətbiq etmirsən. Quran hökmlərində çətinlik yoxdur, İslam dinində çətinlik yoxdur. Daim asanlıq vardır. İslam asanlıq dinidir.

İslamda çətinlik yoxdur. Allah asanlıq olmasını istəyir, ayədə dəfələrlə vurğulayır, "hz. İbrahim (ə.s)-ın dini kimi asandır" deyir. Başqa bir ayədə isə: "Allah sizin üçün çətinlik istəməz, asanlıq istəyər" deyir. İslam bayram kimidir, sevinc dinidir. Asıb-kəsmək, döymək, söymək və qadınlara həyatı zəhər etmək; bunlar yoxdur. İslamda qadınlar çiçək kimidir.

İslam dini asanlıq dinidir, çətinlik dini deyil. Amma qatı dinçilər, onu çox çətin hala, yaşana bilməyəcək hala gətirdirlər. Buna görə də İslam aləmində xalqın böyük bir hissəsi İslam dinini yaşamır.

Gələcək olan Mehdi (ə.s), İslamı yenidən dirçəldərkən asanlaşdırmaqla dirçəldəcəkdir. Dini asanlaşdıracaq, xurafatçıların vurduğu zəncirləri insanların üzərindən açacaqdır.

Allah İslam barəsində nə deyir? "Hz. İbrahimin dini kimi asandır". "Allah sizin üçün çətinlik diləməz, asanlıq diləyər" deyir. Mehdi (ə.s) asanlaşdıracaqdır. Necə asanlaşdıracaq? Görünməmiş şəkildə asanlaşdıracaq. Din asanlaşacaq, zəncirlər açılacaq. Çox asan bir din meydana çıxacaq. Bu din hansı dindir? Qurandakı din.

Şeytan namazdan uzaqlaşdırmaq üçün insanı təfsilatlara boğmaq istəyər. Namazı pozan minlərlə əlavələr gətirib namazı çətinləşdirirlər, halbuki namaz asandır. Buna görə də, Allah Quranda heç bir təfsilat qeyd etməmişdir; rüku, səcdə və qiyam. Qıl, çıx. Bu qədər.

Din, ənənəvi İslam anlayışına sahib insanlar tərəfindən cəhənnəm kimi təqdim edilir. İnsanın ağlını, fərasətini, bəsirətini bağlayan, bütün mühüm yönlərini yox edən, incəsənəti, estetikanı və gözəlliyi məhv edən, sanki insanın xoşbəxtliyinə düşmən olan bir sistem kimi. İnsanı şizofren hala gətirən, məhv edən sistem. Ənənəvi sistemdə bir insanın ruh və bədən sağlamlığının normal qalması qeyri-mümkündür.

İnsan ateist də ola bilər. Ateist olmaq Allah Qatında bir günahdır, qul yanında deyil. Sən buna qarışa bilməzsən ki. Allah ayədə: "De: “Sizin dininiz sizə, bizim dinimiz bizədir"" deyir, adam ateist də olar, dindar da olar, başqa bir dinə mənsub da olar. Allah: "Dində məcburiyyət yoxdur" deyir.

Dünyəvilik İslamda var. "De: Sizin dinininiz sizə, bizim dinimiz bizədir" hökmü dünyəviliyin çox qısa xülasəsidir. Dünyəvilik dinsizlik şəklində tətbiq edildiyi zaman, burada bir səhv olur. Yoxsa xristian sərbəstdir, musəvi də sərbəstdir, dinsiz də sərbəstdir, dindar da sərbəstdir. Hamısı inanclarına uyğun yaşayarlar. Xristian kilsəyə gedər, müsəlman məscidə gedər, istədikləri kimi ibadətlərini yerinə yetirərlər. Dünyəvilik budur.

Dövlət çevrilişi ilə hökuməti dəyişdirməyə cəhd etmək, millətə zor tətbiq etmək, qətliam siyahıları hazırlamaq harada qəbul edilər? İslamda məcburiyyət yoxdur. Dövlət çevriliş edərsən, bütün millət sənə nifrət edər. İslamın ruhunda sevgi ilə insanların könlünü qazanmaq var, məcburiyyət yoxdur.

Dində məcburiyyət yoxdur. Bu İslamın açıq hökmüdür. Məcburiyyətlə, təzyiqlə, zorakılıqla din olmaz. Təzyiq göstərən bir İslam anlayışını müdafiə edənləri tamamilə rədd edirik. Qurana əsaslanan demokrat, azad və dünyəvi bir sistemi müdafiə edirik.

"Dində məcburiyyət yoxdur". Bu, Allahın hökmüdür. Bu ayə eyni zamanda dünyəviliyin ən gözəl xülasəsidir.

İstəyən dindar, istəyən də dinsiz olar. Heç kimin heç kimə qarışmaq və təzyiq göstərmək haqqı yoxdur.

Quranda zorakılıq yoxdur, Quranda müdafiə vardır. Zalım hücum edərsə özümüzü müdafiə edərik, Quranda təzyiq yoxdur. Müşrik, kafir hücum edərsə, özünü qoruyarsan. Ayə açıq şəkildə "dində məcburiyyət yoxdur" (Bəqərə surəsi, 256) deyir. "Ey kafirlər, sizin dininiz sizə, bizim dinimiz bizə" (Kafirun surəsi, 6) deyir. Burada məcburiyyət hardadır?

Dəccaliyyət dini mümkün qədər çətinləşdirər. Mehdi isə dini mümkün qədər asanlaşdırar. Bu asanlaşdırma Allahın möminlərə nemətidir.

Ateist olana təzyiq göstərmək çox yanlışdır. Açıqca, dürüst şəkildə inana bilmədiyini söyləyir. Təzyiq olduqda insanlar münafiqliyə üz tutar Allah qorusun.

Biz bütün dünya üçün İslamın işıqlı üzüyük. Müsəlmanlığı qorxunc, içinə qapalı, sevgisiz, qadınlara məsafə qoyan, həyatı dəhşətə çevirmiş bir sistem kimi tanıyanlar bizim yaşadığımız İslamı gördükcə səhabə İslamına olan heyranlıqları artır və İslamın bir qurtuluş olduğunu da görürlər. Əks halda əzab çəkirdilər.

Allah: "Sənə biri pislik etdikdə sən ona gözəl cavab versən aranızın yaxşı olacağını, dost olacağınızı görərsən" deyir. Yəni Allah: "Mən aranızı düzəldəcəyəm" deyir. "Sizin aranızdakı ədavəti yox edərəm" deyir.

İsraildə ateizm zəifləməyə başladı. Əvvəllər çox güclü idi. Biz orada “Yaradılış Atlası”nı yaydıqdan sonra, İbrani dilindəki kitablarımızı payladıqdan sonra İsraildə dinə qayıtma prosesi çox sürətləndi. Avropada və ABŞ-da dinə qayıtma prosesi çox sürətləndi; vəsilə olduq.