Adnan Oktar A9 TV; 15 mart 2017

Hz. Əli və digər xəlifələrin şəhid edilməsinin əsas səbəblərindən biri dövrün münafiqlərinin Quranın kafi olmasını qəbul etməmələridir.

Binalı Yıldırım çox gözəl əxlaqlı və sevgi dolu insandır. Ələvi qardaşlarımıza göstərdiyi mehribanlıq da çox gözəldir. Həmişə gözəl mövqelərdə olsun.

Ələvilər baş tacıdır, sultandır. Sevgi, eşq, dostluq, məhəbbət ələviliyin təməlidir. Bu dəyərləri anlamayanlarla heç təmasda olmasınlar.

PKK namərd, murdar, xaindir. Kürdlər isə şərəflidir, nəcibdir, dindardır. Kürdlər ilə PKK-nı bir tutmağa çalışanlar çox böyük səhv edirlər. Kürdlər, ələvilər, bektaşilər bu vətənin bəzəyidir, gözəlliyidir. Bizim canımızdırlar.

İran və Türkiyə iki qardaş ölkədir. Şiə-sünni qardaşdır. Şiələr də, sünnilər də hz. Əli aşiqidir. Heç kim düşmənçilik ifadələrinə etibar etməsin.

Allah 300-dən artıq kitab yazmağımı, bu kitabların 70-dən çox dilə tərcümə edilməsini, yazılarımın onlarla qəzetdə dərc edilməsini nəsib etdi. Dünyaya aludə olanlarla birlikdə, dünyaya aludə olsaydıq həftənin bir günü söhbət etməyi kafi hesab edərdik. Lakin ömrümüzü həsr edərək çox geniş təbliğ apardıq. Darvinizmin fikri olaraq məğlub olmasını, İngiltərə dərin dövlətinin ifşa olmasını, mövhumatçılığın zərərsizləşdirilməsini Allah bizə nəsib etdi. Təhsilli, seçilən təbəqənin İslam ilə əlaqələri demək olar ki, kəsilmişdi, bu əlaqəni biz yenidən qurduq və onlar da İslama xidmət edən vəziyyətə gəldilər. Ələvi, şiə, musəvi, xristian düşmənçiliyinin aradan qaldırılması, İsrail ilə Türkiyənin barışması üçün biz səmərəli iş gördük.

Ələvi demək, hz. Əliyə aşiq igid deməkdir. Ələvilər Allahı çox sevən, azad düşünən, səhabə İslamına həsrət duyan dərin insanlardır.

Müasir İslam Peyğəmbərimiz (s.ə.v) və səhabələrin yaşadığı İslamdır. Hz. Süleymanın, hz. İbrahimin və bütün peyğəmbərlərin yaşadığı İslam, müasir İslamdır.

Bədiüzzaman Səid Nursi həzrətləri, hz. Mehdinin zühur edəcəyi tarixdən, ortaya çıxacağı yerə qədər çoxlu təfərrüat bildirmişdir.

Mehdiyyətə qarşı olanlara baxmayaraq, musəvilər, xristianlar, müsəlmanlar və bütün dünya hz. Mehdini həyəcanla gözləyir.

Peyğəmbərimiz hz. Mehdinin İstanbuldan çıxacağını bildirmişdir. Bədiüzzaman da hz. Mehdinin İstanbulda fəaliyyət göstərəcəyini söyləmişdir.

Böyük İslam alimlərinin hamısı hz. Mehdinin bu illərdə vəzifə başında olacağını və İstanbuldan çıxacağını söyləmişdir.

Hz. Xızır dövlətlərin yaradılması və dağıdılması dövrlərində vəzifə başında olur.

Axırzaman gözəl dövrdür. Allahın icazəsi ilə hz. Musanın mübarək sandığını da görəcəyik.

Təbliğdə gözəl və yaraşıqlı insanlar, baxımlı məkanlar, dəbdəbəli həyatlardan istifadə edilməsi Quranda hz. Süleymanın üsulu olaraq bildirilir.

Hamımız hz. Adəmin övladlarıyıq. Heç bir irqin digərindən üstünlüyü yoxdur.

Ələvilik nurdur, gözəllikdir. Yaradana sevgidir. İnsana, heyvana, bitkiyə, gözəlliyə sevgidir. Mövhumatçılığın qapısını sonuna qədər bağlayar.

İngiltərə dərin dövləti millətimizin darvinizmə qarşı müqavimətini və imanını nəzərə ala bilmədi. Darvinizmin fikrən çökməsi oyunlarını puç etdi. Əllərindəki digər bir üsul da daxili döyüşlər, bölünmə meydana gətirmək idi. Ələvi-sünni qarşıdurması yaratmaq istədilər, bu oyunları da əllərində qaldı. PKK-dan istifadə edərək bölünməni sürətləndirmək istədilər. Xalqa Öcalanı sevimli göstərməyə çalışdılar, bunun yalan olduğunu izah etdik. PKK-nın əsil üzünü göstərdik, beləliklə İngiltərə dərin dövlətinin əlindəki bütün oyunları puç etmiş olduq.

Türkiyədə vətəndaş müharibəsi baş verməz, kürdlər, ələvilər və bütün millətimiz bir bütündür, eyni mədəniyyət və ruh içində birləşmişdir.

Ələvi demək hz. Əli (r.ə.)-i sevən qəlb dostları deməkdir. Ələvi demək sevgi insanı deməkdir. İnsanları, heyvanları, bitkiləri sevən uca insan deməkdir. Ələvilərlə sünnilər, əlbəttə, qardaşdırlar. Ələvilər candır.

Ələvilərdə və şiələrdə çox güclü Mehdi sevgisi vardır. Dəlicəsinə bir sevgidir. Sünnilərdə yersiz bir sükunət hakimdir, bu yaxşı bir şey deyil. Bunu düzəltməlidirlər.

Ələvilər çox ağıllı insanlardır. Onlar yetkinliyin, dərinliyin ustadlarıdır. Ələvidən kommunist çıxmaz. Ələvi Allah aşiqidir, arifdir. Buna görə də oyuna gəlməz, Ələvi yüksək şəxsiyyətlidir.

Osmanlı ordusunun hamısı bektaşi idi. Osmanlı padşahlarının bir çoxu da bektaşi idi. Bektaşilik və ələviliyin ruhunda; insanlıq, sevgi, gözəllik, dərinlik hakimdir. Eqoistlik nədir bilməzlər. Tərslik nədir bilməzlər. Qatı dinçilərdə inanılmaz bir eqoistlik vardır, bir çoxunda böyük bir azğınlıq vardır.

Bektaşilik Türkiyədə bir o qədər bilinmir, Ələvilik də bilinmir. Möhtəşəm bir dünyagörüşüdür. Onlar çox gözəl sevgi müəllimidir. Dostluq və qardaşlıq müəllimidirlər. Onların söhbətindən doymaq olmaz, söhbətləri çox gözəldir. Məclisləri gözəldir, natiqlik qabiliyyətləri də gözəldir. Yetkinliyin, insanlığın, dərinliyin ağlını, sirrini bilən insanlardır, mübarək, möhtəşəm insandırlar.

Qurandan kənar din anlayışının hər cəhəti fəlakətdir; gülmək, rəqs etmək, rəsm əsəri, heykəl, musiqi, qadınların çölə çıxması, uşaqların şort geyməsi qadağandır. Saqqal kəsməyin, namaz qılmamağın cəzası ölümdür. Bunların heç biri Quranda yoxdur. Quranda olmayan din dünyanı cəhənnəmə döndərir.