Adnan Oktar A9 TV; 19 fevral 2015

Osmanlı ordusunun hamısı bektaşi idi. Osmanlı padşahlarının bir çoxu da bektaşi idi. Bektaşilik və ələviliyin ruhunda; insanlıq, sevgi, gözəllik, dərinlik hakimdir. Eqoistlik nədir bilməzlər. Tərslik nədir bilməzlər. Qatı dinçilərdə inanılmaz bir eqoistlik vardır, bir çoxunda böyük bir azğınlıq vardır.

Ələvilər çox ağıllı insanlardır. Onlar yetkinliyin, dərinliyin ustadlarıdır. Ələvidən kommunist çıxmaz. Ələvi Allah aşiqidir, arifdir. Buna görə də oyuna gəlməz, Ələvi yüksək şəxsiyyətlidir.

Ələvilərdə və şiələrdə çox güclü Mehdi sevgisi vardır. Dəlicəsinə bir sevgidir. Sünnilərdə yersiz bir sükunət hakimdir, bu yaxşı bir şey deyil. Bunu düzəltməlidirlər.

İnsanlar bir mədəniyyət kimi xristianlıq, yəhudilik və müsəlmanlığı bilməlidir. Ələviliyi, bektaşiliyi, şiəliyi bilməlidir. Bilmirsə, bu bir cahillikdir, çatışmazlıqdır.

Ələvi qardaşlarımız əfəndilər əfəndisi, çox gözəl əxlaqlı, sadə insanlardır. Qatı dinçiliyə qarşıdırlar, sevgi dolu, nəzakətli, çox yetkin, arif insanlardır.

Ələvilik candır, gözəllikdir, ruhdur, sevgidir, eşqdir. Ələvi qardaşlarımız İslam aləminin bəzəyidir.

Ələvilik gözəllik deməkdir, sevgi deməkdir, şəfqət deməkdir, dostluq deməkdir, mülayimlik deməkdir və qatı dinçiliyə qarşı çıxmaq deməkdir. Buna görə ələvi qardaşlarımız hara getsələr bir gözəllik apararlar.

Cemevlər nur kimi insanların olduğu, Allahdan, Qurandan, İslamdan bəhs edilən, sevgi insanlarının yaşadığı nur məkanları, gözəllik məkanlarıdır.

Ələvilər çox dəyərli insandırlar. Onların söhbəti, sözü ürəyə rahatlıq gətirir. On dəqiqə söhbətlərinə qatılanlar mənəvi cəhətdən rahatlayır. Sevginin, mərhəmətin, sülhün, qardaşlığın mürşidləridir, döyüşə şiddətlə qarşıdırlar.

Ələviliyin ən gözəl istiqamətlərindən biri də, xurafata qarşı çıxmalarıdır.

Allahı sevən yəhudiləri və xristianları da həmişə dəstəkləyəcəyik. Allahı sevən müsəlman, ələvi, bektaşi hər kim olursa olsun, əhli-qiblə olan bütün bacı-qardaşlarımızı başımızın tacı edirik və edəcəyik də, inşaAllah.

Hamısı: bütün Ələvisi, Bektaşisi, bütün qardaşlarımız cəm olaraq bir yerdə birlikdə İslam Birliyini meydana gətirmələri lazımdır. Bu ancaq Mehdi ilə mümkündür.

Mehdiyət olmadan islam Birliyi də olmaz. İslam ölkələri birləşməz. Şiə olan İran, Sünni bir liderin liderliyini qəbul etməz. Sünni bir ölkə də, şiə bir liderin liderliyini qəbul etməz. Belə bir vəziyyətdə islam birliyi qurula bilməz. Amma Hz. Mehdi (ə.s)ı, şiə də qəbul edər, sünni də, bektaşi də, vəhabi də qəbul edər, xristian da qəbul edər, yəhudi də qəbul edər. Çünki Hz. Mehdi (ə. s)ni xristianlar da, yəhudilər də gözləyirlər.

PKK namərd, murdar, xaindir. Kürdlər isə şərəflidir, nəcibdir, dindardır. Kürdlər ilə PKK-nı bir tutmağa çalışanlar çox böyük səhv edirlər. Kürdlər, ələvilər, bektaşilər bu vətənin bəzəyidir, gözəlliyidir. Bizim canımızdırlar.

Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.

Müsəlmanla mübarizə apararlar. Müsəlman; mübarizə aparılan adam deməkdir. Müsəlman; düşməni çox olan adam deməkdir. Əsl müsəlmandırsa, əsl mübarizə adamıdırsa düşməni çox olar. Bir müsəlmanın ətrafında münafiq yoxdursa, onda o necə müsəlman ola bilər?. Müsəlmanın ətrafında çoxlu kafir və münafiq olar.

İmana və sevgiyə əsaslanan bir sistemin olmaması, bir dəhşət sistemi meydana gətirir və bu dünyaya təsvir edilməyən bir bəla kimi hakim olmuş vəziyyətdədir.

Cənub-Şərq bölgəsində xalqın HDP-yə dəstək verməsinin səbəbi PKK-dan qorxmalarıdır. Başqa bir şey deyil.

Cəmiyyətlərdə hər atanın, ananın özünəməxsus bir din anlayışı olur. Gənclərin də özünəməxsus din anlayışları olur. Onlar bir-birləriylə ziddiyyət təşkil edir. O onu bəyənmir, o onu bəyənmir. Halbuki, hər kəs Qurana tabe olsa, onda vahid bir ümmət olarlar.

Dünyada bir çox insan boş-boş baxar. Cəzbedici olmaq çox çətindir. Çox ağıllı insanlarda meydana gələr.

Əsgərin gözü çox qaradır. O Allah, Kitab, vətən, bayraq, millət, dövlət üçün yaşayır. Əsgərin həyatda başqa bir məqsədi yoxdur. Əgər əsgər vətənin bölünəcəyini anlasa, onu heç kim tutub saxlaya bilməz. Jandarmanı da heç kim tutub saxlaya bilməz, polisi də heç kim tutub saxlaya bilməz. Kim alçaqlıq, xainlik edibsə qanunla və hüquqla onu sürükləyib meydana çıxarar.

Əlindən bir şeylər çıxırsa bir xeyir vardır. Sən burada əbədi yaşamağa gəlmədin. Əlindən cüzi bir şey çıxır, bunu özünə böyük dərd bilir. Çıxsa nə ola bilər ki?. Sən gözündə böyüdürsən, ağıllı tərzdə baxdığında heç bir şey olmadığını görərsən.

Təvəkkülsüzlüyün nə faydası var? Yalnız əzab çəkmiş olacaq, boş yerə özünü alçaltmış olacaq. Allah qarşısında xəcalət çəkəcək. Özünü əzəcək və ağılsız, məntiqsiz anormal bir hərəkət etmiş olacaq.