Adnan Oktar A9 TV; 12 noyabr 2016

Terrorun kökü darvinizm və sosial darvinizmdir. Dünyanın hər yerində milyonlarla insanın qanını axıdan darvinist terrordur.

Darvinist materialist sistem elmi cəhətdən məğlub olmadığı müddətcə terror və şiddət tam mənası ilə bitməz.

İngilis müsəlmanlığı deyə bir model ortaya qoydular. Bu rumi, darvinist, Allahı və Quranı inkar edən fəlsəfədir.

Ortaya qoyulan hər fosil canlıların təkamül keçirmədiyini göstərir. Fosillər darvinizmin bitdiyinin ən konkret sübutudur.

Demək olar ki, heç Rəsulullahdan, Qurandan bəhs etməyənlər, həmişə rumilikdən bəhs edirlər. Rumilik fəlsəfəsi dinsizlik fəlsəfəsidir. Rumilik fəlsəfəsi olaraq tənqid etdiyimiz Anadoludakı mövləvilik deyil, İngiltərə dərin dövlətinin təlqin etdiyi darvinist dinsiz rumilikdir.

Çözüm istəyirlərsə insanların imanına vəsilə olacaq iş görsünlər. Birtərəfli darvinist təhsil dayandırılsın. Quran həqiqətlərindən bəhs edilsin. Köşələrində bir dəfə belə iman həqiqətindən, Quran möcüzəsindən bəhs etməyən, imana vəsilə olacaq iş görməyənlər həmişə ağıl verirlər.

Görüləcək ilk iş mənəvi təxribatın dayandırılmasıdır. Bu da birtərəfli darvinist təhsilin dayandırılmasıyla mümkün olar.

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

Hər insanın iki gözü də kordur. Göz elektrik axınını beyinə çatdıran cihaz kimidir. Beyində gözü olmadan təsviri görən biri var. Beyinin içində qulağı olmadan musiqini dinləyən kimdir? Təkamülçülər bir dəfə belə bu mühüm mövzu üzərində dayanmırlar.

Başda xəlifə varkən, İslam hakim ikən Osmanlı torpaqlarında darvinist təbliğat aparılması İngiltərə dərin dövlətinin təsirini göstərir.

Darvinist materialist təhsil verilən gənclər səhv yola getdiyi zaman, çıxış yolu onların öldürülməsi deyil, fikirlərinin düzəlməsi üçün öyrətməkdir.

Əbdülhəmidin yaxşı cəhətləri var, lakin bu yaxşı cəhətlərin olması səhvləri gizlətməyi tələb etməz. O dövrdə çox mühüm səhvlər edilmişdir. Əbdülhəmid dövründə on minlərlə darvinist kitab nəşr olundu və bunlar imperiyanın hər tərəfinə yayıldıqda Osmanlının çöküşü başladı.

Əbdülhəmid dövründə Bədiüzzaman barədə, kommunist qədər təhlükəlidir deyən saxta alimlər olmuş, lakin bunlar darvinist təbliğata səs çıxartmamışdılar.

Xəyali bir Əbdülhəmid dövrü yaradılıb və əksəriyyət buna inanır. Sənədlərə baxıldığı zaman rəsmi fahişəxana bu dövrdə açılır. İmperiyanın hər tərəfində darvinist təbliğat başlayır, Kipr İngiltərəyə kirayə verilir, rakı və pivə zavodları bu dövrdə açılır.

Gözdən beyinə gələn elektrik cərəyanını üçölçülü işıltılı təsvir olaraq görənin kim olduğu sualını təkamülçülər əsla cavablandıra bilməz. Beyinin içində gözü olmadan görən, qulağı olmadan eşidən bir varlıq var. Bu varlığın necə meydana gəldiyi məsələsində təkamülçülərin heç bir cavabı yoxdur.

Təkamülün əsas iddiası; mükəmməl canlılar yaranana qədər trilyonlarla keçid canlıların əmələ gəldiyi iddiasıdır. Bu keçid canlılara dair bir fosil (daşlaşmış qalıntı) belə yoxdur.

Naziat surəsi 13-14: "Halbuki bu, yalnız tək bir hayqırmadır. Bir də baxıb görərsən ki, onlar, yerin üstündədirlər". Bu ayələr yaradılışın təkamüllə deyil, bir anda Allahın istəməsi ilə olduğunun dəlillərindən biridir.

Terrorla mübarizədə yanlış üsul tətbiq edilir. Əvvəlcə təhsil müəssisələrində gənclərə; "sizin əcdadınız meymun idi, ilk əcdadlarınız da ibtidai icma həyat yaşayırdı, tarix bir parabola izləyir və indi yenidən əcdadlarımızın yaşadığı ibtidai icma cəmiyyətinə doğru qayıdırıq, hazırkı sistemi dağıtmağın yolu da zorakılıqdır" deyilir. Buna görə də "məhv olsun terror" demək deyil, terrorun bu fikri zəminini aradan qaldıracaq mədəni iş görmək lazımdır.

600 milyondan artıq əldə edilmiş fosil (daşlaşmış qalıntı) var. Bu fosillərin içində bir ədəd belə təkamülü dəstəkləyən dəlil yoxdur. Hamısı yaradılışı göstərir.

Canlılar təkamüllə yaradılmayıb. Allahın ol əmri ilə yaradılıb. Elmi tədqiqatlar da bunu göstərir. Quranda da təkamül yoxdur.

Musanın əsasının canlı ilana çevrilməsi, İsanın palçıqdan düzəltdiyi quşun canlanıb uçması təkamüllə yaradılış olmadığına sübutdur.

Müsəlmanları Quranda təkamül var deyə aldatmağa çalışırlar. Təkamül demək, palçıqlı su içində təsadüflər nəticəsində həyat yarandı deməkdir. Darvinizm təsadüfü haşa İlah qəbul etməkdir. Allahın varlığını açıqca inkar etməkdir. Bu Allahın qəzəbini cəlb edər, Allahın xoşuna gəlməz. Darvinizmi qüvvədən salmağı çətin hesab edirlər. Yanılırlar. Minlərlə, milyonlarla elmi dəlil var, təkcə bu dəlilləri göstərəcəklər.

Birtərəfli darvinist təhsil verib elmi cavabını verməyi qadağan etmək məqbul deyil. 700 milyon fosil təkamül yoxdur deyir. Bu, gənclərə öyrədilsin. Elmi olmayan darvinizmi zorla qəbul etdirmək, birtərəfli təhsil vermək doğru deyil. Gənclərə fosillərin göstərilməsi lazımdır. Elmi məlumat öyrədilsin. “Allah yoxdur” deyən darvinizmi elmi həqiqət kimi gənclərə zorla qəbul etdirmək çox böyük günahdır. Bu, uğursuzluq və bəla gətirər.

Təkamül nəzəriyyəsi hal-hazırda tədris planından götürülməyib, təkcə adı dəyişdirilmişdir. Hələ də "təkamül yoxdur, zülal təsadüfən meydana gələ bilməz" deyilə bilmir. 700 milyon fosilin (daşlaşmış qalıntı) olduğu, bu fosillərin təkamül olmadığını göstərdiyi gənclərə deyilə bilmir. Təkamül hər şeyi təsadüflə izah edən xurafatdır. Tək bir zülalın belə təsadüfən əmələ gəlməsi elmi cəhətdən qeyri-mümkündür. Canlıların təsadüf nəticəsində yarandığını söyləmək insan ağlı ilə lağ etməkdir.

Trampın çox yaxşı qorunması lazımdır. İngiltərə dərin dövləti böyük hərəkat cəhdi də edə bilər. İngiltərə dərin dövlətinin təlimatı ilə Trampa sui-qəsd cəhdi ola bilər.