Adnan Oktar A9 TV; 4 may 2017

Mövhumatçı zehniyyətə sahib olanların bir çoxu səmimi şəkildə inanclarının doğru olduğuna inanırlar. Əsəbləşmədən, səbirlə doğrunu izah etmək lazımdır.

İngiltərə dərin dövləti ənənəpərəst mövhumatçı sistemi var gücü ilə dəstəkləyir, çünki bu sistemin İslamı daxildən çökdürəcəyini bilirlər. Xurafat dolu bir İslam anlayışı yaratdıqları zaman hər kəs İslamdan uzaq dayanır, məqsədlərinə çox asan nail olurlar. Bu oyunu biz pozuruq.

Təbliğ etmək, yaxşılığı əmr etmək, pislikdən çəkindirmək bütün möminlərə Allahın əmridir.

Mühafizəkar təbəqənin böyük hissəsi həqiqətən Quranın kafi olduğunu bilmir. Onlara şəfqətlə doğrunu izah etməyə davam edəcəyik.

Bir tərəfdən darvinist təhsil, digər tərəfdən ənənəpərəst ortodoks təzyiq gənclərin sevincinin yox olmasına səbəb oldu. İkisinə qarşı da elmi tədbir almaq lazımdır.

Firon da mason idi. Həzrəti Musa ona təbliğ etdi. Nəmrud da mason idi. Hz. İbrahim ona İslamı izah etdi. Mömin hər kəsə təbliğ edər.

Ənənəpərəst ortodoks sistem müəyyən mənada bataqlıq kimidir. Hər kəsi, hər şeyi içinə çəkib boğmaq istəyir. Bu dəhşət verici sistemə biz heç vaxt tabe olmayacayıq.

Mövhumatçı, sevgisiz, keyfiyyətsiz, hər şeyə düşmən, insanların sevincini əlindən alacaq bir zehniyyətin Türkiyəni qaraltmasına əsla icazə vermərik. Türkiyəni tərtəmiz parlaq gələcək gözləyir. İncəsənət, gözəllik, elm, keyfiyyət düşmənləri boşuna həvəslənməsinlər.

Sevgisizliyin, qəddarlığın çox olduğu dünyada sevgini, mərhəməti, bağışlayıcı olmağı söyləyən bizik. Ənənəpərəst ortodoks İslamın müsəlmanlara verdiyi zərəri görüb ağıllı və şəfqətli əks izahat verən tək topluluq bizik.

İman təbliğində gözəllik, incəsənət və keyfiyyət çox əhəmiyyətlidir. Hz. Süleymanın sarayının ehtişamı təbliğdə çox müsbət təsir edirdi.

Mövhumatçılıq İslamı daxilən çökdürmək üçün şeytanın planlaşdırdığı sistemdir. Dərin düşünməyi, yaradıcı gücü yox edir və insanları keyidir. Mövhumatçı sistemin insanları boğmasına imkan verməyək. Quranın şən, azad, istiqanlı, mehriban, gözəl ruhu ilə dünyanı cənnətə döndərək.

İnsanlara şəfqət və sevgi ilə yaxınlaşmaq, dost olmaq lazımdır. İman təbliği sevgi və mərhəmətlə edilər.

Qəlb oxşayan, kabil-i xitab (təmas qurula bilən) olduğunu göstərən olmaq əhəmiyyətlidir. İnsanlara yuxarıdan-aşağı baxan, əsəbi insanların təbliğ etməsi təsiredici olmaz.

Məzhəb təəssübkeşliyi müsəlmanlar arasında ciddi gərginliklərə və qarşıdurmalara səbəb olur. Peyğəmbərimiz (s.ə.v) dövründəki kimi təkcə Qurana tabe olunmalıdır.

Müsəlmanların parçalara ayrılıb bölünməsi hazırda İslam aləminin ən böyük problemidir. Qurana tabe olub bölünməyə son qoymaq lazımdır. (Rum surəsi, 32: (O müşriklər ki,) öz dinlərini firqələrə ayırmış və özləri də parça-parça olmuşdurlar ki, hər qrup öz əlindəki ilə öyünüb sevinir.)

Ziyalı, müasir Türkiyəni tam fərqli mövqeyə gətirməyə çalışanlar boşuna çalışırlar. Quran İslamı dünyaya hakim olacaq, mövhumatçılıq deyil.

Mövhumatçılıq İslamı daxilən çökdürmək üçün xüsusi istifadə etdikləri modeldir. Mövhumatçılıq əleyhinə çıxan müsəlmanları gördükləri zaman oyunları puç olur. Həyat dolu, şən, baxımlı, cazibəli, ağıllı, nəzakətli, keyfiyyətli müsəlmanlar olduğunu gördüyü zaman bütün dünya İslama qaçaraq gəlir. Buna görə də bizim izah etdiyimiz Quran İslamı, İslamiyyətə qarşı olanların heç xoşuna gəlmir. Bütün sistemlərini təməldən elmlə dağıtmış oluruq.

Ənənəçi ortodoks qardaşlarımız süni qanunlarla sanki özlərini öldürmüş vəziyyətdədirlər. Dinsizliyin özlərini əzmələrini asanlaşdırıblar. İncəsənət, elm, keyfiyyət olmadıqda başdan məğlub vəziyyətə düşürlər və əzilmələri çox asanlaşır. Qadının azad olmayacağına musiqi, incəsənət, heykəltəraşlıq olmamasının lazım olduğuna o qədər özlərini inandırıblar ki, gözəllik gördükdə əks rəftar göstərirlər. Ənənəçi sistem özlərinin də tabe olmadığı minlərlə qanun qoymuşdur və Allahın cənnət gözəlliyi olaraq təriflədiyi bütün gözəlliklərə qarşı çıxar.

Əgər Qurana əsaslanan İslam yaşansa müsəlmanların başındakı fəlakətlərin hamısı bitər.

Allah Quranda hər şeyin izah edildiyini bildirmişdir. Quran kafi deyildir, deyənlər Allahın bu hökmünə qarşı çıxırlar. (Nəhl surəsi, 89: Hər ümmət içində öz nəfslərindən onların üzərinə bir şahid gətirəcəyimiz gün, səni də onlar üzərində bir şahid olaraq gətirəcəyik. Biz Kitabı sənə hər şeyi izah edən, müsəlmanlara da hidayət, rəhmət və müjdə olaraq nazil etdik.)

Quran kafi deyildir demək ən böyük fitnələrdən biridir. Quranda Allah hər şeyi izah etdiyini və Quranın kafi olduğunu bildirmişdir.

Qurana görə Peyğəmbərimiz (s.ə.v)-in axirətdə İslam ümmətindən tək şikayəti, Quranı tərk etmiş olmalarıdır. (Furqan surəsi, 30: Nəhayət elçi dedi: “Ey Rəbbim, həqiqətən, mənim qövmüm bu Quranı tərk edilmiş (kitab) olaraq buraxdılar”.)

Anadolunun çox istiqanlı fəlsəfəsi var, bu fəlsəfəni, bu ruhu bilməyən Anadolunun musiqisindən, gözəlliyindən zövq ala bilməz.

Mağazalardakı satıcılara hörmətsizlik etmək çox çirkin əxlaqdır. Çəkdikləri zəhməti təqdir edən üslub işlədilməlidir.

Peyğəmbərimiz (s.ə.v) çox valehedici gözəlliyə sahib idi və çox heybətli idi. Eyni zamanda çox zarafatcıl idi, çox sevincli idi.