Adnan Oktar A9 TV; 5 fevral 2015

Ənənəvi Ortodoks İslam anlayışında hər yer qəbiristanlıq, hər yer əzab yeridir. Bir yun jaket, bir tikə, sürünmənin digər adıdır. Acı, iztirab hər yerə oturmuş vəziyyətdədir. Gülmək qadağandır, şən olmaq qadağandır, şəkil, musiqi, televizor qadağandır. Ağıla gələn hər gözəl şeyin hamısı qadağandır. Kin, nifrət və qəzəb bəsləmək sərbəstdir.

Bizim izah etdiyimiz, dünyanı qurtaracaq bir müsəlmanlıq anlayışıdır. Sevgi, sülh, qardaşlıq, xeyirxahlıq, gözəllik, sənət, estetika var, qadınlar baş tacı edilir, qadınlar sərbəstdir, uşaqlar və cavanlar azad və sərbəstdir, hər yerdə nəşə, sevinc hakimdir.

Onsuz da yaşamaq çox çətindir, həyat çox çətindir, Allah belə yaratmışdır. Bir də bununla yanaşı, gülməməlisən, küçəyə çıxmamalısan, telefonla danışmamalısan kimi hökmlər verən qatı dinçilik kimi bir qanun gətirsən cəmiyyət məhv olar, xoşbəxt insan qalmaz. Zehni də durar, beyni də durar, işləyə bilməz, heç nə edə bilməz, heç nə istehsal edə bilməz, sənət gücü də qalmaz. Yəni “ənənəvi ortodoks İslam anlayışıyla” bir yerə çıxmaq olmaz. İnsanlar məhv olar.

Bədiüzzaman Türkiyədə dini, dinin həqiqətini təkmilləşdirdi, Atatürk də xurafatçılığı təmizlədi. Türkiyə bu iki dəyərli şəxs tərəfindən hal-hazırki gözəlliyə qovuşmuşdur. Birincisi Atatürk, ikincisi isə Bədiüzzamandır. Bir-birlərinə zidd kimi görünmələri leduni bir elmdir. Onu hər kəs başa düşə bilməz. Bir-birinə zidd kimi görünməsi, onun üsuludur.

Xurafatçı yaradılarkən mehdiyyət düşməni olaraq yaradılır. Halbuki, onun düşmənçiliyi, mehdiyyətin məqamını yüksəltmək üçün xüsusi olaraq hazırlanmış bir sistemdir. O, yalnız mehdiyyətin mövqeyini yüksəltmək üçün, yaradılmış bir cəhənnəm adamıdır. Allah cəhənnəm üçün yaradılmış o adamları sayəsində Mehdi (ə.s)-ın mövqeyini yüksəldir.

Xurafatçıların, qatı dinçilərin uydurma xurafatları atılsa, geriyə yalnız saf, xalis, əsil İslam dini qalar.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Əgər sənəti pis qarşılasan, musiqiyə, rəsmə, heykələ, memarlığa qiymət verməsən, sənətçini əzməyə çalışsan, rəsm olan evdən qaçmağa çalışsan, "it şeytandır, gördüyün vaxt qov" desən, onda o ölkə inkişaf etməz. Avropa ölkələrinin inkişafının səbəbi sənətə, elmə dəyər vermələridir.

Hər əxlaqsızlıq, hər zülm, hər cinayət Allahdan qorxmayan kəslərin törətdiyi hadisələrdir. Kommunistlər, darvinistlər, materialistlər, yəni Allaha inanmayanlar Allahdan qorxmaz. Onların arasından çıxar. Məsələn, xurafatçılar da Allahdan qorxmadıqları üçün əxlaqsızlıq edirlər.

Osmanlı ordusunun hamısı bektaşi idi. Osmanlı padşahlarının bir çoxu da bektaşi idi. Bektaşilik və ələviliyin ruhunda; insanlıq, sevgi, gözəllik, dərinlik hakimdir. Eqoistlik nədir bilməzlər. Tərslik nədir bilməzlər. Qatı dinçilərdə inanılmaz bir eqoistlik vardır, bir çoxunda böyük bir azğınlıq vardır.

Şeytan qəsdən İslamı çətinləşdirib məhv etdi dünyada. Dini çətin göstərmək çox şeytani bir metoddur. Şeytanın o pis zəkasının bir məhsulu olaraq ortaya çıxdı.

İslam hər yerə hakimdir. Əyləncə mərasimində də Allah barəsində danışarsan, toyda da. Əyləncə mərasimində Allah barəsində danışmaq olmaz kimi bir şey yoxdur. Bu dinsizliyi rəvac edəcək şəkildə yaymağa çalışan bir məntiqin əsəridir. Çünki, insanlar musiqiyə və əyləncəyə maraq göstərir. "Musiqi, əyləncə olduqda Allah barəsində heç danışmayın, susun" deyirlər. Dinsizlik məhz bunun nəticəsində yaranır.

Fransa dinə qayıdacaq, İslama qayıdacaqdır. Başqa cür fəlakətlərin ardı-arxası kəsilməz. Bunlar nümunə və sınaq hadisələrdir. Fransada qan tökməyə hazır olan minlərlə insan vardır, hal-hazırda mövcuddur. Heç gözləmədikləri insanlar bu hadisənin içindədirlər. Ancaq sevgiylə, mərhəmətlə, elmlə, mədəniyyətlə olar. Başqa cür olmaz.

Qatı dinçilər "İslam məzar dinidir" deyir. Torpağın altında yaşayarsan, qaranlıqda yaşayarsan. "Bunlarınkında aydınlıq var, işıq var, musiqi var, şəkil var" deyir. Həyat var, rəqs var, belə din olmaz deyir. Din qətran altında yaşanılar, işgəncə altında yaşanılar deyir. Qanın, iltihabın içində yaşayarsan, din buna deyilir deyir. Bəzi səfehlər də buna inanır. Bilmədən şeytana təslim olurlar. Bu hiyləni aradan qaldırırıq və qaldıracağıq da.

Xurafatçı zehniyyətə görə din; məzar dini, ölümün yaşandığı, qaranlığın yaşandığı bir dindir. Dinsizlikdə isə musiqi var, şəkil var, əyləncə var, rəqs var, həyat var. Dində isə nə musiqi, nə həyat, nə də əyləncə var. Diri-diri məzara qoyulmuş. Hər şey haram, hər şey qadağandır. Həyat yoxdur! Sanki qətranın altında qalmış bir insanın yaşaması kimi.

Heç bir dinin qarşısını almaq doğru deyil. Yayılsın qardaşım. Xristian xristianlığı yaysın, yəhudi yəhudiliyi yaysın, müsəlman müsəlmanlığı yaysın. Yetər ki, dindar olsun cəmiyyətlər. Əvvəlcə dindarlığın qəbul edilməsi çox əhəmiyyətlidir.

İslam dini vəhşilik dini kimi göstərilir. Ona görə bu antipatiya meydana gəlir. Deyirlər ki, "İslamofobiya"dır. Dəhşətə fobiya vardır, vəhşilikdən qorxur insanlar. Bir vəhşilik sistemindən bəhs edirsən, İslam deyə tanıdırsan. Vəhşiliyin adını İslam qoymusan. İslam dinində şəfqət, mərhəmət, sevgi, sənət, estetika, elm, gözəllik hər şey vardır.

Müasir düşüncə müasir İslam anlayışıdır. İslam dinində sevgi, mərhəmət, sülh, əmin- amanlıq, yaxşılıq, nəzakət, tərbiyə, sayğı, hörmət, keyfiyyət, ən yaxşı texnologiya, ən mükəmməl incəsənət vardır. Bütün fikirlərə və bütün adamlara qarşı hörmət vardır. Necə də gözəldir. Kommunizmdə isə öz fikrində olmayan hər kəsi öldürmək, dəhşət yaymaq, asıb-kəsmək vardır.

Xurafatçılıqla İslamı bütün dünyada dəyərdən saldılar. İslam günəşini söndürmək istəyirlər. Asma, kəsmə, döymə, qadınları alçaltma, qadınlara "yarım varlıq" demə vardır, musiqi yoxdur, şəkil yoxdur, incəsənət yoxdur, xeyirxahlıq yoxdur, gözəllik yoxdur, məhəbbət yoxdur, o yoxdur, bu yoxdur. Siz dəlisiniz? Sanki cəhənnəm həsrətindədirlər. İslamda belə bir şey yoxdur.

İslam dinini bütün dünyada, haşa, bəla kimi göstərən, cəhənnəm həyatı kimi göstərən qatı dinçilər ortaya çıxdı və müsəlmanları məhv etdilər. Əfqanistanda müsəlmanları boğdurdular, İraqda, Suriyada, Liviyada boğdurdular. Dünyanın hər yerində əzdirdilər.

Sevginin, məhəbbətin ən gözəl yaşandığı yer İslamdır. Müsəlman müsəlmana aşiqdir, Allah eşqiylə sevdiyi üçün sərhəd qoymaz. İnsan Allaha bəslənilən eşqə təəccüblənərmi? İnsana bəslənilən eşqə də təəccüblənmək olmaz. Bu həmişə artar. Mömin, mən Allahı bu qədər sevirəm deyə bilməz, sonsuz sevər.

Cənub-Şərq bölgəsində can təhlükəsizliyi təmin edilməmişdir ki, sərbəst seçki də keçirilsin. HDP-nin qazanması qeyri-qanuni olar. PKK-nın dəstəklədiyi bir partiya necə qanuni bir partiya ola bilər? Belə seçki olarmı? Seçki dayandırılmalıdır. Əvvəlcə PKK- nın dəstəyi aradan qaldırılmalı və PKK ləğv edilməlidir.