Adnan Oktar A9 TV; 14 yanvar 2017

Ehtiras Allahın möminlərə xüsusi verdiyi nemətdir, nurdur. Hörmət olmadan sevgi olmaz. Bir qadının qarşısındakı hörmət göstəriləcək xüsusiyyətlərə sahib deyilsə, o insana hörmət bəsləyə bilmədiyi kimi ehtiras da bəsləyə bilməz.

Ən mühüm məsələ Allahın sevilməsidir. Allah sevgini çox ləzzətli yaratmışdır, bütün gözəlliklər, cənnətdəki bütün nemətlər sevgi üçün yaradılmışdır.

Yaxşı insanlar da var, lakin pislər həddən artıq çoxdur. Etibarsız, dəyişkən insan həddən artıq çoxdur. Belə bir mühitdə əksər insan sevgini yaşamaq imkanı tapa bilmir.

Sevgi üçün dərin səmimiyyət, dərin Allah qorxusu lazımdır. Allah sevginin şərtlərini Quranda bildirmişdir, bunlar olmadıqda sistem çökər. Sevginin yaranması üçün səmimiyyət olmalıdır, lakin bəzilərinin hər hərəkəti nümayiş olur, əlləri, baxışları, yerimələri nümayişdən ibarət olur. Sistem səmimiyyətsizliyin üzərində qurulduğu üçün ehtiras olmur. Ehtiras xüsusi güc tələb edir, təqlid edilməsi qadını çox qəzəbləndirər.

Heyvanların və uşaqların gözəlliyi, bir-birlərinə duyduqları sevgi cənnətin nümunəsidir.

Qadın gözəlliyi və sevgisi dünyadakı ən gözəl nemətlərdən biridir. Qadın sevgisinin insanların əlindən alınması böyük mənəvi bəladır.

Sevgisiz, qəzəb dolu, söyüşsüz danışa bilməyən, üfüqləri dar olan insanların təhsili üçün dövlət xüsusi təhsil proqramı icra etməlidir.

Peyğəmbərimiz (s.ə.v) Mehdinin daş ürəkləri almaz edəcəyini bildirmişdir. Mehdi dünyanın sevgi müəllimidir.

İslam müasirlikdir, keyfiyyətdir, sevgidir. Müsəlman baxımlıdır, istədiyi kimi gülər, əylənər, dolu-dolu yaşayar. Əksini söyləyən səhv bilir.

Pişiklər sevgini çox gözəl bilən çox fövqəladə varlıqlardır. İnsanlar pişiklərin şirinliyini və qiymətini hələ yeni-yeni anlayır.

Terrora və şiddətə hər cəhətdən qarşı bir insanam. Mübarizə təkcə sülh, sevgi, elm və irfanla olar.

Möminlərin möminləri sevməsi, camaat halında olması Allahın Quranda bildirdiyi hökmdür.

Üst pərdədən meydan oxuyurmuş kimi üslub işlətmək yaraşmır. Doğru olmayan bir rəftar olduqda bunun səhv olduğunu gözəl sözlə izah etmək lazımdır. Səhv görülən işləri konkret nümunələr göstərərək izah etmək lazımdır. İzah edərkən də meydan oxuyurmuş kimi bir üslub işlətmək fayda deyil, zərər verər.

Düşüncə quruluşuna üzv olmaq Qərbdə çox göstərişli bir şey kimi qəbul edilir. Öz aləmlərində dünyanı idarə etdiklərini zənn edirlər. Hər hansı düşüncə quruluşuna üzv olmaq göstəriş və mühit qazandırdığı üçün bəzi insanlar bu strukturların arxasındakı zehniyyəti də qəbul edir. Bunların böyük qismi bir yerə toplandıqları zaman xalqa yuxarıdan aşağı baxan, homoseksual zarafatlar edən, darvinizmi müdafiə edən üslub hakim olur. Bu kəslərin sosial mediadakı paylaşımları da özlərini ortaya çıxardır. Məsələn, şərab olan bir fotoşəkli, homoseksual şeiri və s. şeyləri bəyənirlər. Beləliklə müsəlmanların yanında olarkən bu azğınlıqlara qarşı olduqlarını deyərkən, onlara əslində dəstək olduqlarının işarəsini verirlər.

Qəlb oxşayan, kabil-i xitab (təmas qurula bilən) olduğunu göstərən olmaq əhəmiyyətlidir. İnsanlara yuxarıdan-aşağı baxan, əsəbi insanların təbliğ etməsi təsiredici olmaz.

Eqoist, təkəbbürlü insanların üzündə mehriban, sevgi dolu ifadə yaranmaz.

Hər zaman ağıllı üslub əsas olmalıdır. Lovğa üslub yalnız qəzəbləndirər, nəticə verməz.

Əzəmətli, eqoist, təkəbbürlü, “ziyalı”, lakin eyni zamanda da ədabaz bir üslub, insanları bəyənməyən bir üslub; bu bir ruh xəstəliyidir. Yəni münafiq xarakterli bir ruhun çirkidir. Buna görə də, bütün möminlər üçün bu cür hərəkətlərdən çəkinmək mühüm məsələdir.

İnsan nəticədə ətdən, sümükdən əmələ gəlmiş bir varlığın görünüşüdür. Eqoistlik, təkəbbürlülük edəcək halı yoxdur. Bunu edən üçün çox böyük zəiflik olar. Bir məntiqi də yoxdur. Böyük olan Allahdır. Allahın yanında insan heç nədir.

Təkəbbürlənənlər alçaldılar, sürünər; təvazökar insanlar da həmişə uca yaşayarlar.

Münafiqlər eqoist olduqları üçün haşa Allahı məğlub edən olmaq istəyərlər. Şeytanın xüsusiyyəti nədir Quranda baxdığımız zaman? Haşa Allahı məğlub edən olmaq. Münafiqlər də həmişə haşa öz aləmlərində Allahı məğlub etmək əzmindədirlər.

Münafiqlər dəhşətli dərəcədə təkəbbür hissi içindədir. Haşa özlərini Allahdan böyük hesab edərlər.

Özünü böyük hesab etmək, lovğalanmaq, özünü tərifləyərkən də qarşısındakını vicdan yaxud mərhəmət tərəfini az göstərmək münafiqin xüsusiyyətidir. Özünü həmişə zərər çəkmiş kimi göstərər, mömini də insanları incidən kimi göstərər. Belə əxlaqsızlığı vardır.

Özünü böyük görəni Allah kiçildir. Özünü kiçik görəni də Allah böyüdür. Mömində eqoistlik olmaz, böyüklük hissi olmaz.

Əbdülhəmidə isnad edilən Qızıl Sultan, mövhumatçı kimi ifadələri qəbul etmərik. Bunlar həqiqət deyil. Lakin darvinizmin Osmanlıya o dövrdə daxil olduğu doğrudur. Əbdülhəmid dövründə darvinizmin Osmanlıya daxil olması ilə böyük mənəvi çöküş yaşandı. Əsil üzərində dayanmaq gərəkən məsələ budur.