Adnan Oktar A9 TV; 30 mart 2017

Bu proqram dini proqram deyil. Söhbət, əyləncə proqramıdır. Mən dindar insan olduğum üçün hər yerdə Allahı zikr edərəm.

Dünyanın bir çox yerində nifrət hakim oldu. Bunun müqabilində biz sevgini yerləşdirəcəyik inşaAllah.

Dünyanın hər yerində bir çox insanın təbliğ edə bilmədiyi mühitdə İslamı izah edirik. Darvinist fəlsəfənin dünyanı boğmasına mane oluruq. Anti-darvinist elmi fəaliyyətimiz imanlı nəsil yetişməsinə səbəb olur. Bəzi mövhumatçı kütlələr onları necə bir bəladan qoruduğumuzu anlamır.

Türkiyəni İraq və Suriyadan betər edəcək fəlsəfi təhlükə mövhumatçılıqdadır. Buna görə də, bu mövzunun üzərində çox dayanırıq.

Biz əvvəlcə prezident idarəetmə sisteminə bölünmə gətirəcəyi üçün qarşı çıxdıq. Bölünməyə imkan verməyən partiyalı prezidentliyi dəstəkləyirik dedik.

Darvinizmin əsassızlığını elmi olaraq izah edən tək əsərlər mənim kitablarımdır. Bu kitabların olduğu yerə dəccaliyyət girə bilməz.

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Dindar olanların həyata qapalı olduğu qənaəti vardır. Bu fəlsəfəyə görə xalq əylənər, çimərliyə gedər, dini dəstəkləyər, lakin dindarlar həyatı yaşaya bilməz.

Türkiyədə cəmiyyəti Suriya, İraq kimi keyfiyyətdən, əyləncədən, incəsənətdən uzaq bir quruluşa çəkmək istəyənlər var. Bunlar təkcə canlı qalmağı əsas götürür, bir növ orqanizm kimi yaşamaq istəyirlər. Allahın bizdən istədiyi həyat bu deyil. Sevgi, coşğu, gözəllik, keyfiyyət, sevinc əsas şərtdir.

Özləri dekolteli qadınlarla əylənən, rəqs edən kəslərin digər insanları “niyə əylənirsiniz, niyə dekolte var” deyə tənqid etmələri səmimiyyətsizlikdir. Səmimi şəkildə dekolteyə, rəqsə, əyləncəyə qarşıdırsa, özlərinin də bundan uzaq olmaları lazımdır. Özləri yaşayıb başqasını tənqid etmələri qəribədir.

Türkiyə çox müasir olmaq məcburiyyətindədir. Həm dindarları çox yaxşı qoruyan, həm də ultramüasir, mümkün qədər azadlıq təmin edən ölkə olacağıq. Tayyib hocam müasir sağın lideridir. Həm dindarları qoruyur, həm də müasir anlayışa sahibdir. Türkiyəni daha da müasirləşdirəcəyik. Millətimiz incəsənətə, gözəlliyə, keyfiyyətə, müasirliyə, dekolteyə qarşı olan bir qrup insanın zehniyyəti ilə deyil, parlaq anlayışla yaşamaq istəyir.

Tramp prioriteti mənəviyyata versin. Amerikanın dindarlığının güclənməsi üçün işlər görsün. Müsəlman din xadimləri bir yerə toplansın.

Dindar masonlar İslama mühüm xidmətlər edirlər. Yaxın zamanda bütün dünya bu xidmətlərin böyüklüyünü görəcək. Osmanlını darvinizm və dinsiz masonlar məhv etdi. Lakin dindar masonlar hal-hazırda hakimiyyəti ələ keçirmək üzrədirlər.

Bəzi insanlar dini çox yanlış bilir. Dindar olan içinə qapanar, anti-sosial olar, sevinci azalar, mistik auraya bürünər deyə güman edirlər. Din bu deyil. Tam əksinə imanla, dinlə insan canlanar, sevinər. Mömin moderndir, həyat doludur; əksi müşriklərin iddiası və həyatıdır.

Mövhumatçıların incəsənətdən, keyfiyyətdən, əyləncədən, gözəllikdən uzaq yaşamaları, fərqində olmasalar da müsəlmanların əzilməsinə səbəb olur.

İslamı içinə qapalı, ölü, əzab dolu sistem kimi göstərdikləri üçün insanlar İslamdan qaçır. Dəccaliyyətin bu oyununu biz pozduq. Sevgi, əyləncə, gözəllik, dostluq ən gözəl halı ilə İslamda yaşanar.

Bəzi insanlarda dindar olduqdan sonra passivləşməsi, həyat sevincini itirməsi, aktiv olmamasının lazım olduğu kimi yanlış qənaət var. Halbuki tam əksinin olması lazımdır. Din insana həyat və canlılıq bəxş edər. Birdirsə min canlı olar, birdirsə min həyat dolu olar insan.

Sərbəst yaşamağın mümkün ola bilməyəcəyini vurğulamağa çalışanlar boşuna çalışırlar. Türkiyə azad, müasir ölkədir, daha da azad olacaq.

Hökuməti incəsənətə, musiqiyə, rəqsə, insanların sevincinə qarışırmış kimi göstərməyə çalışanlar boşuna çalışırlar.

İngiltərə dərin dövlətinin hərəkətə gəldiyi bir çox hadisə ilə görünür. Allah möminlərə və ölkəmizə dair qurduqları bütün tələləri zərərsizləşdirir.

Tayyib hocam üslubu və həyatı ilə müasir, ziyalı insandır. “Nə şiəyəm, nə də sünni” deməsi də çox böyük gözəllikdir.

Mehdiyyət həyəcanı olmadıqda İslam aləmində dərin yuxu meydana gəlir.

YPG Avropaya verdiyi mesajda özünü guya qadın azadlığını müdafiə edən və mövhumatçılığa qarşı olan struktur kimi tanıdır. Bu yolla Avropa və Amerikadan dəstək alırlar. Türkiyə çox müasir və azad olsa, bunların bu yalanını da ortaya çıxartmış olar.

Bu millət mübarək millətdir, bərəkətli millətdir. Allah bu milləti həmişə qoruyar inşaAllah.

Hər cəmiyyətdən pis insanlar çıxa bilər, lakin yaxşı olanlar həmişə dostdur, qardaşdırlar. Musəvilər, xristianlar bütünlüklə pisdirlər demək, Qurana uyğun deyil.