Adnan Oktar A9 TV; 16 fevral 2015

Din, dünyanın bütün gözəlliklərini özündə toplayan bir sistemdir. Dində sevinc var, nəşə var, əyləncə var, musiqi var. Xanımlar rahatlıqla gəzər, istəsə dekolte geyinər, istəsə başını örtər, heç kim heç kimə qarışmaz. İstəyən qəhqəhə çəkib gülər, istəyən döymə elətdirər, istəyən də parik taxar. Din belə şeylərə qarışmaz. Din bizim vicdanlı, dürüst, ağıllı, halala, harama diqqət yetirən kimsələr olmağımızı istəyir. Din sevincin, nəşənin digər adıdır.

Yarış, Peyğəmbərimiz (s.ə.v)-in məqbul gördüyü, dinin də məqbul gördüyü bir şeydir. Cənnətdə də var; möminlər yarışla əylənirlər. Əylənmək üçün avtomobil yarışı keçirir, qayıq yarışı keçirir, yaxud qaçır, atla yarış keçirir.

İslam hər yerə hakimdir. Əyləncə mərasimində də Allah barəsində danışarsan, toyda da. Əyləncə mərasimində Allah barəsində danışmaq olmaz kimi bir şey yoxdur. Bu dinsizliyi rəvac edəcək şəkildə yaymağa çalışan bir məntiqin əsəridir. Çünki, insanlar musiqiyə və əyləncəyə maraq göstərir. "Musiqi, əyləncə olduqda Allah barəsində heç danışmayın, susun" deyirlər. Dinsizlik məhz bunun nəticəsində yaranır.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Dünyanın zövq alınacaq bir tərəfi yoxdur. Çünki zövq alınacaq yer cənnətdir. Niyə insan burada yarımçıq əylənsin? Belində bir ton odun ola-ola; "gəlin əylənək" deyir. Həmin bu bir ton odun Cənnətdə belindən enəcək. Ondan sonra əylənirsən. Burada əziyyət baş alıb gedir.

Allah "Dünya oyun və əyləncə yeri deyildir" deyir. "Oyun və əyləncə yeri cənnətdir. Dünya imtahan yeridir" deyir. Bunun üçün Allah: “Başınızı dünya həyatı ilə məşğul etsəniz, burada ilişib qalarsınız” deyir. Amma axirəti, Mənim rizamı qazanmağı qarşınıza məqsəd qoysanız, sizi əbədiyyən xoşbəxt edərəm, əylənərsiniz, gülərsiniz deyir. Bunu deyim ki, başını dünya həyatıyla məşğul edən kimsə, ancaq sürünər. Ancaq çırpınar. Başqa bir şey olmaz.

Ümumiyyətlə, tarix boyu dünyanı qadınlar üçün cəhənnəm mühitinə çevirmişdilər. Qadın olaraq dünyaya gəldiyi təqdirdə əylənmə, istədiyi kimi geyinmə, bəzənmə imkanı yoxdur, sevib-sevilmə hüququ yoxdur, sevinməsi qadağandır, hər şey qadağandır. Buraxın əylənsinlər, şən olsunlar, istədikləri kimi geyinsinlər. Artıq yaxalarından əl çəkin, imkan verin hüzurlu yaşasınlar.

Xanımların əylənməsini qadağan etmək dünyadakı mühüm bir gözəlliyi kökündən qopartmaqdır. Dünyanın ən mühüm bəzəyi qadındır. Qadın əylənirsə, xoşbəxtdirsə, şənlənirsə, gözəlliyini nümayiş etdirə bilirsə gözəl olar.

Nə səbir edir, nə də əziyyətə razı olur, birbaşa nemət istəyir. Olmaz belə bir şey. Belə olsa nə cənnətə, nə də Allahın rizasına qovuşa bilərsən. Bura imtahan yeridir, əyləncə yeri deyildir ki. Allah; "əgər Biz əyləncə etmək istəsəydik əlasını edərdik" deyir. "Şənimizə layiq olanı edərik" deyir. Əyləncə yeri cənnətdir. Burada belə bir şey yoxdur.

Musiqi də olmalıdır, əylənməlisən də, gülməlisən də. Əks təqdirdə fitrətin pozular, tarazlığın pozular. Allah qorusun xəstə olarsan, fitrətini pozma. Şən ol, sevincli ol, əylən, gül, oyna. Allah səni elə yaratmışdır. İçinə qapanırsan, xəstə olarsan, sağlığın gedər, düşünmə gücün itər. İslamı da yaşaya bilməzsən.

Musiqi halaldır, şəkil halaldır, əyləncə halaldır, heykəl halaldır. Yəni halalların həddi-hüdudu yoxdur. Haramlar Quranda müxtəsər, qısa şəkildə ifadə edilmişdir. Haramlar çox azdır. Allah: "Bunlardan savayı yerdə qalanları sizə halal etdim'' deyir. Sən haradan öz-özünə haramlar çıxarırsan?

Əyləncə, İslam, Quran, yemək-içmək, hər şey; həyat tək halda bütövdür. İslamdan ayrı həyat yoxdur. Yəni; "bir hissəsi İslami, bir hissəsi də qeyri-islami" olmaz. Hər nəfəsində İslam var; əylənərkən, gülərkən, yatarkən, uzanarkən, qalxarkən; ağlına gələn hər yerdə İslam var. İslamın olmadığı bir yer qəflət deməkdir, pərişanlıq deməkdir.

“Əlhəmdülillah” Allahın ən bəyəndiyi zikrlərdəndir. Məsələn, bir nemətə qovuşsan, bir gözəllik görsən, gözəl bir söz eşitsən “əlhəmdülillah” deməlisən.

Mal-mülkə uyub Allahı, dini unutmaq çox qorxuncdur. Ev Allah üçün istifadə edilməlidir, evin məscid olması lazımdır.

Allahı unutmaq Allaha xoş getməz. Həm meyvələr, lütfkarlıq, gözəlliklər, evlər, avtomobillər yaradacaq, adam haşa, heç bir şəkildə təmasda olmayacaq. Tək sözlə belə həmsöhbət olmayacaq. "Allaha həmd olsun" deməyəcək. O zaman Allah geri alar. "Avtomobili Mən verdim" deyər, alar Allah. "Evi Mən verdim, evi də alar" deyir. "Canı Mən verdim, canı da alaram" deyir. "Ya Mənə şükür edərsiniz, ya da geri alaram" deyir Allah.

Allahın xatırlandığı evlərə girmələri, Allahın xatırlandığı evlər əldə etmələri və orada Allahın xatırlanmasını təmin etmələri möminlərin vəzifəsidir. Elə evlər əldə edəcək ki, orada Allah xatırlanacaq.

Mələklər Allah yolunda cəhd göstərilən yerlərə toplaşarlar. Ən sevdikləri yerlər Quran söhbətlərinin edildiyi zikr məclisləridir. Böyük mələklər də Mehdi (ə.s)-ın yanından heç ayrılmazlar.

İnşaAllah və maşAllah zikri Mehdiyyətin paroludur.

Allah Quranda, bir şeyi unutduğumuz zaman Onu zikr etməyimizi söyləyir.

Allah davamlı olmayan zikr etməyi, təbliği zəif davranış olaraq qəbul edir. Zəif davranmağı da qəbul etmir. İntensiv olmasını istəyir Allah. Çox sıx, ola biləcək ən sıx dərəcədə.

İmanla, Allahın zikri ilə, Mehdiyyətin ruhu ilə, sevgi ilə, eşqlə, ehtirasla, dostluqla, qardaşlıqla, söhbətlə, bağışlayan olmaqla, gözəl zənlə, şübhəçilikdən qurtuluşla, güvənin gəlməsi ilə dünya cənnətə dönər.

“İnşaAllah” zikri Mehdiyyətin şifrəsidir.

Bir insan, qəlbinin Allahın zikriylə mutmain (rahat) olacağına inanmırsa, nə etsə də sıxıntı onu boğar, tək qurtuluş Allahın zikriylədir.

Televole mədəniyyətində Allahı, vətəni, milləti, mənəviyyatı unudacaq və unutduracaq bir üslub hakim olur. Buna qarşı fikri tədbir alınmalıdır. Bu proqramlar müftəxor həyat anlayışı formalaşdırır. Bəziləri onları bəsləsin, onlar da heç səy göstərməsinlər. Allahdan, dindən heç bəhs edilməsin, bomboş bir dünya olsun anlayışı hakim olur. Bu anlayış vətən, millət üçün ciddi təxribatdır.

Dində həyatın bütün gözəllikləri vardır. Musiqi, əyləncə, nəşə, sevinc, sevgi vardır. Din həyatın hər anını əhatə edir və hamısını halal etmişdir. Qeyri-qanuni, haram olan çox az şey vardır. Halal şeylərin sayı-hesabı yoxdur.